سوف نستعرض لكم بالتفصيل قائمة التدفقات النقدية من الانشطة الاستثمارية
شرحنا فى الحلقات السابقة قائمة التدفقات النقدية الناتجة من الانشطة التشغيلية وايضا موضوع التسويات على البنود النقدية والغير نقدية للإيرادات و للمصاريف
وفى حلقة اليوم هنشوف مع بعض قائمة التدفقات النقدية من الانشطة الاستثمارية، زى ماقولنا قبل كده انه الاختلاف بين الطريقة المباشرة والطريقة الغير مباشرة فى كيفية عرض بنود التدفقات النقدية التشغيلية انما طريقة عرض بنود التدفقات النقدية الاستثمارية و التمويلية بتكون واحدة سواء فى الطريقة المباشرة او الغير مباشرة.
الأنشطة الاستثمارية الناتجة من قائمة التدفقات النقدية
الانشطة الاستثمارية دى خاصة بمجموعة أصول ثابتة سواء كانت الشركة بتشتريها أو كانت تبيعها ، وايضا استثمارات الشركات فى شركات تانية سواء كانت استثمارات فى شركات شقيقة أو شركات تابعة او حتى اى استثمارات أخرى باستثناء الاستثمارات بغرض المتاجرة تدرج ضمن الأنشطة التشغيلية.
أولا: الأصول الثابتة وقائمة التدفقات النقدية
اهم حاجه فى موضوع الاصول الثابته واحنا بنعمل قائمه التدفقات النقديه هى التحصيلات اوالمدفوعات النقدية للأصول الثابتة سواء فى حاله الشراء او البيع ، وبالتالي الشراء بالاجل او بيع بالاجل او ارباح او خسائر رأسمالية مش معانا فى التدفقات النقدية من الأنشطة الاستثمارية دى كنا عملنا عليها تسويات على صافى الربح قبل الضريبة .
تركيزنا كله على النقدية المدفوعة أو المحصلة فقط
المتحصلات من بيع أصول ثابتة
ممكن تجيبها من برنامج الحسابات الى عندك فى شركتك (لو حركه البيع او الشراء للاصول قليلة انما لو الشركه كانت باعت أصول ثابتة كتيره فى مرحلة التصفية ) أواشترت اصول ثابتة كتيره (مرحلة بداية الشركه)
علشان نحسب المتحصلات من بيع الاصول الثابتة اول حاجه لازم نحسب
1- القيمة الدفترية للأصول المباعة
= رصيد الأصول الثابتة اول المدة +الأصول المضافة خلال الفترة -الإهلاك – رصيد الأصول الثابتة آخر المدة
2- المتحصلات النقدية من بيع أصول ثابتة
= القيمة الدفترية لأصول المباعه+ الأرباح الرأسمالية أو الخسائر الرأسمالية
طريقه ثانيه: تروح لجدول الأصول الثابتة ونشوف استبعادات الأصول بكام ونطرح منها مجمع الاهلاك للاصول المستبعدة هنحصل على صافى القيمة الدفترية للأصول
لو عندك أرباح رأسمالية يبقى معنى كده انه المبلغ المحصل اكبر من القيمة الدفترية للأصول
وبالتالى مضيف الربح الراسمالى على القيمة الدفترية وبكده نقدر نعرف المتحصل من بيع الأصول الثابتة
ولو فى خسارة راسمالية يبقى نطرح قيمة الخسارة من القيمة الدفترية
فى مثال عملى لشركة هنشرح فيه القائمة بالكامل ونطبق على الشرح
المدفوعات لشراء الأصول الثابتة
علشان نحسب المدفوعات النقدية لشراء الأصول، ده ممكن يكون عن طريق برنامج الحسابات العامه ده فى حاله ان الاصول التي تم شرائها كانت بسيطه وممكن تحسب قيمتها بسهوله عن طريق بنشوف الاضافات الى تمت فى الشركه على الأصول الثابتة ، واستبعد منها المشروعات تحت التنفيذ إلى اكتملت وتحولت لأصل ثابت لانها تعتبر معاملة غير نقدية.
ويستبعد منها ايضا الأصول الموجزة تمويليا ده فى حاله المعيار الدولي لأنها تعتبر معاملة غير نقدية (بتكلم على الجزء الغير مدفوع من قيمة الأصل) وايضا الأصول التى تم شرائها بالاجل لأن العبرة عندي المدفوعات النقدية للأصول الثابتة في معادله ممكن نستخدمها فى حساب المدفوعات لشراء الأصول الثابتة.
