مقالات

دورة خطاب الضمان فى محاسبة المقاولات من خلال قيود اليومية

تم النشر بواسطة : Mahmoud Ali
بتاريخ 22/09/2018

دورة خطابات  الضمان فى محاسبة المقاولات من خلال قيود اليومية:
 

_ يعنى ايه خطاب ضمان ؟ وايه أهميته فى محاسبة المقاولات؟
_ ماهى أنواع خطابات الضمان فى محاسبة شركات المقاولات؟

_ ماهى المعالجة المحاسبية لخطاب الضمان " قيود خطابات الضمان فى محاسبة المقاولات"؟
_ ما المقصود بغطاء خطاب الضمان؟
  
 دا مقال مبسط من ضمن سلسلة شروحات محاسبة شركات المقاولات بنشرح من خلالة دورة خطاب الضمان فى محاسبة المقاولات, وتطبيقة من خلال قيود اليومية

 

على برنامج محاسبة مقاولات أكفليكس.


بحكم طبيعة التعاملات فى شركات المقاولات, بيلتزم المقاول اللى بيقوم بالمشروع أنه يقدم لمالك المشروع مستند يضمن ليه انه هايتم أعمالة على أكمل وجة, وانه مش هايخل ببنود الاتفاق اللى فى العقد.والمستند ده إسمة المتعارف علية " خطاب الضمان" "Letter of Grantee" .
فلو مثلا المقاول كان متفق مع المالك إنه يبنى مبنى معين وتم الاتفاق ان المبنى ده هايكون بمواصفات فنية معينة, ايه اللى يضمن انه بعد ما المقاول ده يسلم المبنى ان المبنى فعلا كويس ومطابق للمواصفات؟
ومن هنا لازم المقاول يقدم للمالك مايثبت او مايضمنله مصداقيتة فى التعامل , فطبيعى انه يقدملة خطاب ضمان ,ولو ماقدرش ينفذ على أكمل وجهة يقدر المالك بخطاب الضمان يسترد قيمة خسارتة من البنك.
تعالوا نتعرف أكتر على خطابات الضمان.


اولا :  يعنى ايه خطاب ضمان؟

          خطاب الضمان دا مستند بيصدرة البنك للمقاول عشان يقدمه للمالك عشان يضمن من خلاله ان المقاول هايقوم بشغلة وهاينفذ المطلوب منه على أكمل وجه, وفى حالة عدم الالتزام بالمطلوب ,يقوم المالك يروح للبنك ويطالب بقيمة خطاب الضمان كتعويض ليه عن الخسارة الناتجة عن عدم التزام المقاول, ومن هنا البنك دخل طرف فى الموضوع لانه بيكون الضامن فى التعاملات,وطبعا البنك هايستفيد من الفوايد ومصاريف خطابات الضمان وكدا.
وانا كمقاول عشان اقدر احصل على خطاب الضمان ده لازم يكون ليا تعاملات مع البنك وفى الغالب لازم ارتبط مع البنك بعقد تسهيلات بنكية واللى بتختلف من بنك لاخر وممكن نشوف نموذج ليها فى البنك التجارى الدولى من هنا, وكمان ممكن نشوف نموذج طلب خطاب ضمان فى احد البنوك العربية بالشكل ده

 

ثانيا:  ماهى أنواع خطابات الضمان فى محاسبة المقاولات؟

فى عندنا أكتر من نوع  فى مجال محاسبة المقاولات , وكل نوع منهم بيكون ليه غرض معين زى  ماهنشوف فى الكلام الجاى ده:

  1. خطاب ضمان ابتدائي:  
    وارد بعد دخول المقاول للمناقصة وترسو عليه مايوقعش العقد ويبدأ شغل وبالتالى ضيع وقت ومجهود وتكلفة المالك على الفاضى, وعشان كدا جرى العرف ان اللى بيدخل المناقصة بيدفع مبلغ تامين ابتدائى فى الغالب نسبتة بتتراواح مابين %1 الى 2%  من من قيمة التعاقد,فى حالة عدم رسو المناقصة على المقاول بيسترد المبلغ ده عادى.

  وفى بعض الاحيان المقاول مابيقدمش التامين الابتدائى فى شكل مبلغ نقدى ولكن بيقدمة فى شكل خطاب ضمان ابتدائي.
 ودا الخطاب اللى بيقدمة المقاول للمالك كتأمين ابتدائي عند دخول المناقصة, وبكدا المالك ضمن جدية التعامل مع المقاول وانه فعلا داخل المناقصة عشان ترسو عليه, وفى حالة ان المقاول قدم خطاب الضمان ومالتزمش انه يوقع العقد بعد رسوها عليه بيحق للمالك يصرف المبلغ ده من البنك.

