المعالجة المحاسبية لنظام المبيعات بالتقسيط طريقة مجمل الربح

مبدئيا لازم نعرف ان الايراد revenue هو عنصر مهم جدا من عناصر قائمه الدخل income statement واللى على اساسه بيتم اتخاذ قرارات حاسمه من الاطراف المعنيه بالشركه ،لان رقم الايراد اللى بيظهر فى قائمه الدخل وبالاخص الايراد الناتج عن النشاط الرئيسى للشركه بيوضح أد ايه الاداره كانت كفأ فى استغلال الموارد والامكانيات المتاحه افضل استخدام، وكمان بيقيس مدى قدره الشركه على سداد التزاماتها فى الاجل الطويل، وعشان المشاكل المحاسبيه الناتجه عن الاعتراف بايراد المبيعات بالتقسيط حبينا نخصص لها مقال مستقل بوضح طرق معالجتها وتطبيقها فى برنامج ادارة المخازن

ماهو نظام المبيعات بالتقسيط فى الشركات 

المحاسب الشاطر لازم يعرف اننا بنعترف بالايراد على اساس الاستحقاق المحاسبى , بمعنى ان العبره مش بالتحصيل النقدى لقيمه الايراد ولكن العبره بان الايراد بيكون بيخص السنه ولا لا؟! وعشان كدا لما بنبيع بضاعه بالاجل بنسجل العمليه بالقيد ده :

من ح/العملاء

               الى ح/المبيعات

ودا معناه انى اعترفت فعلا بايرادات مبيعات رغم انى ماحصلتش..ولكن السنادى هى اللى تستحق الايراد لانى بعت فيها .وبكدا نكون طبقنا اساس الاستحقاق فعليا.عرض سعرافضل برامج محاسبة 

لماذا تلجأ الشركات الى المبيعات بالتقسيط

بنلاقى ان الشركات بتلجأ ل المبيعات بالتقسيط عشان تنشط من عمليه البيع اكتر ,وبنلاقى ان النظام ده بيكون منتشر اكتر فى الشركات اللى بتتاجر فى الادوات المنزليه والكهربائيه ومعارض السيارات، لان قيمه النتج بتاعها بتكون كبيره نسبيا، وبنلاقى ان فى طريقتين معايير المحاسبه الدوليه ذكرتهم عشان نستخدمهم فى معالجه عمليه البيع بالتقسيط محاسبيا.

الطريقه الاولى: اسمها طريقه المبيعات بالتقسيط Installment Sales Method وبنسميها (طريقه مجمل الربح)

ومن خلال الطريقه دى بعترف بالدخل الناتج عن عمليه البيع فى كل فتره بحصل فيها الكاش فعليا مش بمجرد البيع بحيث انى اعترف بمجمل ربح كل قسط بحصله من الاقساط المستحقه وطبعا دا كلام مكلكع بس هانفهمه من خلال التطبيق العملى ده.

نفترض ان شركه الامل بتتبع نظام الجرد المستمر و بتبيع اجهزه كهربائيه بالتقسيط وفى بدايه السنه باعت للعملاء اجهزه مبلغ 90000ج (وتكلفه الاجهزه دى كانت 54000ج وفقا لسياسة التكلفه المطبقه) وشروط البيع كانت قايمه على ان العميل يدفع يسدد دفعه مقدمه مبلغ 20000 والباقى بيسدده على 3 اقساط وعلى مدار3سنوات.

15000القسط الاول,25000ج القسط التانى,30000ج القسط التالت.

عايزين نعرف المعالجه المحاسبيه لعمليه المبيعات بالتقسيط اللى تمت دى  اذا كانت الشركه بتتبع طريقه مجمل الربح:

اولا: تحديد نسبة مجمل الربح 

بنحدد نسبه مجمل الربح بتاعى من خلال الحسبه البسيطه دى :(90000-54000)/90000=40%

ومع كل قسط بحصله بثبت مجمل الربح بتاعى من خلال القيود المحاسبية اللى هانشوفها دى: 

لما احصل الدفعه المقدمه:

من مذكورين

20000الكاش

70000عملاء المبيعات بالتقسيط

90000الى ح/المبيعات

والقيد ده معناه انى حصلت من العميل بتاعى مبلغ 20000ج ومستحق عليه 70000ج

وطبعا بثبت تكلفه البضاعه اللى اتباعت دى من خلال القيد ده:

54000 من/تكلفه البضاعه المباعه

54000الى ح/ المخزون.

لانزى ما اتفقنا احنا هنا بنتبع نظام الجرد المستمر فلازم اعمل حساب للمخزون وحسابات تكلفه البضاعه المباعه.

ثانيا: قيود الاقفال المحاسبي 

ودى بعملها فى اخر السنه لما اجى اعمل قيود الاقفال بتاعتى 

90000من ح/ المبيعات التقسيط

الى مذكورين

54000ح/تكلفه البضاعه المباعه

36000ح/مجمل ربح مؤجل

وهنا قفلت حساب المبيعات بالتقسيط (خليته مدين) عشان رصيده يظهر بصفر لانى ماينعش هنا اعترف بايراد مبيعات 90000ج وبتبع طريقه المبيعات التقسيط اللى بتلزمنى انى اعترف بربح المبلغ المحصل فقط، ومجمل الربح المؤجل ده واللى بيمثل 40% من المبيعات كربح بعترف بيه فى مراجعة الميزانيه وكل سنه بخفض من جزأ بمقدار ربح القسط المحصل.

ثالثا: نسبة مجمل الربح من الددفعة المقدمة 

بنحسب مجمل ربح الدفعه المقدمه اللى حصلتها وبثبته بالقيد ده

8000من ح/مجمل الربح المؤجل(20000*40%)

8000الى ح/مجل الربح المحقق.

وبكدا مبلغ مجمل الربح المحقق هو اللى بعترف بيه فى قائمه الدخل كبند مستقل بنسميه مجمل ربح محقق من مبيعات التقسيط بمبلغ 8000ج وحساب مجمل الربح المؤجل بيظهر عندى فى الميزانيه.

وفي السنه الثانيه

أو لما بحصل القسط الاول بنكرر نفس القيدين الاخيرين مع اختلاف الارقام.

اولا 

15000من ح/ الكاش

15000الى ح/عملاء المبيعات بالتقسيط

وبعترف بمجمل ربح القسط اللى حصلته من خلال القيد ده

من ح/مجمل الربح المؤجل

الى /مجمل الربح المحقق

وزى مااتفقنا مجمل الربح المحقق بيروج فين؟

بيظهر فى قائمه الدخل كبند مستقل

طيب مجمل الربح المؤجل بيروح فين

بيظهر فى مراجعة الميزانيه كالتزام

وبنكرر نفس القيدين مع القسط الثانى والثالث

وفى المقال الجاى هانناقش عمليه المبيعات بالتقسيط باستخدام الطريقه الثانيه

لمعرفة اسعار افضل برنامج حسابات فى مصر والشرق الأوسط من منظومة اكفليكس اطلب سعر حالا