تعرف على نظام التكاليف المحاسبية

تم النشر بواسطة اكفليكس
تاريخ النشر 2017 August 15

خلونا نتفق فى البدايه ان ايا كان نظام محاسبة التكاليف اللى بتتبعه وايا كان نوع المنتج اللى بتنتجه فاتكلفة المنتج بتاعك مش هاتتكون اكتر من 3 عناصر وهى المواد المباشره والاجور المباشره والتكاليف الصناعيه الاخرى  ودورك فى النهايه انك تقدر تحدد هو المنتج بتاعك اتكلف اد ايه من ال3 عناصر دول وعلى هذا الاساس بتبدأ تسعر المنتج بتاعك وتبيعه بسعر يغطى تكلفته ويحققلك هامش ربح معقول.

ايه هو نظام التكاليف الانسب لشغلى؟

فى عندنا اكتر من نظام تكاليف ممكن نستخدمه واختيارك للنظام وال استراتيجي اللى هاتمشى عليها بيكون مبنى على طبيعة شغلك وعلى نوع المنتج اللى بتنتجه, عندنا على سبيل المثال مصانع الخرسانه الجاهزه واللى الشغل فيها بيكون مبنى على حسب متطلبات ومعايير العميل وفى الحاله دى انسب استراتيجيه ممكن تتبعها ونظام التكاليف المناسب هو  نظام تكاليف الاوامر الانتاجيه واللى من خلاله مابقدرش ادى امر انتاج الا لما العميل يطلب الاول او ممكن امشى حسب جدول اوخطه زمنيه معينه للانتاج حسب الطلبات المسبقه للعملاء.

مثال على الأومر الانتاجية (مصانع لانتاج الاخشاب)

اولا:  انتاجها بيكون نمطى وبنتج بكميات ضخمه عشان اقدر استغل كامل طاقتى الانتاجيه وبالتالى هاتحمل تكاليف اقل

 وثانيا:  الانتاج عندى بيمر باكتر من مرحله عشان يوصل لشكله النهائي واقدر ابيعه للعميل بالسعر المناسب، وهنا نظام التكاليف المناسب وافضل استراتيجيه ممكن اتبعها هى استراتيجية المراحل الانتاجيه ودورى هنا انى حدد تكلفة المنتج اد ايه فى كل مرحله من مراحل الانتاج وفى المرحله الاخيره تكلفته بقت كام بالظبط.

ازاى ابنى نظام التكاليف المناسب لشركتى؟

سواء كنت شغال مانويل او على برنامج محاسبة المصانع وادارة تكاليف التصنيع وسواء كان السيستم بتاعك مبنى على الاوامر او المراحل الانتاجيه فى 3 محاور  مهمه فى تصميم نظام التكاليف لازم تاخدهم فى اعتبارك.

المحور الاول: وهو انك تبنى نظام مخزنى متكامل سواء مخازن خامات او مخازن منتجات تامه وتكود الاصناف عند فى شكل شجرى وتقسم المخازن بتاعتك بشكل مظبوط وكمان الاصناف تكونها فى شكل مجموعات ودا هايفيدك فى تقارير كتسير وكمان هايخليك تتحكم فى المخازن والاصناف بشكل كبير.

ودا مهم فى انك تقدر تحدد بشكل دقيق هو النتج بتاعك اتكلف اد ايه بالظبط من المواد الخام.

المحور الثانى: نظام دقيق لادارة الموارد البشريه واللى من خلاله بتقدر تتوصل لتكلفة العماله المباشره والغير مباشره وسواء كانت العماله شغاله باليوميه او بالانتاج او بالشهر وسواء كانت العماله شغلها مقتصر على مرحله واحده من مراحل الانتاج او على اكتر من مرحله عموما.

المحور الثالث : ودا اهمهم وهو الربط مابين نظام التكاليف كنظام مستقل ليه تقاريره ومعاييره ومابين نظام المحاسبه الماليه وانك تقدر تترجم جميع الحركات اللى ممكن تتم داخل الاوبريشن الى قيود يوميه منظمه على حسابات موجوده عندك فى دليل الحسابات تقدر من خلالها تستخرج القوائم الماليه للشركه بتاعتك.

برنامج التصنيع وادارة التكاليف هو احد مكونات منظومة  اكفليكس التى تقدم أفضل برامج erp متكاملة والذي يوفر تحكم كامل بالعملية الإنتاجية من حيث الخامات، التكاليف وحتى تسعير الأصناف والسلع المنتجة.

تتيج لك منظومة التصنيع تخطيط عمليات الإنتاج المتوقعة أو طلبات العملاء الجديدة، من خلال تحليل الوقت والخامات المطلوبة والمتاحة،كما يعطيك تحكم ممتاز لأرصدة الخامات والمنتجات بالمخازن وترجمة جميع حركات التصنيع الى قيود يوميه فى برنامج الحسابات العامة .

هدف اكفليكس بتقدملك مجموعة برامج erp ونظم فرعيه خاصه بجميع الانشطه الانتاجيه وتقدر تحصل على برنامج تصنيع متكامل خاص بنشاطك  للتتاكد من امكانيات البرنامج و كمان فيديو شرح كامل ليه ودليل خطوات مكتوب.

يمكنك طلب عرض السعر لأفضل برنامج محاسبة فى مصر والشرق الأوسط من اكفليكس 

أضف تعليقاً

تعليق بواسطة عادل يحيى | 2023 August 22

السلام عليكم،، مشكور اخي العزيز على المعلومات،، عندي ملاحظة بسيطه: ياحبذا يكون الشرح لغة فصحى ليستفيد منه اكثر قدر ممكن

شكرًا لحضرتك يا فندم هناك مقالات باللغة العربية الفصحي و سيتم تطبيق هذا على جميع المقالات والشرح