كنا فى المقال السابق قد تكلمنا عن معيار الانخفاض فى الأوصول واوضحنا كل المعانى التى شملت معيار الانخفاض فى الاصول، الأن نوضح لكم بالامثلة الانخفاض فى الأصول
مثال 1 على الانخفاض في الأصول
طيب هناخد مثال على الانخفاض في الأصول الثابتة
أمثلة عملية لتوضيح الفكرة
عندنا الاصل القيمة الدفترية 119000 والقيمة العادلة 121000 مخصوم منها تكاليف البيع والقيمة الناتجه عن استخدامه 114000
القيمة القابلة للاسترداد تساوى الأكبر من
القيمة العادلة مخصوم منها تكاليف البيع 121000
القيمة الناتجة من استخدام الأصل = 114000
القيمة الاستردادية تساوى 121000
والقيمه الدفتريه 119000
اذن لايوجد خسائر اضمحلال لان القيمة الدفترية للاصل اصغر من قيمته الاستردادية.
مثال 2 على الانخفاض في الأصول
اصل قيمته الدفتريه 237000 والقيمة العادلة مخصوم منها التكاليف اللازمة للبيع 207000 وقيمته فى الاستخدام 205000 عايزين نعرف فيه خسائر اضمحلال ولا لااول حاجه لازم نبقى عارفين انه القيمة الاستردادية هنا هى 207000 يبق بما ان القيمة الدفترية اكبر من قيمته الاستردادية إذن توجد خسائر اضمحلال وهى تساوى 237000-207000 = 30000 ويتم الاعتراف بخسارة الاضمحلال فى قائمه الدخل كمصروف.
بس لواحنا شغالين تبع المعيارالدولى الى يسمح باعادة تقييم الاصول الا فى الحالات التى تستخدم فيه الشركة نموذج إعادة التقييم فى قياس الأصول وده فى المعيار الدولي انما المعيار المصرى تم الغاء نموذج إعادة التقييم
في هذه الحالات الى يتم فيها استخدام نموذج إعادة التقييم الى فى المعيار الدولى فقط يتم معالجة أي خسارة انخفاض في قيمة أصل تم اعادة تقييمها على انها خساره إعادة تقييم وده فى المعيار الدولي زى ما وضحنا قبل كده
والخساره ده هتتحمل على قائمة الدخل إلا إذا كان هناك فائض إعادة تقييم موجود في قائمة الدخل الشامل وفى قائمة التغير فى حقوق المساهمين
حيث تخصم الخساره منه اولا فى حدود الفائض اما ما يزيد على الفائض يتم اقفاله فى حساب الأرباح والخسائر كمصروف وفي المثال بتاعنا كان فيه فائض إعادة تقييم 12000 وبالتالى يتم خصم 12000 من أصل 30000 ( خسائر الاضمحلال)
وبالتالى بيكون فائض إعادة التقييم يساوى صفر
خسائر الاضمحلال هتساوى 18000 تخصم من قائمة الدخل
وتكون المعالجة المحاسبي هى
300000 ح / خسائر اضمحلال الأصل ( خسائر إعادة التقييم
30000 ح/ الاصل الثابت
ثم اقفال خسائر إعادة التقييم مع الفائض المرحل من سنوات سابقة
12000 ح/ فائض إعادة التقييم
18000 ح/ الارباح والخسائر
30000 ح/ خسائر اضمحلال الأصل ( خسائر إعادة التقييم
او ممكن تعمل قيد
12000 ح/ فائض إعادة تقييم الأصل
18000 ح/ خسائر اضمحلال الأصل
30000 ح/ الاصل الثابت
وبعد كده تقفل خسائر اضمحلال الأصل فى حساب الأرباح والخسائر
18000 ح / الارباح والخسائر
18000 ح/ خسائر اضمحلال الأصل
انما لو فى المعيار المصرى مفيش حاجه اسمها فائض اعادة التقييم لانه لايوجد اعادة تقييم الاصول الثابتة وبالتالى فى القيد المحاسبى هو
