الإفصاحات عن المخصصات والالتزامات والأصول المحتملة

تم النشر بواسطة Mahmoud Emad
تاريخ النشر 2019 July 16

الإفصاحات عن المخصصات والالتزامات والأصول المحتملة

الإفصاحات عن المخصصات والالتزامات المحتملة والأصول المحتملة فى المركز المالى، طيب طبعا لازم نعمل افصاحات عن المخصصات، احنا طبعا المخصصات بتظهر فى المركز المالى فى الالتزامات حسب طبيعتها التزام قصير الاجل إذا كان  سيتم تسويتها خلال عام، او التزامات طويلة الاجل اذا كان سيتم تسويتها  خلال أكثر من عام، وتظهر فى قائمة الدخل وفى قائمة التدفقات النقديه زى ماتم شرحها.

كيفية الإفصاح عن المخصصات والالتزامات والأصول المحتملة 

رصيد المخصصات بأنواعها

مخصص مطالبات حكومية

مخصص قضايا

اى كان اسماء الحسابات في الدليل

الرصيد الإجمالي فى الاستاذ العام الى بيروح ميزان المراجعة وليكن 750000، حضرتك فى الإيضاحات بتكون موضح كل حساب فى المخصصات والحركة الى تمت مثلا اسم المخصص رصيد أول الفترة المكون خلال العام المستخدم خلال العام ، الرصيد؛ وهكذا بيكون فى شكل جدول.

اسم المخصص فى الحساب

رصيد أول الفترة للمخصص ده، المكون خلال العام لو انا زودت قيمة المخصص نتيجة للتقدير الجديد او لو مخصص جديد المستخدم خلال العام لو الشركة صرفت منه جزء خلال الفترة.
الرصيد: وهو رصيد المخصص فى نهاية الفترة المالية  طبعا اجمالى الرصيد هو الى هيظهر فى الميزانيه.

ما هى المعادله المحاسبية

رصيد المخصص اول الفتره + المكون خلال الفترة _ المستخدم خلال الفترة

=  الرصيد فى نهاية الفترة  المالية

خسائر التشغيل المستقبلية لا ينطبق عليها  تعريف الالتزام وبالتالى لا يجوز الاعتراف بها كمخصص.

المعيار الدولى للمخصصات هو معيار رقم 37 يشترط أنه يتم الاعتراف بالتعويض فقط عندما يكون من المؤكد فعليا انه المبلغ هيتم استلامه  ولو محتمل فقط انه يستلمه يتم الاعتراف به كأصل محتمل.

المخصصات والضرائب المكونة فى قائمة الدخل 

كلنا عارفين انه الضرائب لا تعترف الا المصروفات المؤيده مستنديا، وبالتالي الضرائب لا تعترف بالمخصصات المكونة في قائمة الدخل لأنه لا يعتبر فى هذه الحالة مصروف حقيقى الا لما المخصص يبقى التزام فعلي على الشركه ويتم استخدامه يبقى المخصصات المكونة خلال العام

يعتبر من التكاليف الغير واجبة الخصم ويرد الى الوعاء الضريبى

يعنى الوعاء الضريبي : رقم صافى الربح فى قائمه الدخل يضاف إليه  قيمة المخصصات المكونه

وهو ده معناه  رد الوعاء الضريبى

وامتى الشركات بتعترف بالمخصص كمصروف

لما يتم استخدام المخصص فعليا يعنى خلاص مثلا القضية الى كانت مرقوعه عليك انت خسرتها وتستخدم المخصصات اللى انت كونتها ساعتها مصلحة الضرائب بتعترف بالمخصصات كمصروف فعليا لأنه أصبح مؤيد بمستند طيب لو الشركه كانت مكونة مخصص وتم رد المخصص يعنى انتفى الغرض منه وخلاص المخصص مبقاش له استخدام، وزى ما وضحنا قبل كده انه رد المخصص ده يعتبر ايراد فى قائمة الدخل الإيراد ده دخل فى صافى الربح (الوعاء الضريبى) و يخصم من الوعاء الضريبى عكس الحالة بتاعه تكوين المخصص البنوك وشركات التأمين  ليها وضع تانى فى موضوع المخصصات وليها استثناء معين.

نتناول موضوع المخصصات من الناحية الضريبية  فى معيار ضريبة الدخل وقانون 91

مخصصات الضمان

ده نوع من أنواع المخصصات بيكون موجود فى شركات الاجهزة الكهربائية بمعنى ان الشركه مثلا تبيع المنتج  ومعاه فترة ضمان لمدة سنة فهي بناء على خبرتها  في نسبه الصيانه والاصلاحات الى نسبة مبيعاتها وطبعا ده بناء على تقديرها وطبيعة المنتجات وشريحة البيع التي تستهدفها، بتكون مخصص عادى 2% مثلا من مبيعاتها. 

ويبقى القيد

     ح مصروف ضمان الاجهزة  
                إلى
          ح  مخصص ضمان الاجهزة
ولما يتم استخدام المخصص نتيجة لصيانه  الاجهزه 

ويبقى القيد

         ح مخصص ضمان الاجهزة
                    إلى
                ح النقدية

بقيمة الصيانة والتكاليف الفعلية ورصيد المخصص الى هيبقى معانا هيترحل للسنه التاليه وممكن تعلي أو تخفض المخصص الباقى حسب تقدير الشركة لنسبة  تكاليف الصيانة والإصلاح بناء على خبرتها زى المثال العملى الى اتشرح

لحجز أفضل برنامج حسابات فى مصر والوطن العربى اطلب السعر حالا 


طلب عرض سعر
أضف تعليقاً

تعليق بواسطة manel seliem | 2021 May 20

شكرا

تعليق بواسطة manel seliem | 2021 May 20

شكرا

عفوا :)