مقالات

المخصصات والالتزامات والأصول المحتملة

تم النشر بواسطة : اكفليكس
بتاريخ 16/07/2019

هو الجزء الغير مغطى من خطاب الضمان بمعنى انت كشركة عملت خطاب ضمان شركه تانيه، وانت عندك تسهيلات خطاب ضمان من البنك وليكن مثلا علشان نوضح خطاب الضمان بمليون جنيه والشركة هتغطى 10% من قيمة خطاب الضمان يعني 100 الف وال 100 ألف دول بيتخصموا من حساب الشركة مؤقتا لحين انتهاء خطاب الضمان، وال 900 الباقيين البنك هو اللى يغطيهم لان الشركه فاتحه معاه عقد تسهيلات خطاب ضمان طيب ال 900 الف دول بتعمل بيهم ايضاح فى القوائم المالية ضمن الالتزامات المحددة، بصفة عامة نقدر نقول انه المخصصات تعتبر التزامات محتملة لأنها غير مؤكدة التوقيت وغير محددة القيمة.

المخصصات فى الميزانية 

بس مع مراعاة الفرق زى ما وضحنا انه الالتزامات المحتملة دى لا ينطبق عليها شروط الاعتراف زى المخصصات والالتزامات المحتملة يتم عمل بها ايضاح فى القوائم المالية ولا يتم عرضها في الميزانية بقيمة زى المخصصات .

كلنا عارفين انه التقديرات جزء اساسى فى القوائم المالية وأكبر مثال على ذلك المخصصات وهى من اكبر البنود فى المركز المالى الى بتعمد على التقديرات بشكل كبير ولابد أن يكون التقدير بشكل موثوق به في حالة المخصصات حتى يتم الاعتراف بالمخصص، وعندما لا يكون من الممكن تقدير الالتزام بشكل دقيق وبشكل يعتمد عليه فانه يتم الإفصاح عنه كالتزام محتمل فى الايضاحات فقط ولا يتم عمل مخصص به.

وده الفرق الواضح بين المخصصات والالتزامات المحتملة

ماهى الأصول المحتملة

هى الأصول التى تنشأ نتيجة أحداث غير مخططة أو غير متوقعة قد تؤدي إلى احتمال انه يكون فيه تدفق نقدى داخلى بس فيه شكوك وعدم تأكد من احتمالية تحقق الإيراد، الأصول المحتملة زى مثلا لو الشركة أقامت دعوى قضائية ضد اى شخص او شركة من خلال اجراءات قانونيه والنتيجه غير مؤكده فى الحاله دى الشركه لا تعترف بالاصل الغير محتملة لأن الإيراد اصلا لم يتحقق .

مثال آخر على الأصول المحتملة

لوعندى مخزن واتحرق والشركه كانت مامنه عليه عند شركة تأمينات والمفروض أن شركة التأمين تدفع تعويض ولكن الموضوع لازم تحقيقات للتأكد أن الحريق حدث بفعل فاعل أو نتيجة إهمال، وبناء عليه الشركة فى الحاله دى متقدرش تعترف بالتعويضات كأصل في صلب المركز المالى الا لما شركه التامين تقرب أحقية الشركة في التعويض ولغاية لما شركه التامين تقول كده ،فيتم الاعتراف بقيمة التعويضات كأصل محتمل وده ضمن الإيضاحات المتممة للقوائم المالية، وبالتالى الشركه بتعمل بيها إفصاح فى القوائم المالية فقط والإفصاح يكون بشكل مختصرعن طبيعة الأصول المحتملة فى تاريخ اعداد الميزانية علشان مش يعطينا مؤشرات مضللة عن احتمال الدخل اللى هييجى من الأصول المحتملة بعد الفتره الماليه الحاليه .

مثال آخر على المخصصات والالتزامات والاصول المحتملة 

لو الشركه رفعت قضية على شركة تانية علشان استغلت او سرقت علامتها التجارية وبالتالى مش هتقدر تعترف بقيمة التعويض الا لما الإجراءات القانونية تنتهي ، لغاية لما تاخد التعويض سيتم الاعتراف به كأصل محتمل فى الإيضاحات المتممة للقوائم المالية .

في الحلقه الثانيه سوف نتناول الإفصاحات عن المخصصات والالتزامات المحتملة والأصول المحتملة فى المركز المالى.

يمكنك حجز افضل برنامج حسابات فى مصر والوطن العربى من منظومة اكفليكس؛ اطلب عرض سعر حالا

التعليقات


اضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *