ازى تحدد المنتج اتكلف اد ايه من الاجور؟

تم النشر بواسطة : mona ebrahim
بتاريخ 12/10/2017

ال labor من أكتر العوامل اللى بتدخل معانا فى الproduct cost وبيكون ليها تأثير كبير فى تحديد الprices للمنتجات اللى بصنعها وابيعها.عشان اقدر احقق هامش الربح المستهدف أو على الاقل احدد سعر بيع يغطى التكلفه بتاعتى .
وعشان _ كمحاسب تكاليف_ امشى مظبوط واحدد هو الproduct بتاعى اتكلف اد ايه بالظبط من الاجور وفى نفس الوقت التوجيه المحاسبي بتاعى يكون مظبوط والمعالجه المحاسبيه صح كنظام محاسبه ماليه تكون دقيقه لازم ناخد فى اعتبارنا شوية حاجات.
#أولا: عامل الوقت هو عامل مهم جدا _ فى اغلب الاحوال_ فى تحديد الاجور المستحقه لكل عامل جوه المصنع وكمان اقدر احسب كل job order اخد وقت اد ايه من العامل ده وبكدا هاقدر احسب هو الjob دى نصيبها كام من تكلفة اجر العامل وعشان كدا من المفترض انى بصمم بطاقة حضور وانصراف للعامل بتاعى بحسب فيها اجمالى الساعات بتاعته جوه المصنع كانت اد ايه عشان اشوف هو مستحق ليه كام ,وكمان بصمم بطاقة تشغيل او work sheet اللى بتكون مع مشرفي الانتاج وبيحددوا من خلالها كل عامل اشتغل كام ساعه على الامر الانتاجى ده.المنتجات.
#ثانيا: عشان اكون دقيق فى المعالجه المحاسبيه وكمان تحديد تكلفة المنتج من الاجور بشكل سليم لازم نفصل ونفرق مابين الحاجات اللى هانقول عليها دلوقت:
1) #تكلفة_الوقت_الضائع_idle_time : وهنا لازم نفرق مابين الوقت الضايع الطبيعى اللى كدا كدا غصب عنى بتحمله دا بعتبره direct labor cost وبحمله على الاوامر عادى جدا. وفى الوقت الضايع بسبب دلع العمال او اسباب طارئه نتيجة الاعطال وده بعتبره من ضمن الخسائر الغير العاديه وبقفله فى الprofit $ loss وفى رأى بيقول اننا نعتبره من ضمن التكاليف الغير مباشره ونعيد توزيعه على المنتجات او الاوامر ككل.
2)#الاجر_الاضافى: ودا الاجر اللى بديه للعامل بسبب شغله فى اوقات العمل الغير رسميه وفى الغالب بيكون معدل اجر الساعه فيها اعلى من معدل الاجر الساعه العادى يعنى مثلا بحسبله الساعه بساعه ونص لو بياخد فى الساعه 10 ج يبقا ساعة الاجر الاضافى هاتكون ب15ج وهنا بنقسم ال15ج دول ل10ج اللى معدل اجر الساعه الطبيعى ودى هانعتبره تكلفه مباشر وال5 ج اللى هى مقدار الاضافه او العلاوه ودى بعتبرها من ضمن التكاليف الغير مباشره indirect labor cost 
3)#المزايا_العينيه: ودى الخدمات اللى بقدمها للموظفين زى السكن والاكل والرحلات وغيرها وفى الغالب العناصر دى بتكون مرتبطه بمراكز خدمه وبتتوزع من ضمن ال indirect cost على الاوامر كلها
4) #حصة_الشركة_فى_التأمينات
5) #المكافأت : والمنح ودى بتختلف فى توجيهها باختلاف الشخص اللى هاقدمهاله يعنى لو هاتروح لموظفى التسويق يبقا تدرج ضمن تكاليف التسويق ولو هاتروح لعمال الانتاج بعتبرها تكاليف اجور مباشره او غير مباشره حسب موقع العامل من العمليه الانتاجيه وهكذا لو كانت هاتروح لموظف ادارى.
#ثالثا#القيود: ودى اخر خطوه ومن اهم الخطوات اللى بتميزك كمحاسب تكاليف فاهم التوجيهات بتاعته كويس وتأثيرها على القوائم الماليه هايكون ماشى ازاى ولازم نعرف ان اجور الانتاج هنا بنعتبرها ضمن تكلفة الانتاج وليست مصروف وبعد مابنقسم ونصنف الاجور ونعرف المباشر منها والغير مباشر بنعمل القيد ده:
الاول بنثبت استحقاق الاجور للعماله :
10000من ح الاجور المباشره
13000من ح الاجور غير المباشره
23000الى ح الاجور المستحقه
بعد كدا بحمل الاوامر الانتاجيه بتكلفة الاجور المباشره ونصيبها من الاجور الغير مباشره
من ح الانتاج تحت التشغيل
5000الامر رقم...
2000الامر رقم..
3000الامر رقم..
10000الى ح الاجور المباشره.
كدا حملت االاوامر الانتاجيه بتكلفة الاجور المباشره كل امر حسب استفادته من العمال.
بعد كدا بنوزع تكاليف الاجور الغير مباشر زى المزايا العينيه والتأمينات والوقت الضائع الغير مسموح به وبوزع التكاليف دى على الاوامر بعد مابتختار اساس توزيع مناسب سواء عدد الساعات المباشره او ساعات عمل الاله كل بند حسبه الاساس المناسب ليه وبنعمل القيد ده:
من ح الانتاج تحت التشغيل
6000الامر رقم...
4000الامر رقم..
3000الامر رقم..
13000الى ح الاجور غير المباشره .
وبكدا هعرف كل امر اتكلف اد ايه من الاجور المباشره ونصيبه من الاجور غير المباشره وفى نفس الوقت وجهت القيود محاسبيا.
________________________________________________
هدف #أكفليكس بتقدملك منظومة التصنيع اللى من خلالها بتقدر تعمل نظام تكاليف متكامل ومترابط مع نظام المحاسبه الماليه وتوجيه محاسبي بيتم اوتماتيك مع منظومة الحسابات العامه .وكمان فريق استشارى جاهز معاك بناء النظام وتحديد احتياجاتك.
للحصول على نسخه تجريبيه برجاء ارسال البريد الالكترونى ورقم التليفون وسيقوم القسم المختص بالتواصل معكم.
http://accflex.com/
Email : sales@hadafsolutions.net
Telephone: 01022226599- 01000754764


التعليقات

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تابعنا علي

Terms and Conditions . Privacy Policy . © Copyright ACCFLEX is a registered trademark