كيفية عمل قائمة التدفقات النقدية بالامثلة

الحلقه ديه دى يكون ميعادنا مع مثال عملى على كيفية عمل قائمة التدفقات النقدية ونتناول المثال على مجموعه حلقات متوالية وفى كل حلقة هناخد جزء من القائمة والحلقة دى هناخد البنود الغير نقدية.

لكي نعمل قائمة تدفقات نقدية بالطريقة الغير مباشرة وهي الطريقة المستخدمة فى الواقع العملى بشكل كبير لازم يكون عندنا قائمه الدخل عن الفترة التى سوف يتم اعداد قائمة التدفقات النقدية عنها وايضا لابد من توافر قائمه المركز المالى للشركة عن فترتين (الفترة الحالية والفترة السابقة)

فى الحلقة دى هنشتغل على بنود قائمة الدخل والاثر بتاعها على قائمة التدفقات النقدية وفى الحلقات التاليه هنكمل بنود قائمة التدفقات النقدية.

قائمة الدخل المستقلة عن السنة المنتهية في 2012

قائمة التدفقات النقدية المستقلة عن السنة المنتهية 2012

اولا كيفية عمل التسويات فى قائمة التدفقات النقدية 

زى ماقولنا فى الحلقات السابقة أنه بنبدا برقم صافى الربح قبل الضريبة ،الى بيكون موجود فى قائمه الدخل  الرقم  ده كان 36150000 ، وهو ده اول  رقم  معانا فى قائمة التدفقات النقدية وهنبدا نعمل تسويات على الرقم ده بحيث انه يتم استبعاد كل البنود الغير نقدية سواء كانت ايرادات او مصروفات

اهلاك الاصول فى قائمة الدخل 

 كلنا عارفين انه الاهلاك ده يعتبر مصروف ولكن مصروف غير نقدى وبالتالى،هنضيف الى صافى الربح قبل الضريبة  زي ماهو موضح بالقائمه وهو 10500000  وطبعا مصروف الاهلاك ده بيكون فى قائمة الدخل وبيكون عباره عن إهلاك صناعى خاص بالإنتاج وإهلاك تسويقي خاص بالأصول المستخدمه فى المبيعات والإهلاك الادارى وهو الخاص بأصول الإدارة ،الى يخصنا دلوقتى انه نكون عارفين انه مصروف الاهلاك يضاف الى صافى الربح قبل الضريبة لأنه مصروف غير نقدي.   

الأصول الغير ملموسة

الأصول الغير ملموسة هي أصول عينية زى حقوق النشر والعلامة التجارية وليس لها وجود مادى وهى نفس فكرة الأصول الثابتة بيكون ليها استهلاك، وطبعا مصروف الاستهلاك  (والإطفاء ) بتاع الاصول الغير ملموسة يضاف في قائمة التدفقات النقدية في بنك التسويات  باعتباره، مصروف غير نقدى والرقم  الى عندنا هو 50000 والرقم ده  طبعا  بيكون موجود فى قائمة الدخل كمصروف.

المصروفات التمويلية

 المصروفات التمويلية ( الفوائد الخاصة بالقروض والتسهيلات )  دى طبعا موجوده في قائمة الدخل كبند منفصل مصروفات  بقيمة (1750000)، بالرغم من انها تكون مدفوعة فعلا  ولكن احنا ونضيفها فى بند التسويات على صافى الربح قبل الضريبة علشان نشيل الأثر بتاعها من صافى الربح قبل الضريبة

لكي تكون معانا  ضمن بنود الانشطة التشغيلية أو الاستثمارية، حسب سياسه الشركه والافضل وفى الغالب لما الشركات بتعمل تدفقات نقدية تشغيلية عالية بتحط المصروفات التمويلية ضمن النشاط ده علشان اى حد مستفيد من القوائم المالية زى المستثمرين يعرف ويقرأ ان الشركه عامله تدفقات نقدية من النشاط التشغيلي بتاعها  عالى جدا تقدر من خلاله أنها تدفع المصروفات التمويلية بتاعتها  بمعنى تانى ان الشركة قادرة من خلال نشاطها التشغيلي دفع التزاماتها.

ودى نقطه مهمه تكون فى صالح الشركة  وبتديها باور أمام البنوك ولما نروح للقائمة دى هنلاقى انه تم اضافه 1750000 الى صافى الربح  قبل الضريبة،وهو نفس الرقم الى هنرجع نخصمه تانى ضمن بنود الانشطة التشغيلية باعتباره  تدفق نقدى خارجى  زى ما هنشوف فى الحلقة التالية

 الانخفاض في الأصول

البند اللى بعده وهو الاضمحلال فى قيمة الأصول

اضمحلال الأصول بيكون الاصول المتداوله زى  المخزون -  العملاء - الاستثمارات

هو انه القيمة الدفترية لأصول تكون مسجلة في الدفاتر بقيمة أعلى من القيمة الاستردادية  او القيمة الحالية للتدفقات النقدية المستقبلية الناتجة عن الاصل ده أيهما أكبر،وفى الحاله دى يعتبر الأصل المالى يعتبر مضمحل والفرق ده يعتبر مصروف يخصم فى قائمه الدخل ولكن هو مصروف غير نقدى وبالتالى يتم اضافته الى تسويات  صافى الربح قبل الضريبة باعتباره مصروف غير نقدى.

اشهر انواع الانخفاض في الأصول  - هو الانخفاض فى العملاء ( مخصص الديون المشكوك فى تحصيلها)

قائمة الدخل هنلاقى قيمة الاضمحلال في الأصول 2750000  والرقم ده هيتم اضافتها الى قائمة التدفقات النقدية في بنك التسويات على صافى الربح قبل الضريبة لأنه مصروف غير نقدي ولو مثلا تم رد الانخفاض أو جزء منه  فى المبلغ الذى سوف يتم رده يتم خصمها من صافى الربح قبل الضريبة لأنه إيراد غير نقدى

دور المخصصات فى قائمة التدفقات النقدية 

عند تكوين المخصص القيد بيكون

 من حـ /  المصروف بتاع المخصص

 الى حــــ /  المخصص

و المصروف ده مصروف غير نقدى يخصم فى قائمه الدخل ويضاف فى بند التسويات على صافى الربح قبل الضريبة باعتباره مصروف غير نقدى، وقيمة المخصصات  المكونة خلال العام ده  وكما هي ظاهرة معانا فى قائمة الدخل 1250000  جنيه  ولو بصينا على قائمة التدفقات النقدية هنلاقى الرقم  تمت اضافته فى بند التسويات، المخصصات  المكونة  خلال العام  تعتبر مصروف  فى قائمة الدخل ويتم إضافته في قائمة التدفقات النقدية لأنه مصروف غير نقدى ،انما رصيد  المخصصات ( حساب المخصص )  ده يعتبر ضمن الالتزامات  الى حين ان يتم تسويته سواء بالاستخدام او بالرد ،ولو مثلا تم رد المخصص أو جزء منه  فى المبلغ الذى سوف يتم رده يتم خصمها من صافى الربح قبل الضريبة لأنه  فى الحالة دى يعتبر إيراد غير نقدي.

فروق تقييم العملة

المعيار بيقول ان فروق تقييم العملة الغير محققة لا يحتسب لها تدفقات نقدية  وبالتالى يتم عمل تسوية لها فى صافى الربح قبل الضريبة

فى قائمه الدخل فروق عمله دائنه (ايراد) 350000 الف  لازم نكون عارفين هل فروق العمله دى محققة أم غير محققة  لانها لو محققة لن يكون لها اى تاثير على قائمة التدفقات النقدية سواء كانت فروق عمله مدينة أو دائنة، انما لو كانت غير محققه  سواء كانت كلها أو جزء منها  - ففى الحالة دى الغير محققة يتم اضافتها او خصمها من صافى الربح قبل الضريبة باعتبارها غير محققة ( تم شرح المحقق والغير محقق في حلقة سابقة).

عندنا فى قائمه الدخل 350000 فروق عملة غير محققة وفي التدفقات النقدية كانت (150000)، ده معناه انه فيه 150000 فروق عملة دائنه غير محققة وبالتالى يتم خصمها من صافى الربح قبل الضريبة باعتبارها إيراد غير محقق - ولو عندى فروق العملة مدينه غير محققة يتم اضافتها الى صافى الربح قبل الضريبة.

احنا كده عملنا تسوية للبنود الغير نقدية والتسوية كانت على صافى الربح قبل الضريبة  فى الحلقة التالية هنشتغل على البنود الخاصة بالنشاط التشغيلى ( التغيرات فى راس المال العامل) 

وهنشوف التدفق النقدى الداخلى او الخارجى  

وهيكون معانا قائمه المركز المالى للشركه ونكمل عناصر قائمه التدفقات النقدية