الحلقة الثانية من قائمة التدفقات النقدية

نكمل معانا قائمه التدفقات النقديه وخدنا فى الحلقه الى فاتت فكره عن قائمة التدفقات النقدية هنتكلم  فى الحلقه دى بشكل اكثر تعمق  وهنبدا بالطريقة الغير مباشرة، وزى ماقولنا قبل كده الفرق بين الطريقه  المباشره والغير مباشره فى زى التدفقات النقدية  الخاصة بالأنشطة التشغيلية، هنبدا بالطريقة الغير مباشرة  فى اعداد قائمه التدفقات النقديه اول حاجه  فى الطريقة الغير المباشرة وهى انك  تبدأ بصافى الربح وهو الرقم الى موجود فى قائمة الدخل، طيب السؤال دلوقتى نبدأ بصافى الربح قبل الضريبة ولا بعد الضريبة..هنشوف ده من خلال نموذج قائمة التدفقات النقدية

صافى الربح قبل ضريبة الدخل 

طبعا هنبدا بصافى الربح قبل الضريبة  لانه ببساطه ضريبة الدخل دى هتدفع السنه التاليه  بمعنى انت بتعمل قائمة الدخل عن عام 2018 وفرضا فى ربح مليون جنيه قبل الضريبه وقدمت اقرارك الضريبى

وهو فى الغالب بيكون فى مارس او ابريل 2019 مثلا  وطلعت قيمة الضريبة 120 الف مثلا قيمة الضريبة بتنزلها معاك فى قائمه الدخل بتاعه 2018 بس هى فعلا هتدفع فى 2019،

 طيب خلاص عرفنا اننا هنبدأ بصافى الربح قبل الضريبة  من قائمه الدخل وليكن مليون جنيه زى ماقولنا.

دلوقتى احنا عايزين نعمل نسويات على صافى الربح قبل الضريبة (الرقم الى احنا جايبينه من قائمه الدخل) بحيث  نستبعد منه اى مصروف او اى ايراد غير نقدى، وهنبدا  فيهم زى أول  بند معانا  فى بنود التسويات، اهلاكات الاصول الثابتة.

كلنا عارفين انه الاصول الثابته بيتعمل ليها اهلاك شهرى او سنوى حسب نظام الحسابات والافضل طبعا شهرى لو بتعمل مركزمالى شهرى او كل فتره 

والإهلاك فكرتها البسيطة انك توزيع تكلفة الأصل على سنوات عمره الانتاجى باستخدام اى طريقة من طرق الإهلاك، والقيد بتاع الإهلاك بيكون الأتى :-

   ح/ مصروف الاهلاك

       الى

   ح/ مجمع الاهلاك

وده طبعا لكل فئة من فئات الأصول ( موضوع الاصول الثابته هناخده بشرح كامل من المعيار  والواقع العملي ) اللى يخصنا دلوقتى فى موضوع قائمة التدفقات النقدية هو انه الاهلاك ده يعتبر مصروف غير نقدى خلال الفترة لانه الشركة اشترت الاصل ده خلال فترة سابقة (شراء الأصول ده يعتبر من التدفقات النقدية من الانشطة الاستثمارية)

شرح مفصل لقيد الإهلاك 

القيد ده معناه انه فيه مصروف  اتخصم فى قائمه الدخل وبالتالى قلل  صافى الربح قبل الضريبة، والمصروف بتاع الإهلاك ده زى ماقولنا غير نقدي، يبقى احنا هنضيف بند مصروف الاهلاك الى صافى الربح قبل الضريبة

والاهلاكات بتكون موجوده فى قائمه الدخل في كذا مكان فيه إهلاك صناعى جزء من تكلفة المبيعات وهلاك ادارى او بيعى ضمن المصروفات الاداريه او البيعيه  وطبعا بيكون فيه كشف وايضاحات للاصول الثابته واهلاكاتها

ونفس الكلام الذي ينطبق  على الأصول الثابتة ينطبق  على الاصول الغير ملموسة لو عندك فى الشركه  براءات الاختراع وحقوق النشر والعلامة التجارية  بتعمل حاجه اسمها إطفاء نفس فكره الإهلاك بالظبط مع اختلاف المسمى

و الاصول الغير ملموسة (لها معيار خاص بها)

برضه بضيف مصروف الإطفاء الأصول الغير ملموسة الى صافى الربح قبل الضريبة  لأنه مصروف غير نقدى فى حاجه  كمان معانا  فى موضوع التسويات على صافى الربح قبل الضريبة وعلاقتها بالأصول الثابت

وهى فكرة بيع الأصول الثابتة  لما تيجى تبيع الأصول بمبلغ اكبر او اقل من قيمته الدفترية ( التكلفة - مجمع الاهلاك) فبيكون عندك مكسب او خسارة  المكسب او الخسارة ده يعتبروا اما ارباح او خسائر رأسمالية بيروحون معانا فى قائمه الدخل .

لو عندى أرباح في الأرباح الرأسمالية دى  بخصمها من صافى الربح قبل الضريبة فى بند التسويات.

ولو عندى خسائر في الخسائر الرأسمالية دي ونضيفها على صافى الربح قبل الضريبة فى بند التسويات.

طيب واحد يسال ويقول طيب الشركه  لما باعت أو خسرت هى حصلت فلوس البيع .

تمام  قيمة ثمن البيع ده سواء بمكسب أو بخسارة ده بيروح معانا فى قائمه التدفقات النقدية من الانشطة الاستثمارية.

الحته دى مهمه جدا (المخصصات)

تكوين المخصص من حساب المصروف

 قيد تكوين المخصص بيكون من حساب المصروف الى حساب المخصص لنفترض ان الشركه كانت مخصص لقضية متنازع عليها وليكن 100000  لمعزفة المزيد عن اقوى برنامج حسابات من أكفليكس

100000 ح/ مصروف قضايا متنازع عليها

100000 ح/ مخصص قضايا متنازع عليها

المصروف ده بيروح قائمه  الدخل والمصروف ده طبعا مصروف غير نقدى، وبالتالى انا هضيف  المصروف بتاع المخصص الى تم تكوينه ده الى صافى الربح قبل الضريبة باعتباره مصروف غير نقدى، طيب فرضا جيت فى الفتره الماليه التاليه وردت المخصص يعنى قولت انه المخصص ده خلاص الغرض الى تم تكوينه انتهى  يبقى هنرد المخصص ده وبالتالى رد المخصص ده بيروح قائمة الدخل كايراد، ولكنه إيراد غير نقدى وبالتالى هنا خصمه من صافى الربح قبل الضريبة، فيه جزئية خاصة بالمخصصات مرتبطة بالتدفقات النقدية التشغيلية في الحلقة التالية.

الانخفاض أو الاضمحلال فى الاصول

اشهر انواع  الاضمحلال فى الاصول هو الانخفاض أو الاضمحلال فى رصيد العملاء الى هو كان اسمه مخصص الديون المشكوك فى تحصيلها  هى نفس طريقة الحساب، الانخفاض فى الاصول له معيار خاص بيه و ناخده معانا قريب جدا 

الى يهمنى دلوقتى لما يكون عندى انخفاض أو اضمحلال فى الاصول فالقيد  بيكون

         ح/ مصروف الانخفاض  في الأصول

                   الى

                 ح/ مجمع الانخفاض  في الأصول

والمصروف ده بيروح قائمه الدخل وهو طبعا مصروف غير نقدى  وبالتالى بضيفه على صافى الربح قبل الضريبة، طيب ونفس الكلام زى المخصص لما ارد الانخفاض فى الأصول، فده بيكون إيراد  بيضاف فى قائمه الدخل وبالتالى وانا بعمل التدفقات النقدية بخصم قيمة  رد الانخفاض في الأصول، لانه الايراد غير نقدي، وقيمة مصروف الانخفاض التى يتم الاعتراف بها خلال الفترة المالية أو العام يتم الاعتراف. 

بها فى قائمه الدخل مصروف ويكون القيد كالتالي

5000 ح/ مصروف الانخفاض فى قيمة العملاء.

5000 ح/ الانخفاض فى قيمة العملاء.

المصروف ده هيتخصم من قائمة الدخل وهي خفض صافى الربح، ويتم إضافته في قائمة التدفقات النقدية فى بند التسويات على صافى الربح قبل الضريبة، باعتباره باعتباره مصروف غير نقدى، طيب بفرض انه الشركه قررت رد او تخفيض جزء من الانخفاض فى قيمة العملاء فى الفترة.

الماليه التاليه او العام التالى اثر ده على القوائم المالية وليكن 2000.

2000 ح/ الانخفاض فى قيمة العملاء.

2000 ح/ ايراد رد الانخفاض فى قيمة العملاء.

ده هيتم اضافته على قائمه الدخل عكس لما تم خصمه لما تم تكوينه، وبالنسبة لقائمة التدفقات النقدية هيتم خصم المبلغ من صافى الربح قبل الضريبة  لأنه إيراد غير نقدي.

فروق العملة فى قائمة التدفقات النقدية 

المعيار بيقول ان ان المكاسب والخسائر الغير محققة الناتجة عن التغيرات فى أسعار صرف العملات الاجنبيه لا تعتبر تدفقات نقدية يعنى بتدخل فى التسويات، على صافى الربح قبل الضريبة، فروق العملة المدينه دى بتكون مثلا فى حاله الشراء الخارجى من مورد بسعر صرف 10.

