مخصص الديون المشكوك فى تحصيلها والانخفاض في قيمة العملاء

مخصص الديون المشكوك فى تحصيلها أو الانخفاض فى قيمة العملاء وده بيكون موجود فى اغلب القوائم المالية

يوجد في المبادئ المحاسبية مبدأ اسمه الحيطة والحذر وده معناه ان الشركه لازم تاخد فى اعتبارها الخسائر المحتملة مستقبلا نتيجة احتمال عدم تحصيل مديونياتها بالكامل من عملائها وده طبعا بيكون بشكل كبير علشان كده

طريقة الانخفاض فى قيمة العملاء تتماشى أيضا مع فكرة مبدأ المقابلة بين الإيرادات والمصروفات المباشرة وقيمة مصروف الانخفاض التى يتم الاعتراف بها خلال الفترة المالية أو العام يتم الاعتراف بها فى قائمة الدخل مصروف ويكون القيد كالتالي 

ح/ مصروف الانخفاض فى قيمة العملاء

       إلى

ح/ الانخفاض فى قيمة العملاء

ورصيد العملاء الذى يظهر فى الميزانية سيكون إجمالي رصيد العملاء مخصوما منه رصيد الانخفاض فى قيمة العملاء

فيه طريقتين لاحتساب الانخفاض فى قيمة العملاء

الطريقة الأولى هي طريقة قائمة الدخل 

الطريقة الثانية هي طريقة الميزانية

الطريقة الأولى هي طريقة تستخدم فى الشركات الصغيرة جدا وهى طريقة غير مهنية 

وغير معترف بيها فى المعايير الدولية بتشوف مبيعات الشركة الآجلة خلال العام وتضرب فى نسبة مئوية الديون المشكوك فى تحصيلها والنسب بتقدرها ادارة الشركه بناء على خبرتها

مثال على طريقه قائمة الدخل

بفرض أن إجمالي رصيد العملاء فى نهاية العام فى ميزان المراجعه 100000 والشركة لديها رصيد انخفاض قيمة العملاء فى أول العام 1000 وبلغت المبيعات الآجلة 250000 ونسبة الديون الى قدرت الشركة عدم تحصيلها أيضا خلال هذا العام 1%

قيمة الانخفاض في قيمة العملاء خلال هذه الفترة = 250000*1% = 2500

القيد هو 

2500 ح/ مصروف الانخفاض فى قيمة العملاء (قائمة الدخل

2500 ح/ الانخفاض فى قيمة العملاء

المفروض كده ان اجمالي رصيد الانخفاض فى قيمة العملاء هو 3500

وبكده يظهر رصيد العملاء فى الميزانية بقيمة 

100000-3500 = 96500

الطريقه دى زى ماقولنا ضعيفة ولا يتم استخدامها الا في الشركات الصغيرة جدًا

يمكنك الاطلاع على افضل برنامج حسابات فى مصر والشرق الأوسط من أكفليكس 

الطريقة الثانية هي طريقة الميزانية 

المفترض ان اى شركه عندها نظام حسابات عملاء انها تقسيم العملاء إلى فترات ائتمانية ولتكن 30 او 45 او 60 او 90 تمام وهو مايسمى باعمار الذمم إلى هو AGING RECEIVABLE

إدارة الحسابات تقوم بتقييم الديون الى يحتمل عدم تحصيلها فى كل مدة من الفترات الائتمانية وليكن مثلا إجمالي مديونية العملاء الذين لهم فتره ائتمانية 30 يوم ولتكن 5 مليون والشركة قررت مثلا ان فى نسبة 2% من هذه المديونية يحتمل عدم تحصيلها 

فتكون قيمة الانخفاض في قيمة العملاء = 5 مليون*2% = 100000

وهكذا في كل فترة ائتمانية الشركه تقدر النسبة المحتملة في عدم تحصيل الديون وتضربها في المديونية الموجودة تمام

مثال عملى 

الشركة  الدولية كان رصيد الانخفاض فى قيمة العملاء 1000 موجود لديها من العام الماضى والشركه حسبت الانخفاض فى العام ده وقدرته ب4000

