مقالات

تطبيق نظام الاوامر الانتاجيه فى المستشفيات والمجمعات الطبيه

تم النشر بواسطة : mostafa sobhy
بتاريخ 06/03/2018

سوف نتحدث اليكم بالتفصيل عن تطبيق نظام الاوامر الانتاجيه فى المستشفيات والمجمعات الطبيه 

نشاط المستشفيات هو نشاط خدمى ومحاسبيا  بيتضمن بشكل أساسي على شقين 

شق مالى ودا بيتعلق  بالخدمات الطبيه  المقدمه للمرضى بمقابل مادى ,زى الكشوف الطبيه والتحاليل والاشعه وخدمات الرعايه ..وهكذا والنوع ده من الخدمات بياخد الدوره المحاسبيه العاديه فى اى نشاط خدمى وبثبت ايراد الخدمات المؤداه بقيد محاسبي زى اى عملية بيع.

10000من ح /العملاء_العميل.

5000الى ح ايرادات كشوف واستشارات طبيه.

5000الى ح ايرادات اشعه مقطعيه واشعة رنين.

شق تكاليفي ودا بيتعلق بشكل اساسي بالعمليات الجراحيه اللى بتقدمها المستشفى فى ضوء امكانياتها، ومن المفترض انه بيكون عندى حصر شامل بجميع انواع العمليات الجراحيه اللى ممكن المستشفى تؤديها ومكوده بشكل معين تمهيدا لعمل اوامر التشغيل بناءا على نوع العمليه المقدمه.

ازاى اطبق الاوامر الانتاجيه على العمليات الجراحيه؟

عشان نفهم الcycle مظبوط هنحتاج نطبقها من خلال القيود

 عند شراء الخامات"المستلزمات الطبيه زى الادويه واكياس الدم والادوات المختلفه"

10000ج من حساب مخزون الادوات الاستهلاكيه

10000ج من ح مخزون الادويه

50000 من ح مخزون المستلزمات الطبيه

250000ج الى ح المورد

قيد شراء الخامات فى برنامج ادارة المخازن

نظام الاوامر الانتاجيه فى برنامج محاسبة المخازن
 

ولحد دلوقت انا مااتكلفتش حاجه انا اشتريت مخزون عندى من ادواتى اللى بتسخدمها لممارسة نشاطى.

دورة التكاليف الفعليه هاتبدأ مع وجود  امر تشغيل" يعنى بداية العمليه الجراحيه"

عند صرف ادوات وادويه للعميله الجراحيه الخاصه بالمريض

10000 من ح امر تشغيل رقم...عملية جراحيه كود رقم.

الى مذكورين

5000ج ح مخزون الادويه

5000ج ح مخزون الادوات الطبيه

قيد تحويل الادويه من المخازن الى العمليه الجراحيه
نظام الاوامر الانتاجيه فى برنامج ادارة المخازن
وبكدا ولحد دلوقت العمليه الجراحيه دى للمريض ده اتكلفت 10000ج مستلزمات وادوية مختلفه.

 تحديد تكلفة الاجور للعملية الجراحيه

الاول لازم يكون فى اثبات لاستحقاق الاجور بتاعتنا للعاملين فى المستشفى :

150000ج من ح مصروف الاجور

150000ج الى ح اجور ورواتب مستحقه للموظفين

مع الاخذ فى الاعتبار التأمينات وضرائب كسب العمل

 ازاى تعمل قيد الاجور بشكل مظبوط وبسيط 

بعد مابتثبت استحقاق الاجور بتبدأ تحمل تكلفة الاجور دى على العمليه الجراحيه بناءا على عدد ساعات عمل الفئات اللى اشتغلت فى العمليه يعنى نشوف معدل اجر الساعه لدكتور التخدير كام ومعدل اجر الساعه لدكتور العمليه كام ومعدل اجر الساعه

للمرضين كام وهكذا وبناءا عليه بنشوف تكلفة العماله كام حسب عدد الساعات اللى استغرقتها العمليه الجراحيه وبثبت الكلام ده بالقيد ده:

10000ج من ح امر التشغيل رقم...عمليه جراحيه رقم .

10000ج الى حساب مصروف الاجور

خد بالك احنا كدا خفضنا مصروف الاجور وعشان كدا مش هايظهر معانا فى قائمة الدخل ولكن هايكون بمثابة تكلفة الخدمات المؤداه وليس مصروف

 تحديد تكلفة العمليه الجراحيه من المصروفات الاخرى manufacture overhead

المصروفات الاخرى زى اهلاكات  المعدات الطبيه وتكاليف التامين والضرائب العقاريه وغيرها

ومن المفترض تقدير حجم التكاليف الغير مباشره هاتكون اد ايه كل شهر وعلى اساسه بحملها او بوزعها على عدد الاوامر اللى عندى خلال الشهر ده

يعنى مثلا انا عارف انى بتكلف اجور غير مباشره شهريه للخشب ب20000ج فى الحاله دى بوزع التكاليف دى على الاوامر اللى عندى

المفروض انى بوزع التكاليف غير المباشره باستخدام اساس توزيع مناسب  وفى حالة الاجور غير المباشره ممكن استخدم الساعات الفعليه لكل عمليه جراحيه  كاساس للتوزيع بمعنى ان الامر 15 اخد 3 ساعات عم والامر16خد ساعتين عمل والامر 17

اخد ساعة عمل واحده و هنا نسب التوزيع هاتكون 1:2:3 ونبدأ نوزع تكاليف الاجور الغير مباشره بناءا على النسب دى .

وبثبت الحته دى بالقيد ده

2000ج من ح الامر رقم..عمليه جراحيه كود.

2000ج الى ح الاجور الغير مباشره

وقيس على كدا يامعلم باقى التكاليف غير المباشره ذى الاهلاكات والكهربا والمياه وغيرها وغيرها وكل عنصر بستخدمله اساس توزيع مختلف وفى النهايه بجمع نصيب الامر من التكليف دى ونفترض ان طلع 5000ج

وبكدا العملية الجراحيه بتاعتنا  كلفت المستشفى : 10000ج ادويه ومعدات و 10000 اجور الاطباء  و 5000ج نصيبها من المصروفات الاخرى (اجمالى 25000ج ) ومن هنا ابدأ اضع سياسة التسعير بتاعتى على التكلفه اللى انا  متكبدها فعليا للعمليه

دى يعنى لو انا بتارجت هامش ربح 30% يبقا هايتم تادية الخدمه بمقابل 32500ج

وبعد كدا بنثبت استحقاق ايراد الخدمه وتكلفتها بالقيدين دول:

25000ج من ح تكلفة الخدمات المؤداه

25000ج الى ح امر التشغيل رقم .

دا قيداثبات التكلفة

نييجى لقيد الايراد

32500 من ح العميل ..

32500 الى ح ايرادات خدمات العمليات الجراحيه

قيد الاجور والتكاليف غير المباشره:
نظام الاوامر الانتاجيه فى برنامج ادارة المخازن

وفى قائمة الدخل بيتم العرض بالشكل ده

32500 ايرادات خدمات

(25000) تكلفة الخدمات المؤداه

75000ج  مجمل الربح

يوفر برنامج محاسبه تكاليف التصنيع و ادارة المصانع التحكم الكامل بالعملية الإنتاجية من حيث الخامات، التكاليف و حتى تسعير الأصناف و السلع المنتجة يتيح لك برنامج التصنيع تخطيط عمليات الإنتاج المتوقعة أو طلبات العملاء الجديدة، من خلال تحليل الوقت والخامات المطلوبة والمتاحة،كما يعطيك تحكم ممتاز لأرصدة الخامات والمنتجات بالمخازن.

التعليقات

06/03/2018
احمد
ممتاز
الرد بواسطة : Mahmoud Ali
نتمنى ان نكون عند حسن الظن
08/03/2018
MAHMOUD
ماهى طرق توزيع التكاليف غير المباشره لو سمحت
الرد بواسطة : Mahmoud Ali
يتم توزيع التكاليف الغير مباشره على المنتجات او الاوامر الانتاجيه على حسب استفاده كل منتج او امر انتاجى من التكلفه واعتقد ان انسب اساليب التوزيع واكثرها عداله هى طريقة التوزيع على أساس النشاط ABC وسنتطرق لها قريبا ان شاء الله فى مقال مستقل
08/03/2018
حسام السيد
ممتاز
الرد بواسطة : Mahmoud Ali
نتمنى ان نكون عند حسن الظن

اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *