نظام الاوامر الانتاجيه كاحد انظمة التكاليف المطبقه فى المصانع

تم النشر بواسطة : Mahmoud Ali
بتاريخ 15/08/2017

نظام الاوامر الانتاجيه كاحد انظمة التكاليف المتبعه فى انشطة التصنيع
ماهو نظام الاوامر الانتاجيه؟
ازاى اعمل ربط مابين نظام الاوامر الانتاجيه كأحد أنظمة التكاليف مع نظام المحاسبه الماليه وخصوصا لو كنت شغال على برنامج تصنيع؟


ماهى مراحل تطبيق واهم الاعتبارات فى تطبيق نظام الاوامر الانتاجيه؟
لو انت محاسب تكاليف في مصنع بيعتمد في انتاجه علي طلبات العملاء بتوعه وبيكون انتاجه غير نمطي يعني كل منتج بتنتجه بيكون علي حسب مواصفات ومعايير العميل يبقا افضل نظام تكاليف ليك هو نظام الاوامر الانتاجيه..
يعني مثلا لو احنا مصنع شغلنا قايم علي تصنيع غرف نوم وسراير وانتريهات علي حسب مواصفات وطلبات العملاء. او كنا مؤسسه دعايه وبنصمم يافطات وبانرات دعايه علي حسب اوردارات العملاء بتوعي يبقا اكيد نظام الاوامر الانتاجيه هو الافضل..
نييجى للمهم
ازاي اطبق نظام الاوامر الانتاجيه في شغلي؟
بصرف النظر عن نظام التكاليف المتبع سواء كان نظام الاوامر الانتاجيه او نظام المراحل الانتاجيه
كلنا عارفين ان تكلفه اي productفي الدنيا عباره عن 3عناصر اساسيه (مواد مباشره ‘واجور مباشره‘ ونصيب المنتج من التكاليف الصناعيه الاخري) ولو قدرت اعرف المنتج بتاعي اتكلف اد ايه من العناصر دي , بسهوله اقدر احط هامش الربح اللي انا عايزه أو احدد السعر اللي عايز ابيع بيه.. خلونا نعرف واحده واحده اذاي نحدد تكلفه الامر الانتاجى من كل عنصر  من عناصر التكاليف او اول مرحله معانا فى تطبيق نظام الاوامر الانتاجيه.
#اولا ازاى احدد تكلفه الامر الانتاجى من #المواد_المباشره.؟
فى البدايه طبعا المفروض انى بشترى المواد الخام بتاعتى من الموردsupplier وبحطها فى مخزن المواد الخام وبسجل العمليه دى بالقيد ده
1000000 من ح/ مخزون المواد الخام raw material(أخشاب مثلا)
1000000الى ح/الموردينaccounts payble
#وبعد_كدا :بنصرف مواد خام للاوامر الانتاجيه بتاعتى بموجب#اذون_صرف واللى بيكون مكتوب فيها رقم الامر الانتاجى اللى بصرفله المواد الخام من المخازن ,ودى حته مهمه جدا لان من خلال الاذون دى بعرف الامر الانتاجى كلفنى اد ايه من المواد الخام.
وبثبت عمليه الصرف بالقيد ده:
100000من ح/انتاج تحت التشغيل(الامررقم 15)work in process_jop15
100000الى ح/مخزون المواد الخامraw material
بوكدا بقول انى سحبت من المخزن مواد خام تكلفتها 100000ج وحولتها للتشغيل للامر الانتاجى رقم15.
ولحد دلوقتى احنا عرفنا ان الامر الانتاجى اتكلف 100000ج مواد مباشره (ولو رجعت حاجه منهم للمخازن بنزلها من تكلفه الامر بقيد عكسى)
#ثانيا: اذاى احدد تكلفه الامر الانتاجى من الاجور المباشرهdirect labor
ودى سهله جدا ومافيش اسهل منها