بفرض أن مديونية العملاء إلى أقل من 30 يوم 70000

مديونية العملاء من الى اقل من 60 يوم 18000

مديونية العملاء إلى أقل من 90 يوم 10000

مديونية العملاء إلى أكثر من 90 يوم 2000

إجمالي المديونية 100000 جنيه

نسبة الديون المقدر عدم تحصيلها  النسب دى بتكون مختلفة من شركة لأخرى حسب نوعية وجودة العملاء من عدمه وتقديرات الشركات تختلف حسب طبيعة الصناعة وعوامل تانية

أقل من 30 يوم 2% = 70000*2% = 1400

أقل من 60 يوم 5% = 18000*5% = 900

أقل من 90 يوم 13% = 10000*13% = 1300

اكبر من 90يوم 20% = 2000*20% = 400

إجمالي رصيد الانخفاض فى قيمة العملاء = 1400+900+1300+400 =  4000

وكان هناك رصيد  للانخفاض فى قيمة العملاء  فى اول الفترة بقيمة 1000 جنيه  اذن الفرق هو 3000

 القيد كالتالى

3000 ح/ مصروف الانخفاض فى قيمة العملاء

3000 ح/ الانخفاض فى قيمة العملاء

المصروف طبعا بيروح قائمة الدخل 

ورصيد العملاء يظهر فى الميزانية ب 97000

100000-4000 = 96000

طيب بفرض أن رصيد الانخفاض فى قيمة العملاء أول الفترة كان 5000 مش 1000

تمام معنى كده ان عندى رصيد الانخفاض فى قيمة العملاء 5000 اكبر من المطلوب يكون فى العام ده 4000

الفرق كام 1000 القيد كالتالى

1000 ح/ الانخفاض فى قيمة العملاء 

1000 ح/ رد الانخفاض فى قيمة العملاء إيرادات فى قائمة الدخل

ورصيد العملاء هيظهر فى الميزانية بقيمة 

100000- 4000 = 96000

الطريقه دى هى المستخدمه وهى المطبقة فى معايير المحاسبة الدوليه 

مخصوم منه رصيد الانخفاض فى قيمة العملاء
 

المعالجة المحاسبية للديون المعدومة

خلصنا موضوع الانخفاض فى قيمة العملاء الى هو مخصص الديون المشكوك فى تحصيلها وباقى جزئية وهي خاصة بالديون المعدومة

لما الشركه تتأكد تتأكد من عدم قدرتها على تحصيل المديونية من العميل بسبب افلاس العميل او موته او اى سبب اخر ويناقش هنا المعالجة المحاسبية فقط 

المعالجة طبقا للمعايير الدولية

بخصم الديون المعدومة من رصيد الانخفاض فى قيمة العملاء ويكون القيد

خ/ الانخفاض فى قيمة العملاء

ح/ العميل

وفى حالة تحصيل المديونية بعد ذلك من العميل ان امكن يكون القيد

ح/ النقدية

ح/ الانخفاض فى قيمة العملاء

محاسب العملاء والارصدة الدائنة الأخرى

المعروف أن حسابات العملاء الاصل فيها انها تكون مدينه  ( بمعنى انه العميل يكون مدين للشركة ) لكن فى بعض العملاء ممكن تدفع دفعات مقدمة وبالتالى يكون رصيدها دائن وهتظهر في ميزان المراجعة دائن وعند إعداد الميزانية أو نهاية فترة مالية لازم تقفل الرصيد ده فى حساب عملاء دفعات مقدمة وهتظهر ضمن الارصدة الدائنة الاخرى فى بند الالتزامات المتداولة

هيكون من 

ح/ العميل 

*****************

إلى 

ح/ عملاء دفعات مقدمة 

وفى بداية الفترة المالية ترجع تعكس القيد ده لو العميل هياخد فاتوره ويتعامل عادي

العملاء الى ارصدتهم دائنه لازم تكون عارف ايه السبب هل دفعه مقدمه منهم اومرتجع لصالحهم أم خطأ فى التسجيل من جانب إدارة الحسابات العامة

بالنسبة لحساب عملاء دفعات مقدمة برضه تبقى عامل تحليل بيهم علىشيت اكسيل يعنى عندك 75000 الف رصيد في الحساب ده لازم يكون فية تحليل بكل عميل على حدة