كيفية عمل مستخلص والتوجيه المحاسبي السليم لقيود المستخلص

ازاى تعمل مستخلص؟

فى النشاط التجارى دورة المبيعات بتتم على مراحل معينه، وبتنتهى بإصدار فاتوره للعميل من خلالها بثبت عملية البيع، وبناءا عليه بعمل قيد محاسبي لاثبات استحقاق مديونية العميل والاعتراف بايراد البيع الفاتوره بنوضح فيها مسميات الاصناف اللى بعناها للعميل وكمياتها واسعارها والخصومات والضريبه.

كيفية عمل مستخلص للمقاول

نشاط المقاولات بيتم بناءا على الدوره المستنديه والمحاسبيه معينه وبنقدم من خلاله خدمه معينه للعميل زى بناء وحده سكنيه، فى الغالب مدتها بتكون ممتده لاكتر من سنه ماليه، الخدمه بقدمها للعميل بناءا على اتفاق وتعاقد مابينى وبينه،
وعشان محاسبيا امشى مظبوط لازم كل فتره اثبت نسبة انجازى من الخدمه دى اد ايه ،"انا انجزت أد ايه من بناء الوحده السكنيه".

ووسيلة اثبات انى انجزت الخدمه دى هى "المستخص" اللى بيوقع عليه العميل زى بالظبط اثبات عملية البيع من خلال اصدار فاتوره للعميل؛ المستخلص هو الفاتوره فى نشاط المقاولات وبيتكون من شقين الشق الاول وبوضح من خلاله البنود اللى متفق انى انجزها للعميل،  ونسبة انجازى اد ايه من كل بند وكنت فعيا انجزت اد ايه وفقا لاخر مستخلص كنت عامله قبل كدا .

الشق الثانى وبوضح فيه الاضافات والاستقطاعات اللى هاتم على المستخلص ده اضافات زى ضريبة القيمه المضافه "او الجدول" اللى بحملها على العميل وبوردها لمصلحة الضرايب، والاستقطاعات وزى علاوة الاعمال اللى باخدها من العميل لو نجزت الاعمال فى وقت معين بناءا على الاتفاق اللى كان بينا.

الاستقطاعات زى تأمين الاعمال اللى بيخصمه المالك من حسابنا لحد مانتم الاعمال على أكمل وجهه وهكذا.

ايه القيود اللى بثبتها؟

بناءا على المستخلص بعمل قيد محاسبي بثبت من خلاله مديونية العميل بالمبلغ اللى عليه , وبثبت ايراد الفتره وفقا لنسبة الانجاز


القيد المحاسبي

من مذكورين:

ح/ المالك"العميل"

ح/ تأمين اعمال.

الى مذكورين

ح ايرادات التشغيل.

ح ضريبة القيمه المضافه.

أطلع على افضل برنامج حسابات فى مصر والعالم العربى وأطلب عرض سعر حالا