التكاليف اللاحقة لتاريخ ألإقتناء

بعد مابشتري الأصل الثابت ويتشغل عندي ذي الفل بيحتاج بعد كدا صيانه وقطع غيار عشان أقدر أحافظ علي كفاءته ويعيش معايا فتره كبيره..المصاريف اللي بدفعها دي بنسميها في المحاسبه التكاليف اللاحقه لإقتناء الأصول الثابته..
ومعايير المحاسبه قسمت التكاليف دي لأنواع مختلفه وكل نوع ليه معالجه محاسبيه مختلفه.

النوع الاول: مصاريف الصيانه الدوريه

ودي ذي مصاريف التشحيم والتزييت ومصاريف قطع الغيار المتكرره والتراخيص السنويه للسيارات ..إلخ.

وبنسمي النوع ده ذي ماقولنا مصروفات الصيانه الدوريه العاديه. ، وطبعا بعتبرها مصروف فتري وبتتحمل علي قايمه الدخل عادي،وبثبتها عندي بالقيد ده:
من ح/مصروف الصيانه
الي ح/الكاش أوالصندوق

النوع الثاني: مصاريف الصيانه الشامله أو الرأسماليه

ودي بقا المصاريف اللي بدفعها عشان الاصل بتاعي يعيش فتره أطول أو كفاءته تذيد وأحسن نوع الأنتاج والمصاريف دي بعملها حاجه اسمها رسمله بمعني هاوزعها علي عده فترات مش فتره واحده عشان كدا بنسميها مصروفات رأسماليه 

القيود اليوميه:

المعايير ان لو المصروفات دي هاتحسن لي كفاءه الاصل أو هاتحسن منتجاته..فبعالجها كزياده لتكلفه الأصل وبيكون القيد بالشكل ده :
من ح/الأصل
إلي ح/ألصندوق

وفى نوع أخير ودا فى الغالب بيتم فى شركات الطيران والسفن لما بيعملوا صيانه شامله كل 4أو 5 سنوات على الأصول بتاعتهم ,والنوع ده بنخصصله حساب مستقله اسمه حـ/تكاليف صيانه شامله ودا بنعمله حاجه اسمها اطفاء ذى الاهلاك كدا .وبنستهلكه على مدار ال4 أو الخمس سنين دول والقيد بتاعها بيكون كدا:

من حـ تكاليف صيانه شامله
الى حـ الصندوق

وبحمل كل سنه بما يخصها من مصروف بالقيد ده :
من حـ/مصروف الصيانه
الى حـ/تكاليف الصيانه الشامله

وبكدا نكون عرفنا يعنى أيه التكاليف اللاحقه لتاريخ الأقتناء والمعالجه المحاسبيه ليها وفقا للمعايير.