قائمة التدفقات النقديه من النشاط التشغيلى

خلصنا فى الحلقة السابقة الجزء الاول من المثال العملى على قائمه التدفقات النقدية وفى حلقة النهاردة هناخد بنود النشاط التشغيلى ( بنود راس المال العامل ) وهنشوف مع بعض ازاى نحسب التغير فى الارصده وهل هو تدفق نقدى داخلى او خارجى، وهيكون معانا فى المثال قائمه المركزالمالى وطبعا قائمه التدفقات النقدية وفى الحلقة التالية ان شاء الله هنشوف قائمة التدفقات النقدية للانشطة الاستثمارية والتمويلية. 

قائمة المركز المالي 2012

قائمة التدفقات النقدية المستقلة عن السنة المنتهية 2012

توضيح بنود النشاط التشغيلى بقائمة التدفقات النقدية 

المخزون

لكي احسب التغير فى المخزون واشوفه هل تغير نقدى داخلى او خارجى، بنقارن بين رصيد المخزون في الفترة المالية الحالية مع الفترة السابقة  وده هيكون عن طريق قائمة المركز المالى زي ماهو موضح في المثال .

لولاحظنا رصيد  المخزون في نهاية العام 25750000 وفى العام الماضى 18000000

معني ذلك رصيد المخزون زاد يعنى الشركة عندها جزء من رصيد مخزون العام الماضى لم يتم بيعه وبالتالى ده يعتبر تدفق نقدى خارجى على العكس لو كان رصيد المخزون فى الفترة الحالية اقل من الفتره السابقه ده معناه انه تدفق نقدى داخلى 

فى المثال اللى عندنا يبقى فيه تدفق نقدى خارجى7750000   (25750000-18000000) 

  يخصم ضمن بنود الانشطة التشغيلية كما هو موضح  بالقائمة

عندنا نقطه مهمه وهي انه رصيد المخزون والذى يظهر فى قائمة المركز المالى هو رصيد المخزون بعد خصم الانخفاض فى قيمة المخزون إن وجدت وبالتالى عند اعداد قائمة التدفقات النقدية بناخد إجمالي رصيد المخزون الى موجود فى ميزان المراجعه يعني قبل الانخفاض فى قيمة المخزون

العملاء وأوراق القبض

بصفة عامة فى حالة زيادة أرصدة العملاء فى الفترة الحالية عن الفتره السابقه ده معناه ان فيه مبيعات خلال الفترة لم يتم سداد قيمتها، علاوة على مبيعات من الفترة السابقة لم يتم سدادها ولذلك يجب خصم الزيادة من صافى الربح عند عمل التدفقات النقدية، يعنى  يعتبر تدفق  نقدى خارجى يخصم  ضمن بنود التدفقات النقدية من الأنشطة التشغيلية ، والعكس لو رصيد  العملاء خلال الفترة أقل من رصيد العملاء فى الفتره السابقه ده معناه انه فيه تدفق نقدى داخلى يضاف الى بنود التدفقات النقدية التشغيلية.

لو روحنا عند قائمه المركز المالى  كما هو موضح

رصيد العملاء  فى عام 2012   27500000

رصيد العملاء فى عام 2011   14000000

ده معناه انه  فيه تدفق  نقدى خارجي بقيمة  (13500000)  يخصم ضمن  بنود التدفقات النقدية التشغيلية

الارصده المدينه الاخرى

مبدئيا دى معناها مبالغ دفعتها لاشخاص او هيئات كدفعات مقدمة أو كسلف او مقابل خدمات لسه الطرف الثاني لم يقوم بتوريد الخدمة لصالح الشركه والأمثلة على الارصدة المدينة الأخرى زى ، مصروفات مدفوعة مقدمة غطاء خطابات الضمان  و تأمينات لدى الغير  والمستحق من أطراف ذو علاقة ( مبالغ مستحقة لشركتك لدى شركات شقيقة)  او ايرادات مستحقة للشركة سيتم شرحها بالتفصيل ، دلوقتى الارصده المدينه الاخرى تعتبر اصل متداول ، لو رصيد الارصده المدينه الاخرى زاد فى الفترة الحالية مقارنة بمثيله فى الفتره السابقه ده معناه ان فيه تدفق نقدى خارجى، وده بيخصم من صافى الربح فى قائمة التدفقات النقدية التشغيلية .

فى المثال اللى عندنا  رصيد الأرصدة المدينة الأخرى فى عام  2012 بلغ  1050000 وفى عام 2011 بلغ 1250000

ده معناه انه نقص بقيمة  200000

ده معناه انه فيه تدفق نقدى داخلى بلغ  200000 جنيه يضاف ضمن قائمة التدفقات النقدية  التشغيلية

 الموردين أوراق الدفع

الموردين أوراق الدفع وعلاقتهم بالتدفقات النقدية، لما رصيد الموردين فى العام الحالى يزيد عن العام الماضى معنى كده انى انا اشترت مخزون ولم يتم السداد ،وده يعتبر تدفق نقدى داخلى  لانه معناه انه تم دخول البضاعه مخزن الشركة  وممكن تكون باعتها  وسددت قيمتها لغاية دلوقتى.

دى يعنى ببساطه فكرة التغير فى ارصده الموردين ،والعكس لو رصيد المورد قل في الفترة الحالية مقارنة بالفترة السابقة ده معناه ان الشركة دفعت فلوس البضاعة وده يعتبر تدفق نقدى خارجى.

