مقالات

قيود الاستثمار العقاري فى برنامج الاستثمار العقاري وتقسيط الوحدات

تم النشر بواسطة : Mahmoud Ali
بتاريخ 31/12/2018


ماهي القيود المحاسبية لاثبات دورة الاستثمار العقاري وازاي ممكن نطبقها علي برنامج الاستثمار العقاري وتقسيط الوحدات  Real Estate Software؟ .

ماهي الحسابات المستخدمة فى الدورة المحاسبية  وهل استخدام برنامج الاستثمار العقاري وتقسيط الوحدات ممكن يأثر بشكل أو باخر على شكل وتكوين الحسابات فى الدليل المحاسبي ؟ .

امتي بيتم الاعتراف بالايراد فى محاسبة الاستثمار العقاري ؟ هل عند حجز الوحدات أم عند التعاقد أم عند تسليم الوحدات للعميل؟ .

خلينا نتعرف علي الدورة المحاسبية  لنشاط ادارة العقارات من خلال قيود اليومية , وازاي نقدر نسجل القيود دة على برنامج  ادارة شركات الاستثمار العقاري وتقسيط الوحدات السكنية .

مراحل المعالجة المحاسبية للاستثمار العقاري :

برنامج ادارة شركات الاستثمار العقاري

اولا اثبات تكلفة الاعمال  وتطبيقها على برنامج الاستثمار العقاري وتقسيط الوحدات  :

 (لقراءة مقال تفصيلي عن بنود التكاليف في شركات الاستثمار العقاري اضغط هنا  )

مبدئيا لازم نعرف ان كل تكلفة ممكن  نتحملها  فى نشاط الاستثمار العقاري بنقفلها فى حساب  أعمال تحت التنفيذ , وهو احد حسابات الاصول المتداولة ,واشبه بحساب المخزون فى النشاط التجاري ,  ودا بيودينا لسؤال تاني بيقول اية هي انواع التكاليف اللى ممكن اتكلفها فى نشاط الاستثمار العقاري ؟
نشاط الاستثمار العقاري هو نشاط بيتطلب بناءا وحدات وبالتالي نفس التكلفة اللى ممكن اتكلفها لو انا شركة مقاولات , ودا نموذج لبعض أنواع التكلفة اللى ممكن اتكلفها والمعالجة المحاسبية ليها على مجموعة برامج AccFlex ERP Systems 

1) تكلفة الخامات وتتبعها فى برنامج الاستثمار العقاري وتقسيط الوحدات : 


وكنا اتكلمنا فى مقال تفصيلي عن تكلفة الخامات وازاى ممكن نتتبعها من اول المشتريات من الخامات المختلفة لحد مانتوصل لتكلفة الوحدة الواحدة فى المشروعات اللى بنمتلكها , وتقدر تقرأ المقال كاملا من هنا  وبشكل عام بيتم تتبع تكلفة المشروع من الخامات بناءا على  قيم اذون الصرف اللى تمت خلال الفترة علي المشروع دة , ولو انا بشتغل على سيستم ممكن نستعرض حركة اذن الصرف بتتم ازاي واية القيد الناتج عنها بالشكل دة :


_ حركة اذن صرف من برنامج ادارة المخازن   ( نظام هام من ضمن الانظمة الفرعية ل برنامج الاستثمار العقاري وتقسيط الوحدات ):
برنامج الاستثمار العقاري وتقسيط الوحدات

_ تقرير اذن الصرف في برنامج حسابات ومخازن أكفليكس :
برنامج الاستثمار العقاري وتقسيط الوحدات

_ قيد يومية ناتج عن اذن صرف فى برنامج الحسابات العامة وتحميلة على مشروع معين :
برنامج الاستثمار العقاري وتقسيط الوحدات

2) تكلفة المصنعيات , وفى الغالب بتتم على بنود مستخلصات مقاولي الباطن  اللى بتفق معاهم , زي مقاولين التركيبات المسؤلين عن تركيبات السيراميك على سبيل المثال , وتكلفة المستخلص بتتوجة على حساب أعمال تحت التنفيذ بمعلومية مشروع معين , ودا نموذج لمستخلص أعمال لمقاول باطن فى برنامج محاسبة شركات المقاولات والاستثمار العقاري  :

