نظام الأوامر الانتاجية كأحد أنظمة التكاليف المطبقة فى المصانع

تم النشر بواسطة اكفليكس
تاريخ النشر 2017 August 15

نظام الاوامر الانتاجيه كاحد انظمة التكاليف المتبعه فى انشطة التصنيع

ماهو نظام الاوامر الانتاجيه؟

ازاى اعمل ربط مابين نظام الاوامر الانتاجيه كأحد أنظمة التكاليف مع نظام المحاسبه الماليه وخصوصا لو كنت شغال على برنامج محاسبة المصانع وادارة تكاليف التصنيع؟

ماهى مراحل تطبيق واهم الاعتبارات فى تطبيق نظام الاوامر الانتاجيه؟

لو انت محاسب تكاليف في مصنع بيعتمد في انتاجه علي طلبات العملاء بتوعه وبيكون انتاجه غير نمطي يعني كل منتج بتنتجه بيكون علي حسب مواصفات ومعايير العميل يبقا افضل نظام تكاليف ليك هو نظام الاوامر الانتاجيه.
يعني مثلا لو احنا مصنع شغلنا قايم علي تصنيع غرف نوم وسراير وانتريهات علي حسب مواصفات وطلبات العملاء، او كنا مؤسسه دعايه وبنصمم يافطات وبانرات دعايه علي حسب اوردارات العملاء بتوعي يبقا اكيد نظام الاوامر الانتاجيه هو الافضل.

ازاي اطبق نظام الاوامر الانتاجيه في شغلي؟

بصرف النظر عن نظام التكاليف المتبع سواء كان نظام الاوامر الانتاجيه او نظام المراحل الانتاجيه، كلنا عارفين ان تكلفه اي product في الدنيا عباره عن 3عناصر اساسيه (مواد مباشره ‘واجور مباشره‘ ونصيب المنتج من التكاليف الصناعيه الاخري) ولو قدرت اعرف المنتج بتاعي اتكلف اد ايه من العناصر دي، بسهوله اقدر احط هامش الربح اللي انا عايزه أو احدد السعر اللي عايز ابيع به خلونا نعرف واحده واحده اذاي نحدد تكلفه الامر الانتاجى من كل عنصر  من عناصر التكاليف او اول مرحله معانا فى تطبيق نظام الاوامر الانتاجيه.

اولا ازاى احدد تكلفه الامر الانتاجى من المواد المباشره

فى البدايه طبعا المفروض انى بشترى المواد الخام بتاعتى من الموردsupplier وبحطها فى مخزن المواد الخام وبسجل العمليه دى بالقيد ده

1000000 من ح/ مخزون المواد الخام raw material (أخشاب مثلا)

1000000الى ح/الموردينaccounts payble

وبعد كدا بنصرف مواد خام للاوامر الانتاجيه بتاعتى بموجب اذون صرف واللى بيكون مكتوب فيها رقم الامر الانتاجى اللى بصرفله المواد الخام من المخازن ,ودى حته مهمه جدا لان من خلال الاذون دى بعرف الامر الانتاجى كلفنى اد ايه من المواد الخام.

وبثبت عمليه الصرف بالقيد ده

100000من ح/انتاج تحت التشغيل(الامررقم 15)work in process_jop15

100000الى ح/مخزون المواد الخامraw material

بوكدا بقول انى سحبت من المخزن مواد خام تكلفتها 100000ج وحولتها للتشغيل للامر الانتاجى رقم 15.

ولحد دلوقتى احنا عرفنا ان الامر الانتاجى اتكلف 100000ج مواد مباشره (ولو رجعت حاجه منهم للمخازن بنزلها من تكلفه الامر بقيد عكسى)