طيب نبص على المثال بتاعنا

رصيد الموردين واوراق الدفع فى عام 2012  بلغ 30000000 جنيه

رصيد الموردين أوراق الدفع فى عام 2011 بلغ 22000000 جنيه

ده معناه انه الرصيد نقص

وبالتالى يبقى فيه تدفق نقدى داخلى =

=30000000 - 22000000   =   8000000

لو روحت قائمه التدفقات النقديه هتلاقى الرقم كده 8000000 جنيه

يضاف ضمن بنود الانشطة التشغيلية

دور المخصصات

فرضا لما بنكون مخصص وليكن قضايا متنازع عليها بمليون جنيه فالقيد بيكون

         1000000 من حـ/ مصروف قضايا متنازع عليها

1000000 إلى حـ/ مخصص قضايا متنازع عليها

 طيب فرضا المحكمة حكمت عليه بالغرامة  القيد هيكون

700000 ح/ مخصص قضايا متنازع عليها

700000 ح/ الدائنون – إلى رفع عليك القضية

وطبعا لما تسدد القيد

700000 ح/  الدائنون

700000 ح/ البنك

طيب يبقى المستخدم من المخصصات يعتبر تدفق نقدى خارجى ضمن الأنشطة التشغيلية

فى المثال اللى عندنا هنلاقى المستخدم من المخصصات هو 700000  وده  يعتبر تدفق نقدى خارجى يخصم ضمن بنود الأنشطة التشغيلية

الدائنون

الدائنون هو اى مورد خدمة يورد لخدمة  وهو ده الفرق بين الدائنين والموردين ،أن المورد هو الى  بيور دلى خامه بتدخل خامه مخزني  إنما الدائنون هو بيعمل خدمه او بيورد الأصل.

الأرصدة الدائنة الاخرى

المستحق على الهيئات الضرائب بأنواعها

قيمة مضافة و كسب العمل و الخصم والتحصيل و الدمغة

وهيئة التأمينات الاجتماعية

والمصروفات المستحقة عليا الى تخص الفترة الحالية

والفوائد المستحقة

و تأمينات للغير

دائنو توزيعات أرباح

والمستحق للدائنين

والمستحق أطراف ذو علاقة  ( مبالغ  مستحقة لشركات شقيقه)

لكي احسب التغير فى الدائنون والارصدة الدائنة الاخرى ونعرف هل هناك تدفق نقدى داخلى او خارجى

لو رصيد الدائنين والارصدة الدائنة الاخرى زاد فى الفترة الحالية عن الفترة الماضية يبقى معناها انه الِشركه مدفعتش نقدية وبالتالى يكون فيها تدفق نقدى داخلى  والعكس لو الرصيد قل ده معناه انى دفعت جزء من الالتزامات العليا للشركة وبالتالى يبقى ده تدفق نقدى خارجى

نرجع لقائمة المركز المالي والتدفقات النقدية بتاعتنا

رصيد الارصدة الدائنة الأخرى

2012   بلغت  1650000  جنيه

2011  بلغت 1450000 جنيه

ده معناه انه فيه تدفق نقدى داخلى بقيمة 200000 جنيه يضاف ضمن بنود قائمة التدفقات النقدية التشغيلية

المصروفات التمويلية

المصروفات التمويلية زى ماقولنا انها  بتضاف فى بند التسويات على صافى الربح قبل الضريبة علشان نشيل أثرها من صافى الربح  ويعد كده بنرجع وخصمها تانى فى بنود الأنشطة التشغيلية تدفق نقدى خارجى وممكن يتم وضعها ضمن الانشطة التمويلية ولكن بشرط الثبات يعنى مينفعش يتم وضعها السنه دى فى التمويلية والسنه القادمه فى التشغيلية.

الشركات تضع المصروفات التمويلية ضمن الأنشطة التشغيلية لما تكون فيه نقدية متوافرة من النشاط التشغيلي علشان اى حد يقرا القوائم يعرف ان نشاطها التشغيلي جيد ويمكنها من سداد الفوائد التمويلية ، يبقى هنا خصم  قيمة المصروفات التمويلية ضمن بنود الأنشطة  التشغيلية  كما هو موضح بقائمة التدفقات النقدية وهي قيمة (1750000)

 ضرائب الدخل المدفوعة

ضريبة  الدخل المدفوعة  تعتبر ضمن بنود الانشطة  التشغيلية  وتعتبر طبعا تدفق نقدى خارجى يخصم ضمن بنود التدفقات النقدية من الانشطة التشغيلية  وهى بتكون ضمن الارصدة الدائنة الاخرى.

لكي تحسب ضريبة الدخل  المدفوعة زى ما وضحنا سابقا

ضريبة الدخل المدفوعة هي ضمن الأنشطة التشغيلية بتتحسب كالاتى

ضريبة الدخل المدفوعة هي ضمن الأنشطة  التشغيلية  بتتحسب كالاتى

 ضريبة المستحقة أول الفترة  بالمركز المالى + الضريبة الجارية من قائمة الدخل عن الفترة الحالية – رصيد الضريبة المستحقة اخر الفترة  بالمركز المالى  = الضريبة المسددة المدفوعة

فى المثال الى عندنا ضريبة الدخل المدفوعة  بلغت 1250000

وهى تدفق  نقدى خارجى  يخصم ضمن بنود الانشطه الشتغيليه