أثر المعالجة المحاسبية للمخصصات على قائمة الدخل

مبدئيا لازم نكون عارفين نقطه مهمه انه المخصصات خاصة بالالتزامات سواء كانت خاصة بالالتزامات قصيرة الاجل او الالتزامات طويله الأجل، ولكن الوصول لها معيار خاص بها اسمه الانخفاض فى قيمة الأصول طيب هناخد مثال عملى على القيود والمعالجة المحاسبية للمخصصات هنفترض ان الشركة كان عندها نزاع قانوني مع هيئة حكومية والشركة عندها تقدير بشكل كبير انه هتتحمل غرامه وقدرت قيمة الالتزام بمبلغ  300 ألف جنيه وقررت تكوين مخصص، اول حاجه هنعملها وهى إثبات تكوين المخصص.

كيفية إثبات تكوين المخصص

300000  ح مصروف  قضايا متنازع عليها

        الى

      300000 ح مخصص قضايا متنازع عليها

فى نهايه الفتره الماليه عايز اشوف أثر المعالجة المحاسبية بتاعه تكوين المخصص هتكون ايه

مصروف قضايا متنازع عنها ده هيروح قائمة الدخل زى اى مصروف وبيكون بعد رقم الربح التشغيلي

بالنسبه للميزانيه رصيد المخصصات عندى بيروح الميزانية فى بند الالتزامات، واذا كان سيتم تسويته خلال عام يبقى التزام قصير الاجل واذا كان سيتم تسويته خلال أكثر من عام يبقى التزام طويل الأجل، نيجى بقى لقائمة التدفقات النقدية.

الحالة الأولى من قائمة التدفقات النقدية 

مبدئيا احنا عارفين انه قائمة التدفقات النقديه مبنية على الاساس النقدى وبالتالى هى بتعترف باى ايراد او مصروف نقدى فقط طبيب فى الحالة الى عندنا  المصروف ده مصروف غير نقدى

وبالتالى لما بنعمل قائمه التدفقات النقديه ونبدأ بصافى الربح قبل الضريبة  هنضيف عليه المصروفات الخاصة بالمخصصات لانها كانت اتخصمت من صافى الربح قبل الضريبة فى قائمة الدخل طيب فى الفتره الماليه التاليه هنفترض ان القضية خلصت والشركه خسرت القضيه  والمبلغ كان 350000

طيب احنا مكونين مخصص ب 300000

وانا خسرت القضية وادفع 350000

يبقى القيد المحاسبى 

300000 ح مخصص قضايا متنازع عليها

  50000 ح مصروف قضايا متنازع عليها

                       الى

350000  ح الدائنون ( الهيئة  الحكومية)

ولما  ندفع للهيئة 

  350000  ح الدائنون

         350000  ح البنك  او اوراق الدفع

اثر استخدام المخصص على القوائم المالية 

طيب عايزين نشوف اثر استخدام المخصص على القوائم المالية طيب اولا انا كنت مكون مخصص الفتره الماليه السابقه ب 300000 الف، وشوفنا أثره على القوائم المالية، طيب ال300000 دول الفتره الى فاتت كنت اعترفت بهم فى قائمه الدخل كمصروف.

والفتره دى هتعرف ب 50000 فقط  مصروف فى قائمه الدخل، طيب بالنسبة لرصيد المخصصات فى المركز المالى هيكون بصفر، ليه لانى كان عندى التزام بقيمة 300000 فى الفترة السابقة وتم دفعهم خلال الفترة الحالية وبالتالى الرصيد بقى صفر.

الحالة الثانية من قائمة التدفقات النقدية

الفتره الى فاتت لما تم تكوين المخصص في المصروف الغير نقدى بتاع المخصص تم تسويته واضافته الى صافى الربح قبل الضريبة لأنه كان مصروف غير نقدى، فى الفترة الحالية الشركة دفعت قيمة المخصص ده 
بالاضافه الى الـ 50000.

وبالتالى الـ 300000 دول هيكونوا تدفق نقدى خارجى ضمن الأنشطة التشغيلية، وبيكون اسمه فى القوائم المالية  (المستخدم من المخصصات) طيب ال 50000 دول فعليا تخصموا من صافى الربح قبل الضريبة فى الفتره الماليه الحاليه، وبالتالى مش هيتم اى تسوية على صافى الربح قبل الضريبة.

الحالة الثالثة من قائمة التدفقات المالية 

وهى حالة رد المخصص أو جزء من المخصص، فرضا انه فى حاله اخرى الشركه اتحكم عليها مثلا ب 250000، طيب الشركه كانت مكونة مخصص بقيمة 300000 الف.

يبقى اولًا

هنرد جزء من المخصص لانتفاء وانتهاء الغرض منه

يبقى القيد المحاسبى الأول

50000 ح  مخصص قضايا متنازع عليها

          الى

 50000 ح   رد مصروف قضايا متنازع عليها  (ايراد)

والقيد المحاسبى الثاني

250000 ح  مخصص قضايا متنازع عليها

  250000  ح الدائنون الهيئة الحكومية

ولما ندفع  للهيئة الحكومية

250000 ح   الدائنون الهيئة الحكومية

   250000 ح  اوراق الدفع البنك

أهمية أثر المعالجة المحاسبية

رد جزء من المخصص لانتفاء الغرض قلنا انه اراد هيروح قائمة الدخلو هيزود صافى الربح قبل الضريبة فى قائمة الدخل وبالتالى لما اعمل التدفقات النقدية، هخصم صافى الربح قبل الضريبة لأنه إيراد غير نقدي، والجزء الفعلى اللى انا استخدمته من المخصص وهو الـ 250000. 

دول يعتبروا تدفق نقدى خارجى يخصم  ضمن بنود قائمة التدفقات النقدية التشغيلية بالنسبه للميزانيه رصيد المخصص هيبقى صفر لانى كان عندى 300 الف، رديت 50 الف  واستخدمت الـ 250000 الف.

ملحوظه

الجزء المستخدم من المخصص لا يؤثر على قائمه الدخل لانه عند تكوينه يؤثر عليها فقط، يبقى قائمه الدخل يبقى فيها مصروف لما اكون المخصص ويبقى فيها إيراد لما يتم رد المخصص او جزء منه. 

للحجز والاستفسار عن اسعار افضل برنامج حسابات فى مصر والوطن العربى أطلب عرض سعر حالا