نظام المراحل الانتاجيه كاحد انظمة التكاليف المطبقه

تم النشر بواسطة : Mahmoud Ali
بتاريخ 01/02/2018

نظام المراحل الانتاجيه

Process costing

نظام المراحل الانتاجيه هو النظام المناسب في حاله المنتج اللى بيمر فى انتاجه على مراحل او اقسام مختلفه .زى المصانع اللى بتنتج الكشاكيل فى الاول بيتم تقطيع الورق بمقاسات مختلفه وبعد كدا بيدخل مرحله تانى وهو ان الورق بيتقسم لاحجام مختلفه حسب عدد الورق فى الكشاكيل وبعد كدا بيدخل خط انتاج تانى عشان يتغلف ويكون منتج تام وزى مصانع انتاج الحديد والصلب.
وهنا المطلوب منى كمحاسب تكاليف انى احدد هو المنتج كلفنى اد ايه فى كل مرحله وانقله على المرحله اللى بعدها بالتكلفه دى وبسجل الكلام ده فى تقارير الانتاج بتاعتى 
وبكدا نقدر نميز نظام المراحل الانتاجيه عن غيره من نظم التكاليف وبالاخص نظام الاوامر الانتاجيه فى ان نظام المراحل الانتاجيه هو نظام نمطى بدرجه اكبر


تعالوا نعرف الحدوته ماشيه ازاى  فى نظام المراحل الانتاجيه بالتسلسل المنطقي :
 

قيود  اليوميه وفقا لنظام المراحل الانتاجيه


فى البدايه بنشترى الخامات بتاعتنا من الsuppliers ونجهز الدنيا للشغل وذى اي عمليه شراء فى الدنيا بثبتها بالشكل ده :
1000000 من ح/ مخزون مواد خامraw material
1000000 الى ح/الموردينaccounts payable اوالكاش
كدا انا جيبت خاماتى والعماله جاهزه للشغل والمعدات فى اماكنها وكله تمام
#يلا_نشتغل
ادارة الانتاج بترسل لامناء المخازن حاجه اسمها اذن صرف من خلالها بيصرفوا كميات معينه من الخامات دى لمراحل الانتاج او للاقساام
ولما بيتم الصرف فعليا بنثب اللى اتصرف بالقيد ده:
10000ج من ح/الانتاج تحت التشغبل_المرحله الاولى department A
10000 الى ح/مخزون المواد الخامraw material
وبكدا احنا عرفنا المرحله دى كلفتنا اد ايه من المواد الخام او المواد المباشره(اللى هى اول عنصر من عناصر التكاليف)
تعالو نعرف المرحله دى كلفتنا اد ايه من #تكاليف_التحويل Conversion costs وبيسموها تكالبف التشكيل وسموها كدا لان التكاليف هى اللى بتساهم فى تحويل المنتج من ماده خام ل منتج تام لان الماده الخام فى حد ذاتها مش هاتعملىي منتج..لازم عماله تشتغل ومع العماله دى بتكلف مصروفات تانى ذى الايجار والكهرباء واهلاك والضرايب وخلافه(direct labor+ manufacturing overhead) 
#بالنسبه_لاجور عمال القسم او المرحله دى فمن السهل انى احدد تكلفتهم من خلال انى بعرف كل المنتج استغرق وقت اد ايه فى المرحله دى ومعدل اجر الساعه كام ودا بيتم من خلال كشف كدا محاسب التكاليف بيسجل فيه عدد الساعات لكل عامل
لو العامل احمد اشتغل 10 ساعات * 20ج للساعه الواحده اذا المنتج اتكلف 200ج اجور العامل احمد وهكذا لباقى العمال.
وبعد مابشوف المرحله دى اتكلفت اد ايه من الاجور (المباشره والغير مباشره) وكمان بشوف نصيب المرحله دى من الoverhead (وهانتكلم فى النقطه دى كتير) بعمل القيد ده :
20000 من ح/الانتاج تحت التشغيل-المرحله الاولى
الى مذكورين
10000ح/الاجور(direct &indirect)
5000ح/مصروف الايجار rent expense
5000ح/مصروف التامين insurance expense
وبكدا نكون عرفنا المرحله دى كلفتنا اد ايه لحد دلوقت
10000 مواد خام+20000تكاليف تحويل.
فلو انا كنت هانتج 10000 كشكول فالكشكول الواحد مكلفنى لحد دلوقت 2ج 
وبعد كدا بننقل المنتج لمرحله تانيه عشان يتم
20000 من ح/المرحله التانيه
20000 الى ح/ المرحله الاولى
ومن هنا هاقدر اتتبع التكلفه بتاعتى واعرف هى وصلت لفين والكلام ده هايكون فى شكل تقرير بيقول ان:
#الفلوس طلعت من الخزنه راحت المخزن فى شكل مواد خام و طلعت من المخزن راحت للمنتج فى شكل انتاج تحت التشغيل..
#الفلوس طلعت من الخزنه راحت مباشره على الانتاج تحت التشغيل فى شكل اجور ومصروفات اخري.
وكل دول طلعوا من المرحله دى راحت مرحله تانى
ودا اللى يميز محاسب التكاليف عن المحاسب المالى اللى هدفه انه يعمل فى النهايه قوائم ماليه وفقا للمعايير.
محاسب التكاليف بيحدد المنتج اتكلف اد ايه وايه سعر البيع المقترح عشان اقدر اغطى تكلفته 
هايقول هو المنتج ده بيساهم فى تغطيه التكاليف فى الشركه بمقدار ادايه واستمر فى انتاجه ولا لا.
ودا بخلاف التقارير التحليله اللى بيقدمها لتحليل تكلفة المنتج فى كل مرحله فى نظام المراحل الانتاجيه
 


التعليقات

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تابعنا علي

Terms and Conditions . Privacy Policy . © Copyright ACCFLEX is a registered trademark