جنيه فى تاريخ استلام الفاتورة، وكان سعر الصرف فى وقت السداد 11جنيه، وبكده بيكون فى فروق تقييم عملة مدينة لتسوية حساب المورد وتم شرحها قبل كده فى موضوع فروق تقييم العملة نيجى لنقطه إلى تخصنا.

فروق العملة المدينه الغير محققة يتم خصمها من قائمة الدخل وتقلل من صافى الربح قبل

الضريبة وبالتالى فى قائمه التدفقات النقديه فى التسويات على صافى الربح قبل الضريبة يتم اضافتها لانها تعتبر مصروف غير نقدى، والعكس فى حالة فروق العمله الدائنة الغير محققة تعتبر ايراد فى قائمه الدخل ويتم اضافتها وبالتالى فى التدفق النقدى يتم خصمها فى بند التسويات باعتبارها إيراد غير نقدى، فروق العملة الغير محققة دى يكون فى حالة عدم تسوية المعاملة خلال الفترة المالية.

بمعنى اذا كان فيه مديونية عليك لمورد اجنبى فى نهاية العام ولم تسدد ففى حالة اختلاف سعر الصرف في نهاية العام عن سعر الصرف الى كان موجود فى تاريخ الشراء ففى الحالة دى بتعمل قيد فروق العملة وتعتبر غير محققة يتم تسويتها فى التدفقات النقدية بعكس اشارتها.

بمعنى لو فروق العملة الغير محققة دى مدينه يبقى الرقم بتاعها يضاف فى التسويات التي تتم على صافى الربح قبل الضريبة طيب في حاله انه فروق العمله دى محققة ( يعنى المعاملة سواء بيع او شراء خلاص تمت تسويتها وانت كشركة خدت فلوسك من العميل أو دفعت المديونية الى عليك للمورد وانتهت المعاملة ).

ساعتها فروق تقييم العملة المحققة لا يتم تسويتها على صافى الربح قبل الضريبة سواء كانت فروق عمله مدينة او دائنة لانها محققه.

المقصود بالاستثمارات المالية 

المقصود بيها الاستثمارات المالية الى الشركه بتاعته تستثمرها فى شركات اخرى، احنا الى يخصنا دلوقتى فى التدفقات النقدية لما يتم تقييم الاستثمارات المالية فى نهاية كل فتره يعنى بنشوف سعرها فى الدفاتر عندنا كام سعرها السوقى دلوقتى كام ونشوف اذا كان فى خسارة او فى ارباح ونشوف المعالجات المحاسبية معانا بعده كده طبعا الخسارة او الارباح هيكونوا فى قائمة الدخل.

الخسارة بتتخصم في قائمة الدخل بالنسبة للتدفقات النقدية يتم اضافتها الى صافى الربح قبل الضريبة فى بند التسويات والأرباح بيتم اضافتها فى قائمه الدخل وعلشان كده بتتخصم من صافى الربح قبل الضريبة فى بند التسويات

فى حاجه كمان بالنسبه بقى لتوزيعات الارباح المدفوعة يعنى شركتك انت دفعت ارباح للمساهمين والمستثمرين ونضيفها مع انها تم دفعها فعليا.

ده علشان نشيل الأثر بتاعها من صافى الربح قبل الضريبة علشان احنا بعد كده هنرجع نخصمها بعد كده ضمن الأنشطة التمويل تدفق نقدي خارج ونفس الكلام فى المصروفات والفوائد التمويلية بالرغم من انها تكون مدفوعة وخصومه في قائمة الدخل.

ولكن لما نعمل قائمه التدفقات النقديه بنضيف الفوائد والمصروفات التمويلية الى صافى الربح قبل الضريبة علشان زى ماقولنا نشيل الأثر بتاعها من صافى الربح قبل الضريبة وهنرجع تانى خصم المصروفات والفوائد التمويلية من التدفقات النقدية من الأنشطة التشغيلية والتمويلية  زى ما هنشوف معانا.

هى الفكره كلها ان احنا نبقى عارفين واحنا بنعمل التدفقات النقدية بالطريقة الغير مباشرة ازاى نعمل تسويات على صافى الربح قبل الضريبة بحيث تستبعد اى إيراد أو مصروف غير نقد ىشرحنا قبل كده المخصصات بتوسع ونشوف معانا الانخفاض فى الأصول فروق تقييم العملة بتوسع اكتر الحلقه الجايه هناخد قائمة التدفقات النقدية من الأنشطة التشغيلية.

أطلب عرض سعر لافضل برنامج حسابات فى مصر والوطن العربى حالا