برنامج الاستثمار العقاري وتقسيط الوحدات
_ تقرير مستخلص أعمال مقاول باطن :

برنامج الاستثمار العقاري وتقسيط الوحدات
_ قيد يومية ناتج عن مستخلص مقاول باطن :

برنامج الاستثمار العقاري وتقسيط الوحدات
3) التكاليف الغير مباشرة المحملة : 
زى التكاليف الادارية اللى بحملها على حساب أعمال تحت التنفيذ , وبتكون بنسب استفادة كل مشروع من التكاليف دي , ودا نموذج قيد يومية لتحميل المشروع بنصيبة من تكاليف رواتب الادارة :

 

برنامج الاستثمار العقاري وحجز الوحدات

ثانيا المعالجة المحاسبية للايراد والعقود فى برنامج ادارة شركات الاستثمار العقاري   ( الاعتراف بالايراد في نشاط الاستثمار العقاري) :


1)    عند حجز الوحدات : 


الجانب المحاسبي في جزئية الاعتراف بالايراد  بيبدأ لما العميل يروح شركة الاستثمار العقاري ويطلب يحجز وحدة معينة من الوحدات المتاحة للحجز , وفى الغالب العميل بيدفع مقدم حجز " أو عربون "  تمهيدا لعملية التعاقد, وبعدها يبدأ التفاوض على اسعار الوحدة وخطط السداد اللى بتختلف من شركة للتانية او حسب سياسة الشركة , والعميل بيمضي على خطة السداد وبيحصل على نسخة منها للمراجعة.

_ نموذج خطة سداد في برنامج الاستثمار العقاري وتقسيط الوحدات :

برنامج الاستثمار العقاري وتقسيط الوحدات

نموذج استمارة الحجز فى برنامج الاستثمار العقاري وتقسيط الوحدات وتقرير السداد اللى العميل بيوقع عليها تمهيدا لعملية التعاقد : 
برنامج الاستثمار العقاري وتقسيط الوحدات


2)    مرحلة التعاقد : ودي المرحلة التانية من مراحل الدورة المحاسبية في برنامج الاستثمار العقاري وتقسيط الوحدات  ان العميل بيوافق على أسعار وخطةالسداد المتفق عليها ,تبدأ مرحلة التوقيع على العقود , وهنا مافيش اي تاثير  محاسبي هايتم غير علي جزئية عمولات البيع المستحقة سواء كانت مستحقة لموظفي الشركة , او لسمسار العقارات  . ودا لان السمسار او البائع بتستحق لية عمولة البيع لما يتم التعاقد , والعمولات هنا هاتعتبر من ضمن تكاليف المشروع او الوحدة المباعة ,وبيتم اثبات العمولة بالقيد المحاسبي دة :

من ح عمولات بيع 
الى مذكورين :
ح حسابات دائنة اخري _الموظف ..
ح حسابات دائنة اخري _ السمسار..

 ( شكل قيد اثبات عمولات البيع فى برنامج الحسابات العامة واللى بيتم اوتماتيك لما بيتم اثبات التعاقد فى برنامج الاستثمار العقاري وتقسيط الوحدات  )
برنامج الاستثمار العقاري وتقسيط الوحدات

3)     تحصيل الاقساط  في : 
ودي الاقساط المتفق عليها بناءا على الاتفاق اللى تم بينى وبين العميل , وهنا لازم ناخد بالنا من حاجة مهمة جدا , وهى ان اي عمليات نقدية بتتم مع العميل سواء كانت تحصيلات نقدية او مدفوعات نقدية بتتم علي حساب دفعات مقدمة للعملاء ودا احد حسابات الالتزامات المتداولة " حسابات دائنة اخري" , وممكن تقرأ مقال كامل بيتكلم عن المعالحة المحاسبية للاستثمار العقاري واهم الحسابات المستخدمة فى النظام المحاسبي للاستثمار العقاري وتطببيقة على برنامج الاستثمار العقاري وتقسيط الوحدات .

شاشة المقبوضات في برنامج ادارة النقدية :

برنامج الاستثمار العقاري وتقسيط الوحدات

نموذج ايصال استلام نقدية من أصل وصورة  من برنامج الخزينة والبنوك احد اجزاء برنامج الاستثمار العقاري وتقسيط الوحدات المتكامل:
برنامج الاسثتمار العقاري وتقسيط الوحدات

قيد اليومية الناتج عن التحصيل فى برنامج ادارة الحسابات العامة :
برنامج الاستثمار العقاري وتقسيط الوحدات

4)    مرحلة التسليم : 
ودي اخر مرحلة من مراحل المعالجة المحاسبية للاستثمار العقاري  , وتعتبر من أهم المراحل الخاصة بالمعالجة المحاسبية لنشاط الاستثمار العقاري , وبمجرد مابيتم التسليم بيتم تسجيل القيود التالية :

_  اولا قيد اقفال الدفعات المقدمة فى حساب العميل :

برنامج الاستثمار العقاري وتقسيط الوحدات
  والقيد دة بقفل من خلال حساب الدفعات المقدم "بخلية مدين" عشان يظهر بصفر وبنقل رصيدة الى حساب العميل, 
من ح الدفعات المقدمة
الي ح العميل

ثانيا قيد اثبات التكلفة : واللى من خلالة بنثبت تكلفة الوحدة المباعة للعميل بالشكل دة :

من ح تكلفة مبيعات وحدات تامة.
الى ح أعمال تحت التنفيذ.
برنامج الاستثمار العقاري وحجز الوحدات

_ثالثا قيد اثبات الايراد :
 ودا قيد اثبات ايراد الوحدة المباعة بناءا على سعر البيع الموجود فى التعاقد  وفي حالة وجود دفعات صيانة فى العقد بيتم اثباتها كالتزام:

من ح العميل ..
الى ح ايرادات مبيعات وحدات تامة

الى ح التزامات استكمال 
|برنامج الاستثمار العقاري وتقسيط الوحداتوفى النهاية نقدر نستعرض كل الحركات اللى تمت على المشروع او الوحدة فى برنامج الاستثمار العقاري وتقسيط الوحدات  من خلال تقرير استاذ مساعد مركز تكلفة :
برنامج الاستثمار العقاري وتقسيط الوحدات

وبكدا نكون اتعرضنا لشرح تفصيلي  للمعالجة المحاسبية لدورة الاستثمار العقاري من خلال قيود اليومية , وامكانية تطبيقها على برنامج الاستثمار العقاري وتقسيط الوحدات افضل برنامج محاسبة استثمار عقاري Real Estate Software .

التعليقات

01/01/2019
Ahmed hussien
هل يمكن استخدام طريقة المبيعات بالتقسيط فى الاعتراف بالايرااد فى نشاط الاستثمار العقاري؟
الرد بواسطة : Mahmoud Ali
الزميل العزيز احمد حسين تستخدم طريقة المبيعات بالتقسيط او طريقة مجمل الربح فى حالة البيع الاجل والتحصيل على فترات زمنية طويلة الاجل ولكن بشرط : توافر معلومات دقيقة عن تكلفة المبيعات .. على اساس مقارنة تكلفة المبيعات بمبلغ الايراد يتم تحديد نسبة مجمل الربح وبناءا علية يتم الاعتراف بربحية كل قسط محصل بناءا على نسبة الربح ولكن فى نشاط الاستثمار العقاري يتم الاعتراف بالايراد عند التسليم , بسب توافر معلومة تكلفة الوحدة المباعة عند مرحلة التسليم والانتهاءمن الوحدة فى حين انة فى اغلب الاحوال يتم بيع الوحدة قبل اثناء وقبل بدأ شركة الاستثمار العقاري فى العمل على بناءها وبالتالى لاتوجد معلومة دقيقة عن تكلفة الوحدة المباعة _ يمكن تطبيق طريقة مجمل الربح او المبيعات بالتقسيط فقط فى حالة بيع وحدة سكنية تم الانتهاء من تنفيذها بالفعل
01/02/2019
احمد عاطف
رقم الحساب ١٢١٠٠١٢... ده خاص بحساب العميل الأساسي ولا حساب ا لدفعات المقدمه؟
الرد بواسطة : Mahmoud Ali
بالفعل حساب الاصل
05/02/2019
محمود حمدي
مقال اكثر من رائع .. بالتوفيق
الرد بواسطة : Mahmoud Ali
شهادة نعتز بها ونتمنى ان نكون دائما عند حسن الظن

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *