مقالات

محاسبة المبيعات بالتقسيط طريقة استراداد التكلفه

تم النشر بواسطة : Mahmoud Ali
بتاريخ 29/01/2018

1000000 من ح العميل
1000000 الى ح المبيعات.
دا قيد محاسي متعارف عليه بثبت بيه عملية بيع عاديه بمبلغ مليون جنيه تمت لعميل معين بعد مابيتم استكمال دورة المبيعات ايا كان شكلها ايه..وطبيعى ان القيد ده يسمع فى قايمة الدخل كايراد وبالتالى هايعلى ربح الفتره بمليون جنيه.
طيب ايه هايحصل لو كان المليون جنية دى تخص عملية بيع بالتقسيط ممتده ل3سنين جايين؟


والمعالجه المحاسبيه هاتكون ازاى وفقا لنظام محاسبة المبيعات بالتقسيط؟

اولا الضرايب هاتحاسبك على مليون جنيه ايراد فى حين ان المليون جنيه دول لسه هايتحصلوا على مدار 3 سنين ولو فعليا ماعملتش غير البيعه دى هاتقع فى ازمة سيوله.
 ثانيا ملاك او مساهمى الشركه هايطالبوا بتوزيعات ارباح وفعليا مافيش سيوله جت.
ومن هنا جت مشكلة محاسبة المبيعات بالتقسيط !
ولان عملية الاعتراف بالايراد والتوجيهات المحاسبيه موضوع مش سهل وممكن يكون ليه تبعات خطيره ,معايير المحاسبه خصصت اكتر من طريقه اتفادى بيها المشكله دى واقدر اعالج مشاكل محاسبة المبيعات بالتقسيط باستخدام الطرق التاليه :
1) طريقة استرداد التكلفه Cost Recovery Method.
2) طرية مجمل الربح Gross Profit Method.
محاسبة المبيعات بالتقسيط - طريقة استرداد التكلفه وكيفية تطبيقها على برنامج الحسابات العامه :
لو انا شغال بطريقة استرداد التكلفه فانا مش هاعترف بايراد اى عملية بيع غير لما احصل التكلفه بتاعتى الاول , وبعد كدا اقول انا كسبت اد ايه .
فلسفة طريقة استرداد التكلفه _ كأحد طرق محاسبة المبيعات بالتقسيط _ بتقوم على عدم الاعتراف باى ايراد ناتج عن عملية البيع الا بعد تغطية تكلفة البضاعه المباعه من خلال الاقساط المحصله, وبكدا ضريبيا مش هادفع ضرايب غير لما اكسب فعليا , ومش هاعترف بربح غير لما استرد كل تكلفة البضاعه المباعه.
نييجى لقيود محاسبة المبيعات بالتقسيط:
فى#القيد_الاول بسجل عمليه البيع واثبت اجمالى القيمه المستجقه
من ح/مدينى مبيعات بالتقسيط Installment receivables.
الى ح/مبيعات بالتقسيط Installment sales
وبكدا بقول انى بعت للعملاء بتوعى مبيعات بالقسط قيمتها كذا..
#القيد_الثانى بثبت تكلفه البضاعه اللى خرجت بالقيد ده
من ح/ت.المبيعاتcost of goods sold
الى ح/المخزونinventory
ولحد دلوقت انا ماشى محاسبيا كانى قمت بعملية اى عملية بيع عاديه.
#القيد_الثالث:وده بعمله فى اخر السنه.. بقفل تكلفه المبيعات والمبيعات نفسها عشان رصيدهم يظهر بصفر عشان ماينفعش اعترف بايراد مبيعات فى اول سنه
وبثبت الاقفال بالقيد ده
من ح/مبيعات بالتقسيطinstallment sales
الى مذكورين
ح/تكلفه المبيعاتcost of goods sold
ح/مجمل الربح المؤجلdeferred gross profit.
#نييجى_للمهم
كل قسط بحصله بثبته عادى جدا
من ح/الكاش
الى ح/عملاء مبيعات التقسيط
وبفضل اكرر القيد ده مع كل قسط بحصله لحد احصل التكلفه بتاعتى وهنا بقا هانبدأ نعترف بارباح عمليه البيع بالشكل ده:
من ح/مجمل الربج المؤجل deferred
الى ح/مجمل الربح المحقق.realized
كل قسط بعد كدا هايكون بنفس القيد اللى فات لحد ماالعمليه تنتهى
وطبعا ح/مجمل الربح المحقق بيظهر فى قايمه الدخلincome statement كبند مستقل بعد مجمل الربح..

ازاى برنامج ادارة المخازن  حلول عمليه ونظام متكامل لعمليات البيع اللى بتتم بالتقسيطInstallment sales ؟
لان قرار البيع بالتقسيط مش سهل وفى مخاطره ولازم يتم بناءا على تحليل سليم ودقيق لقدرة العميل الائتمانيه وكمان على اعتبارات التعاملات السابقه مع العميل عملنا نظام كامل لمعالجة عمليات البيع بالتقسيط مدعم بمجموعه هامه من التقارير وكمان توجيهات محاسبيه بتتم بشكل تلقائي لما يتم الموافقه على قرارا التقسيط من اول اثبات استحقاق المديونيه على العميل "والاعتراف بالايراد" ومتابعة التحصيلات لحد ماالعميل يسدد اخر دفعه ويتقفل حسابه
برنامج ادارة المخازن بيعالج وبيوجه القيود المحاسبيه  لمحاسبة المبيعات بالتقسيط بناءا على أشهر طريقتين بتنص عليهم المعايير.سواء كانت طريقه المبيعات بالتقسيطInstallment Sales Method (طريقه مجمل الربح) واللى من خلالها دى بعترف #بالدخل الناتج عن عمليه البيع فى كل دفعه بحصل فيها الكاش فعليا أو طريقة استرداد التكلفهcost Recovery Method واللى لو بتتبعها مابقولش انى ربحت اى فلوس غير لما استرد الاول تكلفة البضاعه اللى طلعت للعميل من خلال الاقساط.
يعمل برنامج ادارة المخازن بشكل مترابط وتكامل تام مع برنامج الحسابات العامه  وبرنامج حسابات الخزينه والشيكات على قاعدة بيانات موحده .
لطلب نسخه تجريبيه اضغط هنا

التعليقات


اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *