ماهى المنتجات المشتركة ومعرفة توزيع التكاليف المشتركة

ايه هى المنتجات المشتركه؟ خلونا الاول نتفق ان دورك كمحاسب تكاليف محترف جوه الشركه بيتيح ليك انك تعرف كل صغيره وكبيره عن نشاط شركتك ، ودا ببساطه لان معاك تحليلات لكل مبلغ اتصرف على النشاط وجه ومنين وراح فين والمفروض اساسا كان يروح فين 

دورك كمحاسب تكاليف انك تبص على الدنيا من فوق !

بمعنى وظيفتك مابتقتصرش على انك تقفل ميزانيه او تعمل ميزان مراجعه وتظبط دنيتك مع الضرايب 

كل ده كوم وشغلك جوه غرفه عمليات الشركه وتحليلات التكلفه اللى انت بتعملها وبتقدمها للاداره ده كوم تانى خالص

تعالوا نتكلم عن موضوع مهم من موضوعات التكاليف الللى المفروض كمحاسيب تكاليف تكون ملم بيه وتعرفه من الالف للياء

يعنى ايه منتجات مشتركة؟

المنتجات المشتركه دي عباره عن مجموعه منتجات الشركه او المصنع بينتجهم من خلال عمليه انتاجيه واحده وباستخدام نفس المواد الخام تعالو نفهم واحده واحده، بنلاقى ان فى مجال البترول ان الشركه عشان تستخرج البنزين بدرجاته والسولار والزيوت بتقوم الاول بعمليه دراسه جدوي واختبارت وبعد كدا تبدأ تشتغل حفر وتنقيب وتطلع بترول خام وتبدأ تفصله لمشتقاته.

كل الفلوس اللى احنا عمالين ندفعها للخبراء والعمال وتأجير الالات والمعدات والاكل والشرب عشان فى النهايه نوصل لنقطه استخراج البترول بنسميها التكاليف المشتركه بتكبدها عشان انتج مجموعه منتجات مشتركه على بعض ولما ربنا يكرمنا ونوصل للبترول هنا بنكون عند نقطه بنسميها نقطه الانفصالsplit-off point واللى بعدها بقدر افصل البنزين عن السولار عن الغاز عن الزيوت يعنى من الاخر بنطلع المنتجات المشتركه.

معرفة توزيع التكاليف المشتركة 

خد بالك بقا كل جنيه بدفعه بعد نقطه الانفصال بقدر اميز انه دافعه على اي منتج وبالتالى اقدراربطه بيه

ولكن السؤال هنا ازاي اوزع التكاليف المشتركه اللى اتكبدتها قبل نقطه الانفصال على المنتجات اللى طلعتها دي وباي اساس؟

بنلاقى هنا ان فى اكتر من طريقه بقدر من خلالها اوزع التكاليف دي على المنتجات ذي ماهنشوف

فى ناس قالوا اننا نشوف كل منتج انتجته سعره كام فى السوق ونوزع التكاليف المشتركه على اساس القيمه البيعيه دي ، يعنى لو برميل الزيت عامل 100 دولار والبنزين 200 والسولار 50دولار وكانت التكاليف اللى اتكبدتها لحد ماوصلت لنقطه الانقصال 1000000 دولار هاوزع المليون دولار دول بالشكل ده.

نصيب الزيت من التكاليف المشتركه =1000000 *(100÷350) =285715 دولار

نصيب البنزين=1000000*(200÷350) = 571428 دولار

نصيب السولار = 1000000* (50÷350)=14285.7 دولار

وبكدا حددت كل منتج كلفنى كام من التكاليف المشتركه اللى دفعتها

وعد كدا بشوف كل منتج كلفنى كام بعد نقطه الانفصال وحط ده على ده يديك تكلفه المنتج النهائيه

يعنى مثلا البنزين بنقيه من الشوائب و بعبيه فى براميل وبشحنه وبوصله للعميل وكل ده كلفنى 200000 دولار للبنزين بس

هنا اقدر اقول ان تكلفه البنزين عباره عن 571428+200000 = 7714288 دولار وفى الحاله دي اقدر اقول انى لو انتجت 10000 برميل البرميل الواحد هايكلفنى 77 دولار تقريبا

وتروح لاداره وتوضحلهم الكلام ده فى شكل تقرير وتشتغل يابرنس.

توزيع التكاليف المشتركة على اساس صافى القيمة

فى ناس تانى بقا بتقول اننا لازم نوزع التكاليف المشتركه دي على اساس صافى القيمه القابله للتحقق واللى كلنا عارفينهاعباره عن سعر البيع التقديري مخصوما منها تكاليف الاتمان، يعنى ذي مااتفقنا ان سعر بيع برميل البنزين 2000 دولار وان عشان ابيعه لازم اصرف مصاريف بيعيه 20 دولار وهنا صافى القيمه القابله للتحقق هاتكون 180 دولار وهكذا بالنسبه لباقى المنتجات وبعد مااجيب صافى القيمه القابله للتحقق ابدأ أوزع التكاليف المشتركه على اساس صافى القيمه لكل منتج ذي ماعملت على اساس سعر البيع.

فى ناس تانى بتقول اننا المفروض نوزع التكاليف المشتركه على اساس حجم الوحدات اللى انتجتها من كل منتج ايا كانت الطريقه اللى هاتوزع بيها فانت اهم شئ تكون فاهم يعنى ايه منتج مشترك وتكاليف مشتركه وائاي توزعها على المنتج واللى على اساسها هاتحدد سعر بيعه.

يمكن طلب عرض السعر لافضل برنامج محاسبة فى مصر والشرق الأوسط من منظومة اكفليكس حالًا.