دورة الشيكات وتطبيقها فى برنامج حسابات النقديه والخزينه

تم النشر بواسطة : Mahmoud Ali
بتاريخ 17/03/2018

دورة  الشيكات الوارده والمعالجه المحاسبيه لها .

الشيك هو ورقه تجاريه " ورقة قبض" وتحل محل النقود كوسيله لابراد الذمه " ابراء الدين" من خلال المقال ده هانتعرف على دورة الشيكات والمعالجه المحاسبيه السليمه لجميع مراحل تداول الشيكات مدعمه بقيود يوميه مع تطبيقها على  برنامج الخزينه والبنوك وبرنامج حسابات أكفليكس لادارة المنشأت بمختلف أنشطتها
 

  ماهى دورة الشيكات وماهى مراحل دورة الشيكات الوارده والمعالجه المحاسبيه لها ؟
 دورة الشيكات هى جميع المراحل اللى بيمر بيها الشيك من بداية استلامه وحتى تحصيله و اول مرحله من مراحل دورة الشيكات هى  اثبات استحقاق بيع بضاعه واستلام شيك من العميل
قيد  البيع :
100000من ح العملاء_العميل ..
1000000 الى ح المبيعات

ونبدأ دورة الشيكات ب قيد اثبات استلام  شيك من العميل سداد لمديونيته:
_____________________________________________________________________________________________________________

100000 من ح أوراق القبض                                                                                                        "استلام شيك رقم .... من العميل.. بموجب اذن قبض رقم ... "  
100000 ج الى ح العملاء_ العميل ..
_____________________________________________________________________________________________________________

 

ودى صورة  مرحلة استلام الشيكات فى برنامج حسابات النقديه والخزينه
دورة الشيكات

ولحد كدا العميل اشترى بضاعه بمبلغ 100 الف جنيه وسدد مديونيته بشيك مقبول الدفع بتاريخ استحقاق معين. لان زى مااتفقنا ان الشيك هو وسيله من وسائل ابراء الذمه وبيحل محل النقود.

ودا الشكل العام لايصال استلام الشيك من العميل فى برنامج حسابات النقديه والخزينه : 
دورة الشيكات

ماهى حالات التصرف بالشيكات؟

بعد مابيتم استلام الشيك من  العميل والاحتفاظ به ودى زى مااتفقنا اول مرحله من مراحل دورة الشيكات  بيكون فى اكتر من حاله من حالات التصرف بالشيك وكل حاله لها معالجه محاسبيه مختلفه واى حاله من دول تعد بمثابة المرحله التانيه من مراحل دورة الشيكات:

 الحاله الاولى : ارسال الشيك الى البنك للتحصيل المباشر او ايداعه فى حساب الشركه :
ودى المرحله التانيه من مراحل دورة الشيكات اللى بيتم من خلالها اثبات ان الشيك خرج من خزينة الشيكات بالشركه للتحصيل فى البنك وبثبت المرحله دى بقيدين :

قيد اثبات خروج الشيك من الخزينه للتحصيل:
_____________________________________________________________________________________________________________

 100000من ح شيكات تحت التحصيل                            "اثبات صرف الشيك من خزينة الشركه بغرض التحصيل من البنك".
 100000 الى ح   اوراق القبض
____________________________________________________________________________________________________________

قيد اثبات تحصيل  الشيك من البنك وايداع المبلغ فى خزينة الشركه أو فى حساب الشركه بالبنك:

_____________________________________________________________________________________________________________

100000ج من ح البنك او الصندوق.                                        "تحصيل شيك رقم ... وايداعه فى خزينة "بنك " الشركه ".
100000ج الى ح شيكات تحت التحصيل.
_____________________________________________________________________________________________________________

وممكن الشيك برتد لاى سبب من الاسباب زى مثلا انه مايكنش فى رصيد فى البنك يغطى الشيك او ان التوقيع غير مطابق وفى الحاله دى بثب ارتداد الشيك الى خزينة الشيكات بقيد عكس القيد السابق.

الحاله الثانيه : و ارسال الشيك فى بنك اخر بخلاف البنك المسحوب عليه الشيك للتحصيل نيابة عن العميل " التحصيل بالمقاصه" :
 والحاله دى بتتم لما بحصل الشيك من بنك اخر البنك المسحوب عليه الشيك .
وفى الحاله دى المعالجه مش هاتختلف عن المعالجه فى الحاله الاولى  من حيث خروج الشيك من الشركه للتحصيل  واثبات عملية التحصيل ونقطة الاختلاف الوحيده هى   ان فى عموله البنك بتاعى بيحصلها نظير تحصيل الشيك من بنك اخر وفى مصر بتتراوح العموله من 10 الى 15 جنيه ايا كان مبلغ الشيك.
قيد اثبات تحصيل الشيك من خلال المقاصه وعند ورود اشعار من البنك يفيد تحصيل الشيك :

_____________________________________________________________________________________________________________

99985 من ح البنك.                                              "   قيد اثبات تحصيل الشيك رقم ... من خلال المقاصه واثبات العموله "
15     من ح مصروفات بنكيه
100000 الى ح شيكات تحت التحصيل .

_____________________________________________________________________________________________________________

قد يتم الغاء او رفض الشيك لعدم تغطيتة من العميل وفى الحاله دى بنعمل قيد عكسي للقيدين السابقين لاثبات مديونية العميل  مع اثبات خصم عمولة البنك من حسابنا :
_____________________________________________________________________________________________________________

100000 من ح اوراق القبض                                "   قيود اثبات رفض الشيك رقم    واستحقاق عمولة البنك".
100000 الى ح  شيكات تحت التحصيل

15       من  ح عمولة التحصيل

   15     الى  ح البنك.

وعند رد الشيك الى العميل :
100000 من ح العميل.
100000 الى ح اوراق القبض .

 

_____________________________________________________________________________________________________________

 

الحاله الثالثه :   تظهير الشيكات  او نقل ملكيتها لشخص اخر بخلاف الشركه مثل نقل ملكية الشيكات الى  الى مورد بغرض سداد مديونيه على الشركه وبنثبت العمليه دى بالقيد ده:
 

_____________________________________________________________________________________________________________

 

100000 من ح الموردين _ المورد..              قيد تظهير الشيك رقم ... لحساب المورد ....
100000  الى ح اوراق القبض.

_____________________________________________________________________________________________________________

 

وبكدا نكون شرحنا دورة الشيكات من خلال المعالجه المحاسبيه ليها  فى المقال الجاى هانتكلم عن انواع الشيكات وكييفية التعامل مع كل نوع وازى نقدر نطبقها فى برنامج حسابات  أكفليكس.


التعليقات

مصطفي حجاب
17/03/2018
جزاكم الله خيرا وربنا ينفع بكم
الرد بواسطة : Mahmoud Ali
جزانا واياكم ونتمنى ان نكون دائما عند حسن الظن
ابراهيم حسن
26/03/2018
شكراً جزيلاً علي المجهود الاكثر من رائع ، وربنا يجعله في ميزان حسناتكم
الرد بواسطة : Mahmoud Ali
لاشكر على واجب ونتمنى ان نكون دائما عند حسن الظن
Mohammed’s
04/09/2018
شكراً
Mohammed’s
04/09/2018
شكراً
Mohammed’s
04/09/2018
شكراً
الرد بواسطة : Mahmoud Ali
نتمنى ان نكون دائما عند حسن الظن

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

تابعنا علي

Terms and Conditions . Privacy Policy . © Copyright ACCFLEX is a registered trademark