أهمية قائمة التدفقات النقدية من الانشطة الاستثمارية

اتكلمنا فى الحلقة السابقة على قائمة التدفقات النقدية من الانشطة التشغيلية والنهارده فى الحلقة دى هنتكلم على اهمية قائمة التدفقات النقدية من الانشطه الاستثمارية ومعانا مثال عملى مرفق ميزانيه الشركة والجزء الخاص بالتدفقات النقدية من الانشطة الاستثمارية والتمويلية وحركة النقدية.

قائمة المركز المالي 2012

قائمة التدفقات النقدية المستقلة عن السنة المنتهية 2012

قائمة التدفقات النقدية من الانشطة الاستثمارية

والنشاط الاستثماري ده بيكون خاص بالأصول الثابتة والاستثمارات في الشركات سواء كانت استثمارات بالملكية أو استثمارات بالدين. 

حركة قائمة التدفقات النقدية في الأنشطة الاستثمارية اما مدفوعات لشراء أصول ثابتة أو البدء فى مشروعات تحت التنفيذ أو متحصلات من بيع أصول ثابتة أو مدفوعات لشراء استثمارات فى شركات أو متحصلات من بيع الاستثمارات

الارباح أو الخسائر الرأسمالية الناتجة عن بيع الاصول الثابته او ارباح او خسائر بيع الاستثمارات او حتى إعادة تقييم الاستثمارات لا يتم ادراجهم ضمن قائمة التدفقات النقدية

من الانشطة الاستثمارية لان العبره والأساسعندنا هى التحصيلات والمدفوعات النقدية فقط ونشوف بنود قائمة التدفقات النقدية اللى معانا 

مدفوعات لشراء أصول ثابتة مشروعات تحت التنفيذ

عندما تقوم الشركة بشراء اصول ثابتة او لما تبدا فى مشروعات تحت التنفيذ ، وفى كل شركة لابد وان يكون هناك  سجل وكشف للأصول الثابتة  وبيكون فيه الاضافات التي تمت على الأصول الثابتة، خلال الفترة والاضافات اما انها تكون شراء  الاصول الثابتة وأما مشروعات  تحت التنفيذ وانتهت  وخلاص هتتحول الى اصول ثابته (فى الحالة بتاعه مشروعات تحت التنفيذ  تعتبر معاملة غير نقدية) وبالتالي لن تؤثر على حركة التدفقات النقدية بالشركة.

فى المثال الى عندنا  فى قائمة التدفقات النقديه هيكون فيه تدفق نقدى خارجي بقيمة 7500000  وده يعتبر تدفق نقدى  خارجى يخصم ضمن بنود التدفقات النقدية من الانشطة الاستثمارية

 فيه  معادله  ممكن نستخدمها فى حساب المدفوعات لشراء الأصول الثابتة

= رصيد الأصول الثابتة اخر الفترة – رصيد الأصول الثابتة أول الفترة + الإهلاك + القيمة الدفترية للأصول المباعة إن وجدت

يبقى الفكره بشوف الاضافات الى تمت على الاصول الثابته عن طريق الشراء نقدا ويتم استبعاد  الأصول المحولة من مشروعات تحت التنفيذ زى ما وضحنا واى اصل يتم شرائه بالاجل او الحصول عليه عن طريق غير نقدى يتم استبعاده  وتم شرحها بالتفصيل في حلقات  سابقة

متحصلات من بيع اصول ثابتة

 عندما يتم بيع أي أصل ثابت لابد وان يكون هناك ارباح او خسائر راسمالية من بيع الأصل،الأرباح والخسائر الرأسمالية ( يتم اضافتها او خصمها من صافى الربح قبل الضريبة فى بند التسويات فقط) والعبره الأساسية عندنا بالمبلغ المحصل فقط من بيع الأصل.

علشان نحسب المتحصلات من بيع الاصول الثابتة  بحسب القيمة الدفترية للأصول المباعة

القيمة الدفترية للأصول المباعة

=  رصيد الأصول الثابتة اول المده +الأصول المشتراة خلال الفترة -الاهلاك – رصيد الأصول الثابتة آخر المدة

المتحصلات النقدية من بيع أصول ثابتة

= القيمة الدفترية لأصول المباعه+ الأرباح الرأسمالية أو – الخسائر الرأسمالية

الرقم الى عندنا وهو 850000  جنيه وهذا يعتبر تدفق نقدى داخلى

طبعا فيه شركات بيكون فيها استثمارات وخصوصا الشركات المساهمة المدرجة في البورصة  وفيه شركات اخرى لا توجد لديها أى استثمارات.