الحكايه ومافيها بنشوف عدد ساعات العمل اللى استغرقها الامر الانتاجى ومعدل اجر الساعه كام(يعنى الساعه الواحده هاتكلفنى كام) ودا بيتم من خلال بطاقه او كشف بسجل فيها كل عامل اشتغل على الامر ده كام ساعه وتكلفه الساعه الواحده كام عشان فى النهايه اوصل لاجمالى تكلفه الاجور.(نفترض اننا هنا بننتج دولاب للعميل بشوف وعم احمد النجار خد فيه 5 ساعات تقطيع ومعدل اجر الساعه ليه 20ج وعم حسن بتاع الدهان اشتغل فيه 7 ساعات معدل اجر الساعه 10ج) وفى النهايه بتوصل لاجمالى الاجور المباشره وبثبتها بالقيد ده:
5000ج(مثلا) من ح/ الانتاج تحت التشغيل _الامر الانتاجى رقم 15
الى ح/اجور مستحقه الدفعwage payble
ولحد دلوقت احنا عرفنا ان الامر الانتاجى اتكلف 100000ج مواد خام مباشره و5000ج اجور مباشره.
ولو انت شغال على برنامج تصنيع فالموضوع هايكون أكثر مرونه
#اخر_حاجه: اذاى نعرف الامر الانتاجى اتكلف اد ايه من المصروفات الصناعيه الاخرىmanufacturing overhead
المصروفات الاخرى او الغير مباشره هى اللى ماتكونش مرتبطه بشكل مباشر بالامر الانتاجى ذى مثلا مرتبات مشرفى الانتاج والمواد غير المباشره واهلاك الالات وغيرها
والمفروض انى #بقدر حجم التكاليف الغير مباشره هاتكون اد ايه كل شهر وعلى اساسه بحملها او بوزعها على عدد الاوامر اللى عندى خلال الشهر ده
يعنى مثلا ان طلعت من مخزن المواد المساعده شويه مسامسر وشويه غراء للخشب ب10000ج فى الحاله دى بوزع التكاليف دى على الاوامر اللى عندى ..بس هنا فى مشكله ان فى امر اخد مواد اكتر من التانى ..بس ماتقلقش الحل اهو:
المفروض انى بوزع التكاليف غير المباشره باستخدام اساس توزيع وفى حاله المسامير دى بستخدم تكاليف المواد المباشره كاساس للتوزيع بمعنى ان الامر 15 خد مواد خام ب100000 والامر16خد مواد ب200الف والامر 17 خد مواد ب300الف هنا نسب التوزيع هاتكون 1:2:3 وهنا هنلاقى ان نصيب الامر 15 من المواد غير المباشره ب1700تقريبا.
وبثبت الحته دى بالقيد ده من
1700من ح/ الانتاج تحت التشغيل_الامر15
1700 الى ح/المواد غير المباشرهindirect material
وقيس على كدا يامعلم باقى التكاليف غير المباشره ذى الاهلاكات والكهربا والمياه وغيرها وغيرها وكل عنصر بستخدمله اساس توزيع مختلف وفى النهايه بجمع نصيب الامر من التكليف دى ونفترض ان طلع 1000ج
وعد كدا بتروح للمدير المالى بتاعك او حتى رئيس مجلس الاداره بقلب جامدوعاك ورقك وفواتيرك وتقاريرك وتقوله ان الامر الانتاجى بتاعنا اتكلف 100000مواد خام واتكلف 5000ج اجور و1000ج مصروفات تانى باجمالى تكلفه 106000ج ولو حبينا نبيعه ممكن نحط 25%هامش ربح يبقا سعره للعميل 132500
 نظام الاوامر الانتاجيه من أسهل انظمة التكاليف المطبقه فى انشطه كتير واللى بيختلف بدرجه قليله عن نظام المراحل الانتاجيه 
بكدا  نكون شرحنا باختصار وبشكل مجمل نظام الاوامر الانتاجيه وتطبيقه كاحد انظمة التكاليف المتبعه  
 فى المقالات الجايه هانتكلم عن تطبيق نظام الاوامر الانتاجيه فى مختلف الانشطه اللى بتشتغل بيه زى نشاط الخرسانه الجاهزه 
وتطبيقها على برنامج تصنيع اكفليكس وازى بيتم الربط مع برنامج الحسابات العامه


التعليقات

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تابعنا علي

Terms and Conditions . Privacy Policy . © Copyright ACCFLEX is a registered trademark