خطوات إنشاء نظام محاسبي وتصميم دورة محاسبية كاملة لأى منشأة

تم النشر بواسطة mostafa sobhy
تاريخ النشر 2017 June 20

النهارده هانجاوب على سؤال مهم جدا لكثير من المحاسبين ما هى خطوات ماهى خطوات انشاء نظام محاسبي ؟

او ازاى ابنى نظام محاسبي بشكل سليم؟

لو تمتلك شركه مكنش فيها نظام حسابات أزاى أبدأ وأرتب أمورى.

خلونا الاول قبل مانشرح ايه هى خطوات انشاء نظام محاسبي بشكل كامل نفرق مابين نوعين من الشركات من حيث حجمهم وهيكل الاداره الماليه داخليا وايه خطوات انشاء نظام erp محاسبي لكل نوع من الانواع دى

النوع الأول: كيفية ادارة الحسابات فى الشركات الصغيرة 

ودى الشركات الصغيره اللى مابتحتاجش محاسبين كتير زى المشروعات التجاريه الصغيره واللى قوامها مبنى على اساس النشاط المخزنيى، والعملا والموردين وفى الغالب لا تحتاج غير محاسب واحد وكل شغلك كمحاسب هايكون مبنى على اساس انك تظبط فواتير البيع والشراء وجرد المخازن والاصناف وملاك المنشات دى مابيكونش عندهم ثقافة انك تستخرج القوائم ماليه وميزانية وقائمة الدخل وقائمة التدفقات النقدية وغيرها، واللى بيتولى الموضوع ده هو المحاسب القانونى بهدف انه يظبط حسابات الضرايب.وخطوان انشاء نظام محاسبي للنوع ده من الشركات مابتكونش صعبه او معقده زى الشركات الكبيره .

النوع الثاني: كيفية ادارة الحسابات فى الشركات الكبيرة 

ودى الشركات اللى بيكون عندها هيكل كامل للاداره الماليه من مدير مالى ورئيس حسابات وتيم المحاسبين أو على الاقل بيكون عندها اكتر من محاسب متخصص فى جزئيه معينه، ودا نوع الشركات اللى  بيكون شغله دقيق جدا وكل حركه محسوبه وليها نتايجها وبالتاكيد بيكون الاهتمام الاكبر منصب على اعداد القوائم الماليه الفتريه للشركات بتاعتهم ومراجع الحسابات بعد كدا بيعتمدها، وخطوات انشاء نظام محاسبي للنوع ده مابتكونش معقده زى النوع الاول.

ازاى هأسس نظام محاسبى لكيان لسه بيبدأ او موجود بدون نظام برامج الحسابات

ماهى خطوات انشاء نظام محاسبي لشركه فيها برامج حسابات لم يتم العمل به، مهما كان حجم وطبيعة النشاط سواء كان تجارى او صناعى او خدمى وسواء كانت شركه كبيره او صغيره فالبرنامج المحاسبي بيدور على اربع محاور رئيسيه وهما حسابات الاصول والخصوم "وبنسميهم حسابات الميزانيه balance sheet accounts" والمصروفات والايرادات "وبنسميهم حسابات النتيجه او "حسابات قائمة الدخل income statement accounts"، ولو الشركه كانت قائمه بالفعل فالمرحله الاصعب هى انى اقدر اتوصل لارصده الاربع حسابات الرئيسيه دول ومن هنا اقدر اعمل ميزان مراجعه افتتاحى اشتغل عليه بعد كدا.

اول خطوه من خطوات انشاء نظام محاسبي هى جرد عناصر المركز المالى:

حسابات الأصول الثابتة

هانقسمهم لحسابات اصول غير متداوله "ثابته" واصول متداوله وبالنسبه للاصول الثابته فادول هاتوصل لارصدتهم من خلال اعادة تقييمهم اولوعندى معومه دقيقه وموثقه بتكلفتهم التاريخيه بسجلهم بيها اما بالنسبه لحسابات الاصول المتداوله فالانواع الرئيسيه هانتعامل معاها بالشكل ده.

1- ارصدة النقدية

ودى الكاش اللى معايا فى الخزينه وارصدة حساباتى فى البنوك ومن خلال الجرد الفعلى للخزينه اقدر عرف معايا كاش كام ومن خلال اخر كشف حساب للبنك بقدر اعرف رصيد البنك كام وبكد هاتوصل لارصدة النقديه ومافى حكمها.

2- حساب المخزون

ودا تانى اهم عنصر من عناصر الاصول المتداوله بعد النقديه وهانعامله معاملة النقديه من حيث اننا هانجرد جميع الاصناف الموجود عندى ونقيمهم بالتكلفه او صافى القيمه البيعيه ونسجله عندنا بالقيمه الاقل.

3- حساب العملاء

ودول هانتوصل لحسابهم عميل عميل من خلال الاتصالا بالعملاء وطلب كشف حساب للشركه بتاعتنا والرصيد النهائي.

4- الارصده المدين

زى السلف والمديونيات الاخرى.

حسابات الخصوم وحقوق الملكية

وزى ماقسمنا حسابات الاصول هانبدا نقسمم حسابات الخصوم ل3 انواع وهما الالتزامات قصيرة الاجل "المتداوله" والالتزامات طويلة الاجل "غير المتداوله" وحقوق الملكيه والانواع الرئيسيه دى هانتعامل معاها بالشكل ده:

1- الالتزامات المتداوله

ودى حسابات الموردين والدائنين ولو فى اوراق دفع وخلافه ودى فى الغالب هايكون من السهل انى اتوصل لارصدتهم الفعليه من خلال التواصل مع الجهات الدائنه دى وطلب كشف حساب فعلى نقدر من خلاله بسهوله نعرف رصيدهم كام ومين ليه عندنا فلوس

2-  الالتزامات الغير المتداوله

وفى الغالب هاتكون ممثله فى القروض البنكيه اللى هاتسدد على فترات اكبر من سنه ودى ممكنتعرف ارصدتها من خلال ادارة وملاك الشركه وفعليا لازم تتكلم مع البنوك دى وتشوف الموقف ايه بعد ماتاخد تفويض من الشركه بتاعتك.

3- حقوق الملكيه

ممثله فى رأس المال وهايكون الفرق مابين الاصول والخصوم اللى انت جردتهم الفتره اللى فاتت ولو لقيت الرقم مش منطقى ارمى فى الحسابات العامة الجاريه للشركاء 

حساب الايرادات والمصروفات

الخطوه الثانيه من خطوات انشاء نظام محاسبي هى جرد عناصر قائمة الدخل

وهنا هاتبدأ تحصل على تقارير من الاداره والملاك بحجم المصروفات اللى تمت خلال الفتره السابقه كانت اد ايه ولفين وتبدأ ترصدهم مع مراعاة التوصل للمستندات قدر الامكان، وبالنسبه لايرادات فممكن توصبل لارصدة الايراد خلال الفنره السابقه من خلال فحص فواتير البيع كلها بشكل كامل.

وبكدا نكون عرفنا بشكل كامل ايه هى مراحل او خطوات انشاء نظام محاسبي فى اى منشأه ايا كان طبيعة نشاطها

فى المقال الجاى هانتناقش فى خطوات انشاء نظام محاسبي تكاليفى بمعنى ايه هى خطوات انشاء نظام محاسبي لمصنع وايه هى خطوات انشاء نظام تكاليفى وكيفية الربط مابين النظامين من خلال القيود المحاسبية.

