محاسبة المبيعات بالتقسيط طريقة استرداد التكلفة بدورة المبيعات

تم النشر بواسطة اكفليكس
تاريخ النشر 2018 January 29

دا قيد محاسي متعارف عليه بثبت بيه عملية بيع عاديه بمبلغ مليون جنيه تمت لعميل معين بعد مابيتم استكمال دورة المبيعات ايا كان شكلها ايه، وطبيعى ان القيد ده يسمع فى قائمة الدخل كايراد وبالتالى هايعلى ربح الفتره بمليون جنيه1000000 من ح العميل

1000000 الى ح المبيعات

طيب ايه هايحصل لو كان المليون جنية دى تخص عملية بيع بالتقسيط ممتده ل3سنين جايين؟

المعالجه المحاسبيه وفقا لنظام محاسبة المبيعات بالتقسيط

اولا: الضرايب هاتحاسبك على مليون جنيه ايراد فى حين ان المليون جنيه دول لسه هايتحصلوا على مدار 3 سنين ولو فعليا ماعملتش غير البيعه دى هاتقع فى ازمة سيوله.

 ثانيا:ملاك او مساهمى الشركه هايطالبوا بتوزيعات ارباح وفعليا مافيش سيوله جت.

ومن هنا جت مشكلة محاسبة المبيعات بالتقسيط

ولان عملية الاعتراف بالايراد والتوجيهات المحاسبيه موضوع مش سهل وممكن يكون ليه تبعات خطيره، معايير المحاسبه خصصت اكتر من طريقه اتفادى بيها المشكله دى واقدر اعالج مشاكل محاسبة المبيعات بالتقسيط باستخدام الطرق التاليه.

1- طريقة استرداد التكلفه

2-  طرية مجمل الربح

محاسبة المبيعات بالتقسيط - طريقة استرداد التكلفه وكيفية تطبيقها على برنامج الحسابات العامه

لو انا شغال بطريقة استرداد التكلفه فانا مش هاعترف بايراد اى عملية بيع غير لما احصل التكلفه بتاعتى الاول، وبعد كدا اقول انا كسبت اد ايه، فلسفة طريقة استرداد التكلفه كأحد الطرق المحاسبية المبيعات بالتقسيط، بتقوم على عدم الاعتراف باى ايراد ناتج عن عملية البيع الا بعد تغطية تكلفة البضاعه المباعه من خلال الاقساط المحصله، وبكدا ضريبيا مش هادفع ضرايب غير لما اكسب فعليا، ومش هاعترف بربح غير لما استرد كل تكلفة البضاعه المباعه.

قيود محاسبة المبيعات بالتقسيط

القيدالاول: بسجل عمليه البيع واثبت اجمالى القيمه المستحقة

من ح / مدينى مبيعات بالتقسيط Installment receivables

الى ح / مبيعات بالتقسيط Installment sales

وبكدا بقول انى بعت للعملاء بتوعى مبيعات بالقسط قيمتها كذا

القيد الثانى: بثبت تكلفه البضاعه اللى خرجت بالقيد ده:

من ح/ت المبيعاتcost of goods sold

الى ح/ المخزونinventory

ولحد دلوقت انا ماشى محاسبيا كانى قمت بعملية اى عملية بيع عاديه.

القيد الثالث: وده بعمله فى اخر السنه بقفل تكلفه المبيعات ودورة المبيعات نفسها عشان رصيدهم يظهر بصفر عشان ماينفعش اعترف بايراد مبيعات فى اول سنه وبثبت الاقفال بالقيد ده:

من ح/ مبيعات بالتقسيط installment sales

     الى مذكورين

     ح / تكلفه المبيعات cost of goods sold

     ح / مجمل الربح المؤجل deferred gross profit

اثبات تحصيلات الاقساط 

كل قسط بحصله بثبته عادى جدا

من ح / الكاش

الى ح / عملاء مبيعات التقسيط

وبفضل اكرر القيد ده مع كل قسط بحصله لحد احصل التكلفه بتاعتى وهنا بقا هانبدأ نعترف بارباح عمليه البيع بالشكل ده:

من ح / مجمل الربج المؤجل deferred

الى ح / مجمل الربح المحقق.realized

كل قسط بعد كدا هايكون بنفس القيد اللى فات لحد ماالعمليه تنتهى

وطبعا ح/مجمل الربح المحقق بيظهر فى قائمه الدخل income statement كبند مستقل بعد مجمل الربح.

ازاى تاخذ قرار البيع بالتقسيط وتتجنب المخاطرة 

لان قرار البيع بالتقسيط مش سهل وفى مخاطره ولازم يتم بناءا على تحليل سليم ودقيق لقدرة العميل الائتمانيه وكمان على اعتبارات التعاملات السابقه مع العميل عملنا نظام كامل لمعالجة عمليات البيع بالتقسيط مدعم بمجموعه هامه من التقارير وكمان التوجيهات محاسبيه بتتم بشكل تلقائي لما يتم الموافقه على قرارا التقسيط من اول اثبات استحقاق المديونيه على العميل "والاعتراف بالايراد" ومتابعة التحصيلات لحد ماالعميل يسدد اخر دفعه ويتقفل حسابه.

المعالجة المحاسبية من خلال برنامج ادارة المخازن 

برنامج ادارة المخازن بيعالج وبيوجه القيود المحاسبيه  لمحاسبة المبيعات بالتقسيط بناءا على أشهر طريقتين بتنص عليهم المعايير، سواء كانت طريقه المبيعات بالتقسيطInstallment Sales Method (طريقه مجمل الربح) واللى من خلالها دى بعترف بالدخل الناتج عن عمليه البيع فى كل دفعه بحصل فيها الكاش فعليا أو طريقة استرداد التكلفه Cost Recovery Method واللى لو بتتبعها مابقولش انى ربحت اى فلوس غير لما استرد الاول تكلفة البضاعه اللى طلعت للعميل من خلال الاقساط.

يعمل برنامج حسابات ومخازن بشكل مترابط وتكامل تام مع برنامج الحسابات العامه  وبرنامج حسابات الخزينه والشيكات على قاعدة بيانات موحده.

أطلب عرض سعر لأفضل برنامج محاسبة فى مصر والشرق الأوسط من أكفليكس حالا 

أضف تعليقاً