مستخلصات مقاول الباطن

مين هو مقاول الباطن؟

مقاول الباطن هو الشخص اللى شركة المقاولات بتوكله يخلصلها شغل فى المشروعات اللى هى ماسكاها فى مقابل مبلغ مالي يتم الاتفاق عليه بشكل مسبق.

احنا النهارده كشركة مقاولات دخلنا في مشروع بناء عمارة سكنية وأخدناه بالكامل من اول حفر الاساس لحد مانشطبه ونسلمه للمالك على المفتاح طبيعى أثناء شغلنا فى المشروعات دى اننا نجيب ناس من بره الشركه يعملولنا شوية شغل ذي أعمال الحفر والدهانات والكهرباء وغيرها الناس دول بقا بنسميهم مقاولى الباطن.

يعنى ايه مستخلص اعمال؟

بعد ما يتفق مع مقاول الباطن على الشغل اللى هايخلصهولى ويبدأ يشتغل بييجى على فترات بيتقدملى بيان بالأعمال اللى أتمها بالفعل عشان ياخد فلوس بمقابلها ,يعنى لو انا كنت مكلفة بانه يعملى تشطيبات الكهربا خلال الشهر ده بييجى فى اخر الشهر بيقدملى بيان بيقولى فيه ان الشغل اللى اتفقنا عليه انهيته بالكامل او خلصت 80% منه وييجوا المهندسين بتوعى بناءا على كده بنبدأ ندفعله فلوسه بعد ما يستقطع منها الخصومات المختلفة زي تأمين ألاعمال اللى بخصمه منه لحد مايخلص شغله ويتمه على اكمل وجهه وبرجع اديهوله تانى وزي ضريبة الخصم من المنبع اللى بخصمها عليه وأوردها لمصلحة الضرائب وزي التأمينات الاجتماعية وغيرها من الاستقطاعات المختلفة.

وبكدا نقدر نقول ان مقاول الباطن هو بمثابة المورد بتاعنا وبيان الاعمال اللى بيقدمهولنا هو بمثابة الفاتوره اللى بندفع عليها

وبناءا على الكلام ده يقدر المحاسب المحترف اللى ضابط السيستم بتاعه يوجه قيوده ويرمى عمليات الاستحقاق والسداد المتعلقة بمقاولى الباطن بشكل مضبوط ودقيق

القيود المحاسبية الصحيحة

ولنفترض ان مقاول الباطن قدملنا مستخلص ب 100000 ج والإدارة الهندسية وافقت عليه هنلاقى ان القيد المحاسبي السليم لازم يتم على مرحلتين

المرحلة الاولى نثبت الاستحقاق

100000 من حساب مصروفات مشروع العماره السكنيه

إلى مذكورين

500 حساب جارى مصلحة الضرائب

5000 حساب تأمين أعمال ودا بخصمه منه لحد مايخلص شغله بديهوله

5000 حساب جارى التأمينات الاجتماعية

89500 حساب المقاول

المرحله الثانيه وهى السداد

89500 من حساب المقاول

89500 الى حساب الكاش او البنك

وبكدا نكون عملنا قيد محاسبى بسيط لمستخلص اعمال مقاول باطن