تكلفة شراء الأصول الجديدة
= رصيد الأصول الثابتة آخر الفترة – رصيد الأصول الثابتة أول الفترة + الإهلاك + القيمة الدفترية للأصول المباعة إن وجدت
بالنسبة لموضوع الأصول المشتراة خلال الفترة
هو طبعا فى الايضاح او الكشف المجمع للأصول الثابتة بيكون عندنا بند الإضافات التي تمت خلال الفترة على الأصول الثابتة
الاضافات بتكون اما شراء أصل جاهز سواء شراء نقدي وهو ده الاساس اللى بنشتغل عليه
الشراء الآجل من مورد أصول ثابتة (معاملة غير نقدية)
او بتكون عن طريق محول من مشروعات تحت التنفيذ (معاملة غير نقدية)
او عن طريق منحه او تبرع من مساهمي الشركة (معاملة غير نقدية)
اى حاجه بتتكلم عليها فى التدفقات النقدية بتكلم من جزئيه التحصيل والدفع يعنى العملية المرتبطة بدفع أو الحصول على نقدية يعنى لو تمت عملية البيع أو شراء الاصل بدون نقديه او اجل ملناش دعوه ونفس الكلام الارباح أو الخسائر الرأسمالية نتيجة بيع الاصل.
مشروعات تحت التنفيذ
اى مبالغ نقدية صرفها على المشروعات تحت التنفيذ تدرجه فى بند واحد مدفوعات على مشروعات تحت التنفيذ فى بند الأنشطة الاستثمارية
ولكن المحول من مشروعات تحت التنفيذ الى الاصول الثابته بعد اكتماله يصبح معاملة غير نقدية ولم يتم ذكره فى قائمة التدفقات النقدية الاستثمارية
لأنه حركة داخلية من حساب الى اخر لم يترتب عليه أي حركة على النقديه
عند اعداد قائمة التدفقات النقدية فالافضل تكون المدفوعات لشراء الأصول الثابتة فى بند
وايضا المدفوعات لمشروعات تحت التنفيذ فى بند منفصل
علشان اى حد يقرا القائمة يبقى عارف استثمارات الشركة فى الأصول الثابتة كام وفى مشروعات تحت التنفيذ كام
ممكن لو فى حسابات بشكل منظم وفى تحليلات للحسابات بشكل دقيق تقدر تعرف المتحصلات النقدية من بيع الاصول الثابتة أوالمدفوعات لشراء الاصول الثابته او انشاء مشروعات تحت التنفيذ.
اعداد قائمة التدفقات النقدية الاستثمارية
النوع الثانى الخاصة بالتدفقات النقدية الاستثمارية وهى الاستثمارات أول بند من بنود الاستثمارات
استثمارات بغرض المتاجرة وهي قائمة التدفقات النقدية من الأنشطة التشغيلية
النوع ده من الاستثمارات تكون فكرته انه الشركة تستثمر فى النوع ده من الاستثمارات بغرض المضاربة يعنى تشترى وتبيع فى اوقات قليلة
إنما الاستثمارات المتاحة للبيع أو الاستثمارات المحتفظ بها حتى تاريخ الاستحقاق زى السندات ده بيكون ضمن بنود التدفقات النقدية من الانشطة الاستثمارية
ملحوظه مهمه
الشركة تستثمر في شركات تانيه او في استثمارات أخرى
فهى بتجيلها اما توزيعات أرباح في حالة استثمارات متاحة للبيع
أو فوائد في حالة الاستثمارات المحتفظ بها حتى تاريخ الاستحقاق
وتوزيعات الأرباح والفوائد لما الشركه بتستلمها ده بيكون تدفق نقدى داخلى ضمن الأنشطة الاستثمارية وايضا لما الشركه تبيع الاستثمارات وتحصل قيمة البيع ده يعتبر تدفق نقدى داخلى
ولكن فى حاله شراء الاستثمارات ده يعتبر تدفق نقدى خارجى يخصم ضمن قائمة التدفقات النقدية الاستثمارية
جزئيه مهمه
تقييم الاستثمارات في نهاية الفترات المالية وسواء فيه ارباح او خسائر رأسمالية
ده مالوش اى تأثير على التدفقات النقدية من الانشطة الاستثمارية
كل الفكره انه هيدخل ضمن بند التسويات على صافى الربح قبل الضريبة
لانه سواء ارباح او خسائر فده يعتبر غير نقدى
نفس الكلام برضه فى حالة بيع الاستثمارات وسواء كان فيه خسارة أو مكسب ده مش هيفرق معانا فى بنود قائمة التدفقات النقدية من الأنشطة الاستثمارية
لانه العبره عندنا بالمحصل او المدفوع نقدا نفس الفكره بتاعه الأصول الثابتة
ممكن نحسب قيمة المتحصلات والمدفوعات للاستثمارات بسهولة من تحليلات الحسابات
ولكن برضه ممكن نحقق الرقم من المعادلة
المتحصلات من بيع الاستثمارات
نحسب الأول القيمة الدفترية للاستثمارات المباعة
= رصيد الاستثمارات أول الفترة+ تكلفة شراء استثمارات جديدة – رصيد الاستثمارات آخر الفترة
المتحصلات من بيع الاستثمارات
= القيمة الدفترية للاستثمارات المباعة+ أرباح بيع الاستثمارات أو- خسارة بيع الاستثمارات
المدفوعات لشراء استثمارات
= رصيد الاستثمارات آخر الفترة- رصيد الاستثمارات أول الفترة – تكلفة الاستثمارات المباعة
ملحوظه هامه
لو الشركه هتدى قرض لشركة تابعة أو شقيقة ده يعتبر نوع من أنواع الاستثمارات
تدفق نقدى خارجى ولو هتستلم قرض من شركة قابضة أو شقيقه فده يعتبر تدفق نقدى داخلى
فوائد الودائع البنكية
فوائد الودائع البنكية يفضل وضعها ضمن النشاط الاستثمارى ولكن البعض ممكن
طبعا فوائد الودائع فى ناس بتحطها تشغيلي بس هو الافضل تكون ضمن النشاط الاستثمارى
دى كل الأفكار الخاصة بالنشاط الاستثماري
تحليل قائمة التدفقات النقدية من الانشطة الاستثمارية
اذاكان هناك صافى تدفق نقدى موجب كبير فان معنى ذلك ان الشركة قامت بالتخلص من الأصول الثابتة مما يؤدى الى انخفاض الطاقة الانتاجية للشركة في المستقبل أو تخلصت من استثمارات مالية لها مما يؤدي إلى منع الشركة من الحصول على عوائد فى المستقبل والعكس في حالة التدفق النقدى السالب يشير الى قيام الشركة بالتوسع في الإنفاق الاستثمارى والاستثمارات المالية مما يؤدى إلى زيادة العائد على الإنتاج وعلى الفوائد والأرباح التى تحصل عليها الشركة من استثماراتها فى المستقبل
ده فكرة مبدئية عن تحليل التدفقات النقدية من الانشطة الاستثمارية
التدفقات النقدية الأنشطة التمويلية
هى بتكون خاصه باى نشاط تمويلي والتمويل ينقسم الى جزئين
تمويل عن طريق القروض وتمويل عن طريق الملكية
التمويل عن طريق القروض بيشمل اما قروض قصيرة الاجل واما قروض طويلة الأجل
طبعا لما تستلم قروض ده بيكون تدفق نقدى داخلى والعكس لما تسدد قروض بيكون تدفق نقدى خارجى
وايضا زيادة رأس مال الشركة عن طريق إصدار أسهم استلام نقدية ده يعتبر تدفق نقدى داخلى ضمن الأنشطة التمويلية أيضا لما شركتك تصدر سندات نفس النظام لما تستلم بيكون تدفق نقدى داخلى ولما تدفع السندات بيكون
تدفق نقدى خارجى إنما فوائد السندات زى فوائد القروض تعتبر ضمن النشاط التشغيلي
توزيعات الأرباح المدفوعة تعتبر ضمن النشاط التمويلي تقريبا ممكن تخليها تشغيلي المعيار الامريكى فى كده
على اعتبار أنه يبرهن على قدرة الشركة أنها توزع أرباح للمساهمين من النشاط التشغيلي بتاعها
الفكره كلها فى الثبات فى تسجيلها ضمن اى نشاط سواء تمويلي أو استثماري
تحليل التدفقات النقدية من الأنشطة التمويلية
قائمة التدفقات النقدية من الانشطة التمويلية تبين أنواع مصادر التمويل المختلفة بالشركة خلال العام هل هو تمويل بالملكية اسهم عادية ام تمويل بالدين قروض وسندات وماهو مقدار النقدية المتحصل منها وهل قامت الشركة بسداد القروض من التسهيلات قصيرة الأجل والمستحق من القروض طويلة الأجل.
أضف تعليقاً