ثانيا: ازاى احدد تكلفه الامر الانتاجى من الاجور المباشره direct labor

ودى سهله جدا ومافيش اسهل منها الحكايه ومافيها بنشوف عدد ساعات العمل اللى استغرقها الامر الانتاجى ومعدل اجر الساعه كام (يعنى الساعه الواحده هاتكلفنى كام) ودا بيتم من خلال بطاقه او كشف بسجل فيها كل عامل اشتغل على الامر ده كام ساعه وتكلفه الساعه الواحده كام عشان فى النهايه اوصل لاجمالى تكلفه الاجور(نفترض اننا هنا بننتج دولاب للعميل بشوف وعم احمد النجار خد فيه 5 ساعات تقطيع ومعدل اجر الساعه ليه 20ج وعم حسن بتاع الدهان اشتغل فيه 7 ساعات معدل اجر الساعه 10ج) وفى النهايه بتوصل لاجمالى الاجور المباشره وبثبتها بالقيد ده:

5000 ج (مثلا) من ح/ الانتاج تحت التشغيل _الامر الانتاجى رقم 15

الى ح / اجور مستحقه الدفعwage payble

ولحد دلوقت احنا عرفنا ان الامر الانتاجى اتكلف 100000ج مواد خام مباشره و5000ج اجور مباشره.

ولو انت شغال على برنامج محاسبة المصانع من اكفلكيس فالموضوع هايكون أكثر مرونه

 ازاى نعرف الامر الانتاجى اتكلف اد ايه من المصروفات الصناعيه الاخرى manufacturing overhead

المصروفات الاخرى او الغير مباشره هى اللى ماتكونش مرتبطه بشكل مباشر بالامر الانتاجى ذى مثلا مرتبات مشرفى الانتاج والمواد غير المباشره واهلاك الالات وغيرها والمفروض انى بقدر حجم التكاليف الغير مباشره هاتكون اد ايه كل شهر وعلى اساسه بحملها او بوزعها على عدد الاوامر اللى عندى خلال الشهر ده.

يعنى مثلا ان طلعت من مخزن المواد المساعده شويه مسامسر وشويه غراء للخشب ب10000ج فى الحاله دى بوزع التكاليف دى على الاوامر اللى عندى بس هنا فى مشكله ان فى امر اخد مواد اكتر من التانى بس ماتقلقش الحل اهو

المفروض انى بوزع التكاليف غير المباشره باستخدام اساس توزيع وفى حاله المسامير دى بستخدم تكاليف المواد المباشره كاساس للتوزيع بمعنى ان الامر 15 خد مواد خام ب100000 والامر16خد مواد ب200الف والامر 17 خد مواد ب300الف هنا نسب التوزيع هاتكون 1:2:3 وهنا هنلاقى ان نصيب الامر 15 من المواد غير المباشره ب1700تقريبا.

وبثبت الحته دى بالقيد ده من

1700من ح/ الانتاج تحت التشغيل_الامر15

1700 الى ح/المواد غير المباشره indirect material.

كيفية توزيع التكاليف الغيرمباشرة 

وقيس على ذلك باقى التكاليف غير المباشره مثل الاهلاكات والكهربا والمياه وغيرها وغيرها وكل عنصر بستخدمله اساس توزيع مختلف وفى النهايه بجمع نصيب الامر من التكليف دى ونفترض ان طلع 1000ج وعد كدا بتروح للمدير المالى بتاعك او حتى رئيس مجلس الاداره بقلب جامد ومعاك كل الأوراق والفواتير والتقارير وتقول له ان الامر الانتاجى بتاعنا اتكلف 100000مواد خام واتكلف 5000ج اجور و1000ج مصروفات تانى باجمالى تكلفه 106000ج ولو حبينا نبيعه ممكن نحط 25%هامش ربح يبقا سعره للعميل 132500.

 نظام الاوامر الانتاجيه من أسهل انظمة التكاليف المطبقه فى انشطه كتير واللى بيختلف بدرجه قليله عن نظام المراحل الانتاجيه 

بكدا  نكون شرحنا باختصار وبشكل مجمل نظام الاوامر الانتاجيه وتطبيقه كاحد انظمة التكاليف المتبعه  

 فى المقالات الجايه هانتكلم عن تطبيق نظام الاوامر الانتاجيه فى مختلف الانشطه اللى بتشتغل بيه زى نشاط برنامج محاسبة الخرسانه الجاهزه 

وتطبيقها على برنامج محاسبة التصنيع اكفليكس وازى بيتم الربط مع برنامج الحسابات العامه

أضف تعليقاً