المنتجات المشتركه

تم النشر بواسطة : admin admin
بتاريخ 15/08/2017

ايه هى المنتجات المشتركه؟خلونا الاول نتفق ان دورك كمحاسب تكاليف محترف جوه الشركه بيتيح ليك انك تعرف كل صغيره وكبيره عن نشاط الشركه بتاعتك.ودا ببساطه لان معاك تحليلات لكل جنيه اتصرف على النشاط وجه ومنين وراح فين والمفروض اساسا كان يروح فين..
دورك كمحاسب تكاليف انك تبص على الدنيا من فوق !!
بمعنى وظيفتك مابتقتصرش على انك تقفل ميزانيه او تعمل ميزان مراجعه وتظبط دنيتك مع الضرايب ..
كل ده كوم وشغلك جوه غرفه عمليات الشركه وتحليلات الcostt اللى انت بتعملها وبتقدمها للاداره ده كوم تانى خالص.
تعالوا نتكلم عن موضوع مهم من موضوعات التكاليف الللى المفروض كمحاسيب تكاليف تكون ملم بيه وتعرفه من الالف للياء
يعنى ايه منتجات مشتركهjoint_products؟
المنتجات المشتركه دي عباره عن مجموعه منتجات الشركه او المصنع بينتجهم من خلال عمليه انتاجيه واحده وباستخدام نفس المواد الخام
produced by a common manufacturing process from a common input
تعالو نفهم واحده واحده
بنلاقى ان فى مجال البترول ان الشركه عشان تستخرج البنزين بدرجاته والسولار والزيوت بتقوم الاول بعمليه دراسه جدوي واختبارت وبعد كدا تبدأ تشتغل حفر وتنقيب وتطلع بترول خام وتبدأ تفصله لمشتقاته ..
كل الفلوس اللى احنا عمالين ندفعها للخبراء والعمال وتأجير الالات والمعدات والاكل والشرب عشان فى النهايه نوصل لنقطه استخراج البترول بنسميها التكاليف المشتركهcommon costs بتكبدها عشان انتج مجموعه منتجات مشتركه على بعض ولما ربنا يكرمنا ونوصل للبترول هنا بنكون عند نقطه بنسميها نقطه الانفصالsplit-off point واللى بعدها بقدر افصل البنزين عن السولار عن الغاز عن الزيوت يعنى من الاخر بنطلع المنتجات المشتركه.
خد بالك بقا
كل جنيه بدفعه بعد نقطه الانفصال بقدر اميز انه دافعه على اي منتج وبالتالى اقدر اربطه بيه
ولكن السؤال هنا اذاي اوزع التكاليف المشتركه اللى اتكبدتها قبل نقطه الانفصال على المنتجات اللى طلعتها دي وباي اساس؟
بنلاقى هنا ان فى اكتر من طريقه بقدر من خلالها اوزع التكاليف دي على المنتجات ذي ماهنشوف
جاهز ياباش محاسب؟
فى ناس قالوا اننا نشوف كل منتج انتجته سعره كام فى السوق ونوزع التكاليف المشتركه على اساس القيمه البيعيه دي
يعنى لو برميل الزيت عامل 100 دولار والبنزين 200 والسولار 500دولار وكانت التكاليف اللى اتكبدتها لحد ماوصلت لنقطه الانقصال 1000000 دولار هاوزع المليون دولار دول بالشكل ده
نصيب الزيت من التكاليف المشتركه =1000000 *(100÷350) =285715 دولار
نصيب البنزين=1000000*(200÷350) = 571428 دولار
نصيب السولار = 1000000* (50÷350)=142857 دولار
وبكدا حددت كل منتج كلفنى كام من التكاليف المشتركه اللى دفعتها
وعد كدا بشوف كل منتج كلفنى كام بعد نقطه الانفصال وحط ده على ده يديك تكلفه المنتج النهائيه
يعنى مثلا البنزين بنقيه من الشوائب و بعبيه فى براميل وبشحنه وبوصله للعميل وكل ده كلفنى 200000 دولار للبنزين بس
هنا اقدر اقول ان تكلفه البنزين عباره عن 571428+200000 = 7714288 دولار وفى الحاله دي اقدر اقول انى لو انتجت 10000 برميل البرميل الواحد هايكلفنى 77 دولار تقريبا
وتروح لاداره وتوضحلهم الكلام ده فى شكل تقرير وتشتغل يابرنس
فى ناس تانى بقا بتقول اننا لازم نوزع التكاليف المشتركه دي على اساس صافى القيمه القابله للتحقق Estimated net realizable value واللى كلنا عارفينهاعباره عن سعر البيع التقديري مخصوما منها تكاليف الاتمام
يعنى ذي مااتفقنا ان سعر بيع برميل البنزين 2000دولار وان عشان ابيعه لازم اصرف مصاريف بيعيه 20 دولار وهنا صافى القيمه القابله للتحقق هاتكون 180 دولار وهكذا بالنسبه لباقى المنتجات وبعد مااجيب صافى القيمه القابله للتحقق ابدأ أوزع التكاليف المشتركه على اساس صافى القيمه لكل منتج ذي ماعملت على اساس سعر البيع
فى ناس تانى بتقول اننا المفروض نوزع التكاليف المشتركه على اساس حجم الوحدات اللى انتجتها من كل منتج
ايا كانت الطريقه اللى هاتوزع بيها فانت اهم شئ تكون فاهم يعنى ايه منتج مشترك وتكالبف مشتركه وائاي توزعها على المنتج واللى على اساسها هاتحدد سعر بيعه
#برنامج_ادارة_وحسابات_تكاليف_المصانع
يمكنك قراءه المزيد من المقالات و الحصول على نسخ تجريبيه من برامجaccflexx من خلال زياره موقعناِ الرسمي
http://accflex.com/
#اسأل_محاسب


التعليقات

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تابعنا علي

Terms and Conditions . Privacy Policy . © Copyright ACCFLEX is a registered trademark