30000 ح/ خسائر اضمحلال الأصول
30000 ح/ الاصل الثابت
مثال 3 على الانخفاض فى قيمة الأصول
القيمة الدفترية للأصل 115000 والقيمة العادلة مخصوم منها التكاليف البيعية تساوى 117000 وقيمته فى الاستخدام تساوى 123000 / يوجد فائض إعادة تقييم بمبلغ 6000
من الواضح أن القيمة الاستردادية للأصل تساوى 123000 وهي اكبر من القيمة الدفترية للاصل ب6000 جنيه اذن لايوجد خسائر اضمحلال
مثال 4 على الانخفاض فى قيمة الأصول
القيمة الدفترية للأصل 83000 والقيمة العادلة مخصوم منها التكاليف اللازمة للبيع 75000
وقيمته فى الاستخدام تساوى 79000
القيمة الاستردادية تساوى 79000
وهي أصغر من القيمة الدفترية ب 4000 جنيه
اذن خسائر الانخفاض فى القيمة وهى الفرق البالغ 4000 تعتبر خسارة اضمحلال أصول
وتحمل على قائمة الدخل كمصروف وده فى المعيار المصرى والدولى الا اذا كان هناك فائض إعادة التقييم زى ما وضحنا فى المثال السابق
مثال 5 على الانخفاض فى الاصول الاصول الغير ملموسة
اشترت شركة الاخلاص شركة النصر وكان المقابل المدفوع 200 مليون وصافى القيمة الدفترية 100 مليون وصافى الأصول القابلة للتحديد ( بالقيمة العادلة) 150 مليون مع افتراض مفيش حقوق أقلية
- الشهرة الفرق بين المقابل المدفوع وصافي الأصول بالقيمة السوقية
- لو المدفوع أكثر من قيمة الأصول في السوق : يكون هناك شهرة موجبة و تثبت كشهرة محل كما في المثال أصول طويلة الأجل (200 – 150) = 50 مليون شهرة محل:
طيب بالنسبة للشهرة
لو حصل انخفاض فى قيمتها مثلا ب 100 الف خلال الفترة المالية التالية
يتم تخفيض قيمة الشهرة بقيمة الانخفاض
ولكن إذا حصل رد للانخفاض ده خلال فترة تالية
فمش هنرد قيمة الانخفاض في الشهرة زى باقى الأصول
يعنى الشهرة مالهاش رد لقيمة الانخفاض
الشهرة حصلها انخفاض خلاص بتشتغل على القيمة الدفترية الجديدة
وهكذا تعمل اختبار انخفاض كل سنة
لقيت انخفاض اوكيه قليل القيمة الدفترية ملقتش يبقى القيمة الدفترية ثابتة
انما مينفعش نرد الانخفاض في قيمة الشهرة زى المثال اللى كنت موضحه فوق
مثال اخر على الانخفاض في الأصول
تراجع الشركة أحد قطاعات التشغيل الخاصة بها وده فيما يخص انخفاض قيمة الأصول وكانت القيمة الدفترية لصافي اصول القطاع التشغيلي هى 35 مليون جنيه
وأهدت الشركة نوعين من التقديرات
اولا تقدير مستقبلى يتضمن ان المنافع المقدره من اعادة الهيكلة تبلغ 38 مليون
ثانيا تقدير حالى يقدر أن المنافع المقدره والتى تنتج من إعادة الهيكلة تبلغ 33 مليون
الاجابه
لا يجب أن يؤخذ فى الحسبان التقدير المستقبلي عند حساب القيمة الاستخدامية للأصل وبالتالى القيمة التى سيتم العمل بها وهى 33 مليون وبما أن القيمة الدفترية اكبر اذن توجد خسائر اضمحلال بقيمة 2 مليون يتم تحميلها كمصروف فى قائمة الدخل
مثال على خسائر اضمحلال الأصول
تمتلك احدى الشركات بعض سيارات نقل قديمة وهي لا يمكنها ان تولد نقدية بشكل منفصل عن أعمال الشركة وقطاعاتها التشغيلية ويمكن بيعها فقط فى سوق السيارات المستعمله
الاجابه
الشركة لا يمكنها تقدير القيمة الاستردادية للسيارات لانها لاتنتج ايرادات ومصروفات بشكل منفصل ومميز ولهذا يجب دمج السيارات مع وحدة توليد نقدية مناسبة تنتمي اليها
وتقدير القيمة الاستردادية لوحيد توليد النقدية هذه وتقدير مدى وجود انخفاض فى القيمة
يعنى لازم تجمع السيارات كلها وتعمل اختبار انخفاض القيمة
مثال آخر على اضمحلال الاصول
شركة أتوبيسات عامله عقد مع المدرسه انها تنقل الطلبة وهى عندها عشر خطوط نقل متعاقدة عليها وفى خط منهم بيخسر لانه بينقل التلاميذ من مكان بعيد والشركه متقدرش تنهى العقد بتاع الخط ده لانها متعاقدة عليهم كمجموعة فهل يمكن نعمل اختبار انخفاض قيمة الخط ده، بما ان الخطوط العشرة متعاقد معها كمجموعة واحدة؛ فبالتالى لما اجى اعمل اختبار اضمحلال القيمة بعمل للمجموعه مع بعض مش للخط لوحده يعنى بعمله لوحدة توليد نقدية الى هى عشر خطوط.
مثال آخر على اضمحلال الأصول
اشترت شركة ماكينة بمبلغ 100 ألف جنيه وكان من المتوقع انه يكون عمرها الانتاجى 10 سنوات والا يكون ليها قيمة خردة في نهاية عمرها، وفى بداية السنه السادسه حصل انخفاض فى الطلب بسبب دخول منتجات جديده فى السوق وادى ذلك الى انخفاض قيمة الأصل بمقدار 20 الف، والأصل يتوقع انه يستمر خمس سنوات اخرى.
طيب اولا فى نهايه السنه الخامسه
قيمة مجمع الاهلاك يساوي = 10000*5 = 50000
القيمة الدفترية للأصل في نهاية السنه الخامسه= 100000-50000 = 50000
وعندى انخفاض في القيمة 20000
تبقى القيمة الدفترية للأصل = 50000-20000 = 30000
يتعمل ليها إهلاك على خمس سنوات
البند الى بعده وهو الاضمحلال فى قيمة الأصول
وطبعا احنا شغالين فيه دلوقتى فى شرح المعيار وعرفنا يعنى ايه اضمحلال الأصول
هو انه القيمة الدفترية لأصول تكون مسجلة فى الدفاتر بقيمة أعلى من القيمة الاستردادية
وفى الحاله دى يعتبر الأصل المالى يعتبر مضمحلا
يعنى اية اضمحلال القيمة الاستردادية
القيمة الاستردادية هى صافى القيمة العادلة للأصول ( العملاء والاستثمارات الارصده المدينه الاخرى ) قيمة الأرصدة دى من واقع ميزان المراجعة مخصوم منها الديون المشكلة فى تحصيلها فى حالة العملاء هو فيه شركات بتخلى كل بند لوحده فى القوائم المالية وفى شركات بتعمل بالاجمالي المخزون & العملاء & الاستثمارات يتخلى كل بند لوحده بتكلم فى موضوع الاضمحلال بس هو علشان لو حد عايز يفهم يعنى ايه اضمحلال القيمة.
الفرق بين القيمة الدفترية والقيمة الاستردادية
اضمحلال الأصول المالية يتم إذا كان هناك دليل موضوعي يوضح انه فيه تأثير سلبى على قائمة التدفقات النقدية المستقبلية المقدرة من استخدام الأصل وخسارة الاضمحلال ده بيتم قياسها بالفرق بين القيمة الدفترية القيمة الاستردادية او القيمة الدفترية والقيمة الحالية للتدفقات النقدية المستقبلية المقدرة .
قياس خسائر الاضمحلال المتعلقة بأصل مالى
والقيمة الحالية للتدفقات النقدية المستقبلية تقاس باستخدام سعر الفائدة الفعال ويتم قياس خسائر الاضمحلال المتعلقة بأصل مالى متاح للبيع باستخدام القيمة العادلة ويتم تخفيض القيمة الدفترية لكافة الأصول المالية مباشره بخصم خسائر الاضمحلال فيما عدا المتعلقة بـ الانخفاض فى القيمة المتوقع تحصيلها من العملاء (الانخفاض فى رصيد العملاء ده زى مخصص الديون المشكوك فى تحصيلها) لانه بفضل الاعتراف بحساب مستقل الانخفاض فى قيمتها ولما تبقى مديونية العميل غير قابلة للتحصيل ويتم إعدامها خلاص تتخصم من حساب الانخفاض فى قيمة العملاء.
الفرق بين القمية الدفترية والقيمة العادلة عند نهاية الفترة المالية
هنشوفها عملي وحساب الانخفاض ده يضاف اليه اى متحصلات لديون سبق قبل كده وعدمها اضمحلال الاستثمارات حاجه وتقييم الاستثمارات دى حاجه تانيه تقييم الاستثمارات شرحناها فى حسابات الاستثمارات قبل كده وهى الفرق بين القيمة الدفترية والقيمة العادلة عند نهاية كل فتره ماليه يعنى انا عندى استثمارات في شركة ما والاستثمارات دى قيمتها الدفترية مليون جنيه وجيت فى اخر الفتره قيمتها بالقيمة العادلة لقيتهم مليون او حتى مليون و200 ايا كان التقييم طبعا الفروق بتاعه بتروح قائمه الدخل سواء ايراد او مصروف دى شرحناها فى الاستثمارات قبل كده.
إنما الاضمحلال ده معناه ان المليون الى عندى دول قيمته كفلوس هتنخفض الفتره الماليه القادمه نتيجة ارتفاع أسعار الفائدة وارتفاع التضخم يعنى المليون دول قيمتهم المستقبلية مش هيكونوا مليون هيكونوا مثلا 800 الف نتيجة للتضخم او ان الشركة تتوقع انخفاض قيمة الأسهم وانخفاض استثماراتها لان الشركة المستثمر فيها بتكون عندها ظروف صعبه وتتوقع الشركة المستثمرة انخفاض قيمة السهم.
طيب خسائر الاضمحلال دى بتروح قائمة الدخل زى التقييم
يعنى فى المثال بتاعنا = 100000-800000 = 200000
وطبعا الاستثمارات هتظهر فى الميزانيه بالصافى = 800 الف
طيب ولو فى العام التالى تم رد قيمة خسائر الاضمحلال بسبب انخفاض أسعار الفائدة او ارتفاع قيمة سهم الشركة المستثمر فيها مثلا يتم رد قيمة خسائر الاضمحلال فى حدود ماتم خصمه يعنى ماينفعش اكتر من 200 الف واختبار الاضمحلال ده بيتم على مستوى كل أصل بصفحة مستقلة، كما شرحنا قبل كده موضوع الاستثمارات بغرض المتاجرة والاستثمارات المتاحة للبيع.
الاضمحلال فى قيمة الاصول الغير مالية
تتم مراجعة القيم الدفترية للأصول الغير مالية بخلاف المخزون والأصول الضريبية المؤجلة في تاريخ القوائم الماليه لتحديد اذا كان هناك خسائر اضمحلال من عدمها، ويتم الاعتراف بخسارة الاضمحلال اذا كانت القيمة الدفترية للأصل او وحدته المولد للنقد تزيد عن قيمته الاستردادية.
طيب ايه هى الوحدة المولدة للنقد
هي اصغر مجموعة يمكن تحديدها من الأصول التي تولد تدفقات نقدية داخله وهى بتكون مستقلة بشكل كبير عن التدفقات النقديه الداخله من غيرها من الأصول أو مجموعات الأصول
ويتم الاعتراف بخسارة الاضمحلال فى قائمة الدخل
القيمة الاستردادية للأصل او الوحدة المولدة للنقد هي الأكبر ما بين قيمة الاستخدامية او قيمته العادلة مخصوم منها تكاليف البيع
ويتم مراجعة خسائر الاضمحلال المعترف بها فى الفترات السابقة للأصول الأخرى في تاريخ القوائم المالية
وفى حالة وجود مؤشرات لانخفاض قيمة الخسارة او عدم وجودها فى الاعوام التاليه
بنعكس اثر خسائر الاضمحلال وذلك بشرط الاتتجاوز فيها القيمة الدفترية للاصل قيمته التى كان سيتم تحديدها (بعد خصم الإهلاك) لو لم يتم الاعتراف بخسارة الاضمحلال
هنلاقى قيمة الاضمحلال دى يخصم فى قائمة الدخل
وتم اضافتها فى بند التسويات على صافى الربح قبل الضريبة فى قائمه التدفقات النقديه
مثال عملى على الانخفاض في الأصول
شركة نقل سياحى اشترت أتوبيس سياحى فى 1/1/2002 بتكلفة 100000 جنيه وقيمتها كخردة 10000 جنيه والعمر المقيد هو 10 سنوات و نتيجة تخفيض الضريبة الجمركية وضرائب المبيعات على السيارات المستوردة فى أواخر سنة 2004 ونتيجة لذلك قامت الشركة بإجراء اختبار اضمحلال القيمة فى 31 ديسمبر 2004
وأسفر أن صافى القيمة السوقية اذا تم بيع الاتوبيس وهو 59000 وان القيمة الاستخدامية اذا استمر فى استخدامه و تأجيره للغير هو 56000 (القيمه الحاليه لصافى التدفق النقدى المستقبلى)
فإذا علمت ما يلى
تم إجراء اختبار انخفاض القيمة في 2005 ولم يسفر عن أى تغيير
وتم إجراء اختبار انخفاض القيمة في 31 ديسمبر 2006
المطلوب عمل القيود المحاسبية فى عدة حالات عن عام 2006
الاجابه
اول حاجه هنحسب الاهلاك السنوى لغاية عام 2004
= 100000- 10000 = 90000
الاهلاك السنوى = 90000/10 = 9000 جنيه
مجمع الاهلاك فى 3 سنوات
2002- 2003-2004
مجمع الاهلاك فى 3 سنين = 9000* 3 = 27000
صافى القيمة الدفترية =التكلفة الأصلية – مجمع الاهلاك
= 100000-27000 =73000 جم
زى ماقولنا ان القيمة الاستردادية هى الأكبر مابين
صافى القيمة السوقية أو القيمة الاستخدامية ايهما اكبر
اى 59000 اكبر من 56000
طيب عايزين نشوف هل فيه انخفاض في القيمة أم لا
ده اذا كانت القيمة الدفترية للأصل اكبر من قيمته الاستردادية
نشوف فى الحالة بتاعتنا
القيمة الدفترية 73000 والاسترداد 59000
يبقى فيه انخفاض في القيمة قدره 14000
طيب الانخفاض ده زى ما شرحناه قبل كده
والقيد يكون
14000 ح/ خسائر الانخفاض في القيمة
14000 ح/ مجمع خسائر الانخفاض فى القيمة
وتكون القيمة الدفترية التى تظهر بها الميزانية فى 31 ديسمبر 2004
=التكلفة الأصلية – مجمع اهلاك الاصل – مجمع اضمحلال الأصول(خسائر انخفاض القيمة)
=100000-270000- 14000 = 59000 = القيمة الاستردادية
وده يتفق مع المبدأ المحاسبي القائل بانه لا يجوز ان يظهر الاصل فى الدفاتر اكبر من القيمة التى يتوقع استردادها او الحصول عليها
والإهلاك فى عامين 2005 و2006 يحسب كالتالي
= (القيمة الدفترية المتبقية – الخردة ) /عدد السنوات المتبقية
= 59000- 10000 ) / 7
= 49000 /7 = 7000
ده فى عام 2005 وعام 2006 = 7000
يبقى مجمع الاهلاك حتى نهاية عام 2006
= (7000*2) + 27000 = 41000
يبقى القيمة الدفترية الى هيظهر بها فى نهايه عام 2006
= التكلفه الأصلية – مجمع اهلاك الاصل- مجمع خسائر اضمحلال القيمة
= 100000- 41000- 14000 = 45000
ونبدا نشوف الافتراضات التالية في اختبار انخفاض القيمة
كل افتراض منفصل عن بعض ويخص عام 2006
الافتراض الأول
إن القيمة الاستردادية فى 31 ديسمبر 2006 هى 40000
يبقى فيه انخفاض في قيمة الأصول قدره
= 45000-40000 = 5000
والقيد هيكون كالتالى
5000 ح/ خسائر انخفاض القيمة وتقفل فى حساب الأرباح والخسائر
5000 ح/ مجمع خسائر انخفاض القيمة
وبكده يكون مجمع خسائر انخفاض القيمة = 14000+5000 = 19000
والقيمة الدفترية للأصل بعد الاختبار ده
=100000- 41000-19000 = 40000
ولما تيجى تحسب اهلاك الاصل فى السنين القادمة
مصروف الاهلاك هيكون
(40000-10000) /5 = 6000
ده بافتراض انه مش هيحصل انخفاض تانى
طيب الافتراض الثاني منفصل عن الافتراض الأول
ان القيمة الاستردادية للأصل فى 31 ديسمبر 2006 هي 54000
طيب والقيمة الدفترية فى نهاية 2006 هى 45000
يعنى الفرق = 9000
يبقى القيمة الاستردادية للأصل اكبر من القيمة الدفترية
طيب يبقى مفيش انخفاض فى القيمة ولكن انا كان عندى خسارة انخفاض في القيمة فى العام الماضى بمبلغ 14000
طيب السنه دى القيمة الاستردادية كانت زيادة على القيمة الدفترية (الى تم تخفيضها ) قبل كده فى 2004
يبقى هرد الخسارة الى تمت قبل كده فى حدود ماتم الاعتراف به من خسارة يعنى مينفعش يزيد عن قيمة الانخفاض
9000 ح/ مجمع خسائر انخفاض القيمة
9000 ح/رد انخفاض قيمة الأصول ( مكاسب استعادة القيمة
وطبعا رد الانخفاض في القيمة ده يقفل فى حساب الأرباح والخسائر ايراد
ويخصم فى التدفقات النقدية في بند التسويات التي تتم على صافى الربح قبل الضريبة
وكده مجمع خسائر انخفاض القيمة ينخفض من 14000 الى 5000
لانه تم تخفيضه 9000
وتكون القيمة الدفترية للأصل = 100000-41000- 5000 =54000
والإهلاك فى عام 2017 = (54000-10000)/ 5 سنوات = 8800
طيب الافتراض الثالث منفصل عن الافتراضيين الآخرين
القيمة الاستردادية فى 31 ديسمبر هى 66000
والقيمه الدفتريه = 45000
يعنى الفرق = 21000
يبقى مفيش اضمحلال فى الاصول
ولكن هنرد الخسارة الى تمت فى العام الماضى في حدود ما تم الاعتراف به كخسارة
14000 ح/ مجمع خسائر اضمحلال الأصول
14000 ح/ رد خسائر الاضمحلال فى الأصل (مكاسب استعادة القيمة
وتكون القيمة الدفترية الجديدة للأصل = 100000-41000 = 59000
يحسب إهلاك 2007
= (59000-10000 ) /5 = 9800
هو طبعا مصروف الاهلاك بيتغير مع كل انخفاض ولازم برضه تعدل مجمع الاهلاك ويكون له تأثير على الأرباح المحتجزة وده هنشوفه معانا فى معيار التغيرات فى السياسات والتقديرات
لمعرفة أسعار افضل برنامج حسابات فى مصر والوطن العربى أطلب عرض سعر حالا
أضف تعليقاً