التدفقات النقدية من الأنشطة التمويلية

زى ماقولنا الأنشطة التمويلية  خاصة بهيكل رأس المال والتمويل 

بالنسبه لقائمه المركز المالى فى المثال الى معانا

هنلاحظ انه مفيش اى تغيير فى راس المال المدفوع هو فى عام 2011 كان 110000000 مليون وفى عام 2012  نفس الرقم وبالتالى مفيش اى تدفق نقدى داخلى او خارجى.

التغير فى بنوك تسهيلات ائتمانية

دى معناها التسهيلات قصيرة الأجل وهى التى تكون ان الشركه عمل عقد تسهيلات مع البنك بقيمة معينة مينفعش تتجاوزها وتسدد وتاخد قرض ولكن فى حدود الرصيد المتاح ليها وطبعا الفوائد بتكون شغاله على القروض دى، طيب التغير ده معناه انه  الفرق بين المستلم من قروض وتسهيلات  قصيرة الاجل دى دى  والمدفوعات والمسدد من القروض دى خلال الفترة والفرق بينهم هو التغير، والافضل طبعا  انه يتم فصل القروض قصيره الاجل المستلمة والقروض المسددة.

يعنى اوضح  فى قائمه التدفقات النقدية

القروض قصيرة الأجل المستلمة خلال الفترة طبعا تدفق نقدى داخلى

القروض قصيرة الأجل المسددة خلال الفترة طبعا تدفق نقدى خارجى

هى فى المثال عندنا تدفق نقدى خارجى (3000000)  يخصم ضمن بنود الانشطة التمويليه

 مدفوعا سداد قروض طويلة الأجل

المدفوعات سداد القروض يعتبر تدفق  نقدى خارجى 

القروض المسددة

=  رصيد القروض اول الفتره + النقدية المستلمة من القروض خلال الفترة – رصيد القروض آخر الفترة

فى المثال اللى عندنا 

40000000+  صفر -25000000  =   15000000 مليون وده يعتبر تدفق نقدى خارجى

وطبعا  لو فيه  قروض مستلمة خلال الفترة بيكون  تدفق نقدى داخلى  نفس الفكره فى القروض قصيرة الأجل

 يبقى في النهاية وحسب المثال اللى معانا

صافى التدفقات النقدية من الأنشطة التشغيلية  وهو    35750000

صافى التدفقات النقدية من الأنشطة الاستثمارية  وهو  (6650000)

صافى التدفقات النقدية من الانشطة التمويلية   وهو    (18000000)

 الرقم  الى داخل  ()  ده معناه  تدفق نقدى خارجى

الخطوة الاولى جمع صافى التدفقات النقدية

 نجمع صافى التدفقات النقدية من كل نشاط  =   35750000+ (6650000) + ( 18000000)

وهو عبارة عن صافي التغير في النقدية وما في حكمها خلال الفترة   =   11100000

 الخطوة الثانيه رصيد النقدية

هنشوف رصيد النقدية أول الفترة  وما فى حكمها( الفتره اللى بنعمل عنها قائمة التدفقات النقدية)

فى المثال اللى عندنا  14000000

فى البدايه  هنشوف يعنى ايه النقدية وما فى حكمها

 النقدية هى النقدية بالخزينة فى الحسابات الجارية بالبنوك والودائع تحت الطلب والغير مقيدة مرهونة للبنك

حكم النقدية 

دى معناها اوراق مالية او تجارية تقدر الشركة تبيعها او تحويلها  الى نقدية بسهولة ومدة تحصيلها واستحقاقها اقل من 3 شهور واحتمال تعرضها لمخاطر التغيير فى قيمتها قليل

أمثلتها

أذون الخزانة - والأوراق التجارية - أذون صناديق الاستثمار فى الاوراق المالية

 أذون الخزانة

دى فكرتها ان الحكومه عن طريق البنوك تقترض من الشعب عن طريق انها بتصدر اذون خزانه واستحقاق الاذون دى بيكون من شهر الى 12  والأذون دى بتكون طبعا بفوائد ، ومضمونه على اعتبار أنها خاصة بالدولة وفى اى وقت لو الشركه عايزه تاخد قيمة الأذون تبيعها للبنك تانى وبالتالى فهى تعتبر في حكم النقدية.

الأوراق التجارية

دى غير الأوراق التجارية العادية بتكون فى الغالب فى امريكا واوربا  وهى بتكون بين شركات كبيرة ومؤسسات مالية و تكون متداولة في البورصة وهى تعتبر فى حكم النقدية لأن مدة أجلها اقل من 3 شهور

نرجع تانى للمثال الى معانا

صافى التغير في النقدية  خلال الفترة هو 11100000

+  رصيد  النقدية أول الفترة هو 14000000

= رصيد النقدية  وما في حكمها آخر الفترة هو 25100000

لازم رصيد النقدية وما في حكمها آخر الفترة  يساوي رصيد النقديه  الى موجود فى الاصول المتداولة في قائمة المركز المالى  وهو 25100000