مقالات

هل يعتبر الاهلاك مصدر للنقديه

تم النشر بواسطة : Mahmoud Ali
بتاريخ 21/11/2017

هل يعتبر الاهلاك مصدر للنقديه؟
الاجابه ايوه يعتبر مصدر للنقديه..
طيب ازاى وهو اصلا فى حكم المصروف؟؟
تعالوا نشوف ازاى..
فى مفهوم مهم جدا بنستخدمه فى الاقتصاد وفى مجالات دراسة الجدوى اسمه مفهوم الفرصه البديله..
المفهوم ده بناخده فى اعتبارنا لما بنقارن مابين اي بديلين ببعض..ويمكن بنطبقه فى حياتنا عادى من غير مانكون عارفين ..زى اى انك مثلا انك بتفاضل مابين تركب قطر مكيف وتستريح فى السفر او قطر عادى وتوفر فى التكلفه..ولما تختار اى بديل منهم هاتضحى بحاجه اما التكلفه او الراحه.
نييجى للمهم
نفس مفهوم الفرصه البديله ده بيعتبر ان الوفر فى الانفاق بيعتبر ربح محقق..
خدوا بالكم من الجمله دى..
الوفر فى الانفاق بيعتبر ربح محقق دا من منظور اقتصادى بعيدا عن المنظور المحاسبي تماما.
لو نفترض ان قيمة الاهلاك المعتمده ضريبيا كانت 1000ج
دا هاايقلل الربح الخاضع للضريبه بمقدار 1000ج
يعنى لو معدل الضريبه 25% دا معناه انى وفرت 250ج
مفهوم الفرصه البديله بقا بيقولك ان ال250 ج دول اللى الاهلاك وفرهملى يعتبروا بالظبط كأنهم 250 جنيه دخلوا الشركه من اول وجديد..
يعنى القاعده ان اى جنيه بيتم توفيره بيعد بمثابة جنيه جديد دخل الشركه ومن هنا اقدر اعتبر ان الاهلاك ده مصدر للنقديه من منظور اقتصادى بحت..
ومن اشهر الحالات اللى بستخدم فيها مفهوم الفرصه البديله وباخد فى اعتبارى الاهلاك كمصدر للنقديه هى حالة المفاضله مابين شراء اله او استئجارها ..
وكان من ضمن العوامل اللى ممكن تأثر على قرار تفضيل بديل الشراء فى الحاله دى هو الوفر الضريبي اللى هايتسبب فيه الاهلاك.
فى مقال نزلناه على بيجاوب على سؤال ليه بنحسب اهلاك الاصول الثابته:
https://goo.gl/3KrRb4
للمزيد من المقالات:
https://goo.gl/RiRZ2g

#Accflex_erp
#AccFlex_ERP_Systems

التعليقات


اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *