يعنى ايه صنف خدمة؟

صنف الخدمة هو المنتج غير الملموس"خدمة" واللى ما بيكونش فيه كمية فعلية فى المخزن ولكنى ببيعه وبيدخل ايراد، واللى فى الغالب بيكون مرتبط بمنتج تانى ملموس.

زي انى مثلا ابيع منتج التكييفات كمنتج ملموس ومعاه خدمه التركيب، وذي انى ابيع اجهزة كمبيوتر كمنتج ملموس ومعاها خدمة تحميل ويندوز جديدة أوانى ابيع منتج السيراميك ومعه خدمة النقل والتوصيل.

ايه ميزة انى افصل ما بين المنتج الملموس والمنتج الخدمى؟

المحاسب الشاطر واللى منظم شغله بشكل مظبوط لازم يعرف اننا لازم نفصل ما بين الأنواع الرئيسية للايراد ونسجل كل ايراد بشكل مستقل ودا مهم جدا و هيفرق معانا فى التقارير بعد كده وانى اقدر اعرف بسهوله مصادر الإيراد بتاعى جاى منين بالظبط وهل المنتج بتاعى بيكسبنى فعلا ولا لا، وكمان هل الخدمه اللي بقدمها دى هايكون ليها جدوى فعلية في أنها تزود حجم مبيعاتك ولا لا؟

لما بطلع فاتورة واحدة للعميل بوضحله فيها نوعين المنتجات اللى اخدهم دا بيوضحله تكلفة المنتج بتاعك بشكل سليم وهايجنبك اى لبس 

ازاى أعمل قيد محاسبي بشكل سليم؟

نفترض انك قمت ببيع اجهزة كمبيوتر وسيرفرات للعميل بتاعك سعر بيع الاجهزه دى كانت 10000ج وبالاضافه لكذا قسم الاي تي بعت احد موظفيه عشان يركب الأجهزة عند العميل ويعملهم شبكه مع بعض وكانت تكلفة الخدمه دى 1000ج ايه هو القيد الادق؟

اول حاجه بتعملها انك بتطلع فاتورة للعميل بتاعك بتكتبله فيها أن المنتج بتاعك بكام وكمان الخدمه بتاعتك بكام ولو فاتورة ضريبية بتنزل ال14% ضريبة القيمة المضافة.

ثانيا بتسجيل القيد بالشكل ده

1)  بتثبيت خروج المنتج بتاعك من المخزن بتكلفته "ارقام افتراضية"

5657 من ح تكلفة المبيعات

5657 الى ح المخزون

2)  يثبت استحقاق الفاتورة على العميل بسعر البيع

من مذكورين

12485 ح العميل شركة القدس

55 ح ض أرباح تجارية وصناعية".05%"

                                                    إلى مذكورين

                                                   10000 ايرادات المبيعات

                                                   1000 إيرادات الخدمات

                                                   1540 ض.قيمه مضافه"14%"

أهم مشكلات النشاط الخدمي وحلولها فى مجموعات برامج حسابات أكفليكس 

* أهم مشكلة محاسبية  ممكن تقابلها فى النشاط الخدمي هي طريقة الاعتراف بالايراد واللى بالتاكيد بتختلف من شركة للتانيه حسب طبيعة الخدمة المقدمه, فعلى سبيل المثال فى حالة ان الشركة بتقدم خدمة معينة وهي بيع البرامج المحاسبية للشركات والنوع ده من النشاط بيستلزم مع بيع برامج حسابات تقديم خدمة الضمان او الدعم الفني وباتالى بيتم الاعتراف بايراد برامج محاسبة بشكل منفصل فى السنه محل البيع اما بالنسبة للخدمه المقدمة فبيتم الاعتراف فقط بمايخص السنه وخلونها نشوفها بمثال عملي :

_ قامت شركة الهدف لانظمة الكمبيوتر ( منتج مجموعة برامج حسابات أكفليكس) بالتعاقد مع شركة التميز لتجارة السيارات على توريد برنامج حسابات لادارة النشاط مع خدمة الدعم الفني لمدة سنتين بلغ اجمالى قيمة العقد مبلغ 15000 دولار امريكي بسعر صرف 17 جنيه للدولار  (مقسمة الى 10000 دولار اجمالي قيمة البرامج+5000 دولار قيمة خدمة الدعم الفني) فاذا تم تم توقيع العقد وبدأ التنفيذ فى 1/1/2018 ماهي قيود اليومية اللازمة لاثبات التعاملات السابقة خلال 2018 و 2019 ؟
* قيود اليومية فى 2018 :

255000  من ح العميل

الى مذكورين :

170000 ح ايرادات بيع برامج

42500 ايرادات خدمات دعم فني

42500 ايرادات خدمات دعم فني مقدمة.

* قيود اليومية فى 2019 :

42500 من ح ايردات خدمات دعم فني مقدمة.

42500 الى ح ايردات دعم فني

نلاحظ فى الحالة السابقة انه تم :

1_ فصل انواع الايراد من خلال تقسيمها لنوعين من الايراد وهما ايراد بيع البرامج وايراد الدعم الفني.

2_  تم الاعتراف بايردات بيع البرامج بشكل كامل نظزا لانتقال المنفعه والمخاطر للعميل وتم الاعتراف بما يخص السنه بالنسبة لايردات الدعم الفني نظرا لاستفادة اكثر من فترة من الايراد.

3_ تم الاعتراف بالجزأ المتبقي من الايراد فى 2019.