دورة الشيكات وتطبيقها فى برنامج حسابات النقديه والخزينه والبنوك

تم النشر بواسطة اكفليكس
تاريخ النشر 2018 March 17

دورة  الشيكات الوارده والمعالجه المحاسبيه لها .

الشيك هو ورقه تجاريه " ورقة قبض" وتحل محل النقود كوسيله لابراد الذمه " ابراء الدين" من خلال المقال ده هانتعرف على دورة الشيكات والمعالجه المحاسبيه السليمه لجميع مراحل تداول الشيكات مدعمه بقيود يوميه مع تطبيقها على برنامج الخزينه والبنوك وبرنامج حسابات أكفليكس لادارة المنشأت بمختلف أنشطتها

ماهى دورة الشيكات وماهى مراحل دورة الشيكات الوارده والمعالجه المحاسبيه لها ؟

دورة الشيكات هى جميع المراحل اللى بيمر بيها الشيك من بداية استلامه وحتى تحصيله و اول مرحله من مراحل دورة الشيكات هى اثبات استحقاق بيع بضاعه واستلام شيك من العميل

قيد  البيع 

100000من ح العملاء_العميل ..

1000000 الى ح المبيعات

ونبدأ دورة الشيكات ب قيد اثبات استلام  شيك من العميل سداد لمديونيته:

100000 من ح أوراق القبض 

"استلام شيك رقم .... من العميل.. بموجب اذن قبض رقم ... " 

100000 ج الى ح العملاء_ العميل ..

ودى صورة  مرحلة استلام الشيكات فى برنامج حسابات النقديه والخزينه

دورة الشيكات ببرنامج محاسبة الخزينة والبنوك

ولحد كدا العميل اشترى بضاعه بمبلغ 100 الف جنيه وسدد مديونيته بشيك مقبول الدفع بتاريخ استحقاق معين، لان زى مااتفقنا ان الشيك هو وسيله من وسائل ابراء الذمه وبيحل محل النقود.

ودا الشكل العام لايصال استلام الشيك من العميل فى برنامج حسابات النقديه والخزينه

دورة الشيكات ببرنامج حسابات الخزينة والبنوك
 

ماهى حالات التصرف بالشيكات

بعد مابيتم استلام الشيك من  العميل والاحتفاظ به ودى زى مااتفقنا اول مرحله من مراحل دورة الشيكات بيكون فى اكتر من حاله من حالات التصرف بالشيك وكل حاله لها معالجه محاسبيه مختلفه واى حاله من دول تعد بمثابة المرحله التانيه من مراحل دورة الشيكات

 الحاله الاولى:

ارسال الشيك الى البنك للتحصيل المباشر او ايداعه فى حساب الشركه :

ودى المرحله التانيه من مراحل دورة الشيكات اللى بيتم من خلالها اثبات ان الشيك خرج من خزينة الشيكات بالشركه للتحصيل فى البنك وبثبت المرحله دى بقيدين

قيد اثبات خروج الشيك من الخزينه للتحصيل

 100000من ح شيكات تحت التحصيل

 "اثبات صرف الشيك من خزينة الشركه بغرض التحصيل من البنك"

 100000 الى ح   اوراق القبض

قيد اثبات تحصيل  الشيك من البنك وايداع المبلغ فى خزينة الشركه أو فى حساب الشركه بالبنك:

100000ج من ح البنك او الصندوق.

"تحصيل شيك رقم ... وايداعه فى خزينة "بنك " الشركه ".

100000ج الى ح شيكات تحت التحصيل.

وممكن الشيك برتد لاى سبب من الاسباب زى مثلا انه مايكنش فى رصيد فى البنك يغطى الشيك او ان التوقيع غير مطابق وفى الحاله دى بثب ارتداد الشيك الى خزينة الشيكات بقيد عكس القيد السابق.

الحاله الثانيه:

وارسال الشيك فى بنك اخر بخلاف البنك المسحوب عليه الشيك للتحصيل نيابة عن العميل " التحصيل بالمقاصه" :

 والحاله دى بتتم لما بحصل الشيك من بنك اخر البنك المسحوب عليه الشيك.

وفى الحاله دى المعالجه مش هاتختلف عن المعالجه فى الحاله الاولى من حيث خروج الشيك من الشركه للتحصيل واثبات عملية التحصيل ونقطة الاختلاف الوحيده هى ان فى عموله البنك بتاعى بيحصلها نظير تحصيل الشيك من بنك اخر وفى مصر بتتراوح العموله من 10 الى 15 جنيه ايا كان مبلغ الشيك.

قيد اثبات تحصيل الشيك من خلال المقاصه وعند ورود اشعار من البنك يفيد تحصيل الشيك :

99985 من ح البنك.

"قيد اثبات تحصيل الشيك رقم ... من خلال المقاصه واثبات العموله "

15     من ح مصروفات بنكيه

100000 الى ح شيكات تحت التحصيل .

قد يتم الغاء او رفض الشيك لعدم تغطيتة من العميل وفى الحاله دى بنعمل قيد عكسي للقيدين السابقين لاثبات مديونية العميل مع اثبات خصم عمولة البنك من حسابنا 

100000 من ح اوراق القبض

"قيود اثبات رفض الشيك رقم واستحقاق عمولة البنك".

100000 الى ح  شيكات تحت التحصيل

15  من  ح عمولة التحصيل

  15 الى  ح البنك.

وعند رد الشيك الى العميل :

100000 من ح العميل.

100000 الى ح اوراق القبض .

الحاله الثالثه: 

تظهير الشيكات او نقل ملكيتها لشخص اخر بخلاف الشركه مثل نقل ملكية الشيكات الى مورد بغرض سداد مديونيه على الشركه وبنثبت العمليه دى بالقيد ده

100000 من ح الموردين _ المورد..

قيد تظهير الشيك رقم ... لحساب المورد ..

100000  الى ح اوراق القبض.

وبكدا نكون شرحنا دورة الشيكات من خلال المعالجه المحاسبيه ليها فى المقال الجاى هانتكلم عن انواع الشيكات وكييفية التعامل مع كل نوع وازى نقدر نطبقها فى برنامج حسابات الخزينة والبنوك من أكفليكس.

أضف تعليقاً

تعليق بواسطة مصطفي حجاب | 2018 March 17

جزاكم الله خيرا وربنا ينفع بكم

جزانا واياكم ونتمنى ان نكون دائما عند حسن الظن
تعليق بواسطة ابراهيم حسن | 2018 March 26

شكراً جزيلاً علي المجهود الاكثر من رائع ، وربنا يجعله في ميزان حسناتكم

لاشكر على واجب ونتمنى ان نكون دائما عند حسن الظن
تعليق بواسطة Mohammed’s | 2018 September 04

شكراً

العفو يا فندم
تعليق بواسطة ابراهيم عكاشة محمود | 2020 July 27

جزاكم الله خيرا ونفعنا واياكم بالخير

شكرًا لك يا فندم
تعليق بواسطة waleed elzahar | 2023 March 28

لكم جزيل الشكر

العفو يا فندم