  1. خطاب ضمان نهائي:
    وبيسموة خطاب حسن التنفيذ ودا خطاب ضمان تانى بيقدمة المقاول للمالك بعد مابترسو المناقصة علية , ودا نفس فكرة  الابتدائي ولكن ده الغرض منه ان المقاول يفضل ملتزم ومايسبش الشغل طول مدة العقد. وفى الغالب نسبتة بتكون 10% من قيمة العقد او حسب الاتفاق.وطبعا البنك بيرد خطاب الضمان الابتدائي وبيصدر خطاب ضمان جديد وهو خطاب الضمان النهائي.
  2. خطاب ضمان الدفعة المقدمة:
    لما بيتم توقيع العقد مع مالك المشروع بيصرف دفعه مقدمة للمقاول  فى الغالب بتكون5% من قيمة العقد وعلى أساسها بيدا يشتغل فى المشروع , وعشان المالك يضمن ان المقاول مايخدش الدفعه المقدمه ومايشتغلش بيطلب منه خطاب ضمان  دفعه مقدمة , وفى حالة ان المقاول اخد الدفعه المقدمة وماجاش المالك بسهولة بيروح البنك يطلب منه قيمة الخطاب والبنك ملتزم قانونا يصرفله.
  3. خطاب ضمان الصيانة:
    فى الغالب عقد المقاولات بيلزم المقاول فى بند من بنودة على انه يقدم صيانة للمبنى اللى المقاول قام بيه , وعشان كدا المقاول بيقدم خطاب للمالك عشان المالك يضمن ان المقاول هايلتزم بعمليات الصيانة للمبنى , وفى حالة انه مالتزمش بعمليات الصيانة ,المالك بيقدر يصرف قيمة الخطاب ويجيب مقاول غيره يقوم بعمليات الصيانة.

     

نقدر نقول ان الانواع فى مجال  محاسبة المقاولات متعددة جدا وكل نوع زى مااتفقنا ليه غرض معين ولكن فى النهاية المعالجة المحاسبية ليهم بتكون فى الغالب واحدة زى ماهنشوف .

المعالجة المحاسبية لخطابات الضمان فى محاسبة المقاولات:


 

قبل مانتعرض لحالة عملية من خلال القيود فى محاسبة المقاولات لازم نعرف مصطلح مهم جدا اسمة غطاء خطاب الضمان.
الغطاء دا المبلغ اللى البنك بيحتجزة من حسابنا ويكمل عليه من عندة بباقى قيمة الخطاب , بمعنى اصح انا  لو عايز خطاب ضمان بمبلغ 100 الف جنية, ممكن البنك يحجتز من حسابنا 10000ج بس والباقى اللى هما 90000 يكملهم هو من عند وفى مقابل كدا بياخد عمولات بنكية, والعمولات البنكية بتتحدد بناءا على عقد التسهيلات البنكية مع البنك.
الحالة العملية لخطاب الضمان:
محاسبة مقاولات
حل الحالة العميلة:
القيد الاول قيد اثبات اصدار خطاب الضمان الابتدائي فى برنامج محاسبة مقاولات أكفليكس:
محاسبة المقاولات

ثانيا: فى حالة رسو المناقصة والتعاقد مع العميل:
قيد اثبات رد خطاب الضمان الابتدائي تمهيدا لاصدار خطاب الضمان النهائي:

محاسبة مقاولاتثالثا: قيد اثبات اصدار خطاب الضمان النهائي فى برنامج محاسبة مقاولات أكفليكس:
محاسبة المقاولات.ونقدر نستعرض تقرير مراكز تكلفة لمشروع العاصمة الادارية التابع لوزارة الاتصالات عشان نشوف احنا اتكلفنا علية كام لحد دلوقت.
   

                      " تقرير استاذ مساعد مركز تكلفة_مشروع العاصمة فى برنامج محاسبة المقاولات أكفليكس"

محاسبة المقاولات
وبكدا نكون اتعرضنا لجزئية خطابات الضمان فى محاسبة المقاولات والمعالجة المحاسبية ليها بشكل كامل وتطبيقها على برنامج محاسبة مقاولات أكفليكس.

ونقدر كمان نحمل نسخة تجريبية ودليل خطوات من هنا

التعليقات

27/11/2018
احمد علي
قيود خطابات الضمان مش واضحه

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *