ليه بحسب اهلاك الاصول الثابتة؟

تم النشر بواسطة اكفليكس
تاريخ النشر 2017 July 18

ليه بحسب اهلاك الاصول الثابته؟

 

تفتكروا ايه المدلول اللى بنفهمة من القيد ده؟


من ح مصروف الاهلاك dep,expense
الى ح مجمع الاهلاك Acc,dep
تعالوا نبص على الامور من فوق شويتين عشان نفهم قصه اهلاك الاصول الثابته ماشيه اذاي ونسيستم الدنيا شويتين
فى البدايه خلونا نتفق ان اللى بيميز شغلك كمحاسب فاهم انت بتعمل ايه وعارف مين بيودى على فين هو تطبيقك للاسس والمبادئ المحاسبيه المتعارف عليها..
من أهم الأسس المحاسبيه اللى بنطبقها فىشغلنا وبنفصح عنها صراحتا وبيسببلنا مشاكل مع غير المحاسبين هو#أساس_الاستحقاق ..
بيقول ايه أساس الأستحقاق ده؟؟
اساس الاستحقاق بيقولى ياباش محاسب حمل السنه الماليه بتاعتك بما يخصها من مصروفات وبما يخصها من ايراد بصرف النظر عن انك دفعت مصروفك ده كاش او اتحسب عليك اجل ..وبصرف النظر عن انك حصلت ايراداتك كاش أو حملتها على حساب العملاء اجل عشان فى النهايه مبلغ صافى الربح اللى بيطلع من قايمه الدخل بنسميه صافى الربح #المستحق عن العام
وبكدا لما بعمل قيد بيع اجل بيقول:
من ح العميل
الى ح المبيعات
بعترف بايراد دخلى السنادي رغم انى ماحصلتوش ودا لانى السنادي حققت فيها البيع
ولما بعمل القيد ده :
من ح مصروف الاهلاك
الى ح مجمع الاهلاك
بعترف بمصروف اهلاك الاصول الثابته السنادي وبخصمه من الايراد رغم انى ماطلعتش اى فلوس من الخزنه او البنك
#نرجع_لموضوعنا :
لما بنشترى اصل ثابت عشان نستخدمه فى شغلنا وليكن مثلا ب 100000ج بقول
100000 من ح الاصل الثابت
100000 الى ح الكاش او الدائنين
مافيش اى تأثير حصل على القوائم الماليه غير ان الفلوس طلعت من بند الاصول المتداوله في شكل فلوس ونطت على بند الاصول الثابته فى شكل سيارات او الات فى نفس الميزانيه
المفروض ان ال1000000ج دول فلوس طلعت منى عشان استفيد بيها لفترات جايه فمن باب العداله انى اوزع التكاليف دي على سنوات الاستفاده منها مش اول سنه بس
يعنى فى اول سنه بقول انى استفدت من الاصل اللى كنت شاريه ب10000 ده بمقدار 10%
فابقول :
10000 ج من ح مصروف الاهلاك
10000 ج الى ح مجمع الاهلاك
مصروف الاهلاك برميه فى قايمه الدخل ومجمع الاهلاك بخصمه من قيمه الاصل عشان اوصل لقيمته الدفتريه اللى هاتساوى 90000ج فى اخر اول سنه وبكدا ضربت عصفورين بحجر
#الاول انى ماظلمتش السنادى وحملتها بال100000كلهم لا دا انا بقول ان السنادى استفادت ب 100% من الاصل يبقا تتحمل ب 10 % من تكلفته وهكذا لبقاى السنوات وبكدا طبقت اساس الاستحقاق وماشي صح
#ثانيا ودا الاهم بقول ان القيمه الصافيه للاصل بتاعى بعد ماشيلت منه رصيد مجمع اهلاكه بقت بب90000 ج وبكدا انا شغال وعينى على الاصل ومنتبه ان كمان شويه هاحتاج اجدد الاصل ده او استبعده واشيل غيره قبل مارصيده يوصل لصفر واقع فى ازمه واقدر استعد لخطه الاحلال والتجديد…
عرفتوا ليه بنحسب اهلاك الاصول الثابته ؟
#AccFlex_ERP_Systems.
#برنامج_حسابات_عامه
#اقوى_برنامج_محاسبه_فى_مصر_والوطن_العربي.
للحصول على نسخه تجريبيه من برامج Accflex: https://goo.gl/08R6Dq
يمكنك قراءه المزيد من المقالات و الحصول على نسخ تجريبيه من برامجaccflexx من خلال زياره موقعنا الرسمي.
http://accflex.com
#اسال_محاسب


طلب عرض سعر
أضف تعليقاً

تعليق بواسطة ايمان | 2018 May 08

م هي مزايا وعيوب طرق اهلاك الاصول الثابته

أهلًا بحضرتك يا فندم , تمتاز شاشة الأصول الثابتة في برنامج الحسابات العامة من : إنشاء وإضافة الأصول فى شكل شجري متفرع غير مقيد بمستوي معين من خلال تعريف أنواع رئيسية وفرعية للأصول ويتم تعريف انواع الاصول بما تشمله من اسم وكود وطريقة ومعدل الإهلاك مع ربطها بالتوجيهات المحاسبية الخاصة بكل نوع من أنواع الاصول. كما يمكن إضافة بيانات الأصول عن طريق إدخال بيانات كل أصل أو من خلال إضافة مجموعة من الأصول فى آن واحد مباشرة من ملف أكسيل بما يقلل من الوقت والمجهود و يساعد فى ادخال بيانات عدد لا نهائى من الأصول كما يمكن إنشاء قيود بكافة الحركات التى تتم على الاصول فبمجرد ( إضافة – استبعاد – تجديد – اهلاك .... ) أى أصل من الاصول يقوم البرنامج بالتأثير فى شجرة الحسابات أليا بقيود محاسبية .
تعليق بواسطة سعيد عبدالمنعم | 2020 April 14

بصراحة شرح مبسط كافى وافى

يارب نكون عند حسن الظن دايما