أضف تعليقاً

تعليق بواسطة Aiman | 2018 November 30

مطلوب نضام محاسبي ومصانع

سيتم ارسال التفاصيل على الايميل
تعليق بواسطة عبدالسلام عيسى | 2018 December 10

السلام عليكم اخي بما انك متخصص في نظم المعلوات اطلب منك مساعدة لوجه الله تعالى ان امكنك حيت اني ادرس مادة نظم المعلومات ومطلوب مني اعداد نظام للمعلومات واخترت ان يكون نظام مبيعات ومطلوب مني تحليله وتصميمه والبد في مرحلة التطبيق ارجو المساعدة ان امكن في التحليل والتصميم ولك مني جزيل الشكر والسلام عليكم ورحمة الله وبركاته

و عليكم السلام , ممكن حضرتك تبحث في جميع المقالات على الموقع التى تهتم بجزء التحليل من هنا bit.ly/2ZA0GSj
تعليق بواسطة احمد بصري | 2018 December 20

السلام عليكم ... شكرًا علي المجهود المبذول يجعله ربي في ميزانك عند سواله يوم الدين عن علم لك رزقك الله إياه السؤال كيف احول هذا الشرح المبسط الرائع الي فعل عن طريق صفحه أكسل أ

و أياك يا فندم يمكن إدخال أرصدة أول المدة للحسابات من أكسيل للبرنامج و يمكن استيراد البيانات من البرنامج نفسه إلى الأكسيل و التقارير أيضًا في البرامج يمكنها أن تكون على شكل أكسيل و هذه ميزة البرنامج .
تعليق بواسطة محمد عبدالله | 2019 January 01

طيب وبالنسبه لشركات الأشخاص القائمه والتي لم يكن لها نظام محاسبي؟؟

بنتبع نفس الخطوات يااستاذ محمد مع الترصيد
تعليق بواسطة محمد فايز | 2019 March 12

اريد معرفه انشاء نظام محاسبى تكاليفى لصيدليه ولك جزيل الشكر

السلام عليكم برجاء الدخول فى شاشة مقالات محاسبة التكاليف واقرا مقالات انشاء نظام تكاليفي
تعليق بواسطة Ikhlas banifadel | 2019 April 09

طيب بالنسبة لمنجرة كيف بنقدر نعملها نظام مع العلم انه لا يوجد حساب بنكي منفصل لاعمال هذه المنجرة يعني المال يلي بيدخل ل حساب البنك الو اكثر من مصدر

أهلًا بحضرتك يا فندم حساب البنك بيكون حساب واحد حسب البنك ال بتتعاملى معاه , أما بالنسبة لحسابات العملاء لو عايزة تعملى حساب واحد فقط مش لكل عميل حساب , ممكن تعملى حساب ب اسم عميل نقدى , لكن في حالة إذا كان هناك عملاء آجلين , يجب عليك إنشاء لكل عميل آجل حساب خاص به لمعرفة مديونية كل عميل .
تعليق بواسطة faisal alsalameh | 2020 June 02

السلام عليكم ورحمه الله وبركاته نريد تصميم وتجهيز برنامج محاسبي خاص لشركتنا

ممكن حضرتك تبعتلنا رقمك و أحد أفراد المبيعات هيتواصل مع حضرتك لمعرفة نوع النشاط
تعليق بواسطة محمد محمد | 2021 January 18

محتاج حد يساعدني فى بحث تصميم نظام محاسبي الكتروني بالشركات متعدده الجنسيات شامل المقومات والتحديات

أهلًا بحضرتك يا فندم متاح برامج محاسبية تلائم نشاط عملك لتفاصيل أكثر يمكنك ارسال عرض سعر من خلال الرابط التالى : http://bit.ly/2LPiFif​​ أو التواصل مع قسم المبيعات من خلال الأرقام التالية : (1022226599(20+) - 1022226998(20+)
تعليق بواسطة ALAA على | 2022 June 06

متابع

تسعدنا متابعتك يا فندم
تعليق بواسطة Alajab ibrahim | 2022 August 10

شكرا كثيرا مقال مفيد جدا

شكرًا لحضرتك يافندم سعداء برأي حضرتك و نتمنى لك الاستفادة الكاملة