محاسبة شركات المقاولات وتسجيل القيود فى برنامج محاسبة المقاولات

تم النشر بواسطة mostafa sobhy
تاريخ النشر : 2018 March 24

محاسبة شركات المقاولات وتسجيل القيود فى برنامج محاسبة المقاولات

ازاى يتم الاعتراف  بالايراد في محاسبة شركات المقاولات ؟ وايه هى قيود اليوميه المطبقة على العمليات المالية فى محاسبة المقاولات ؟

من خلال المقال ده هنعرف ازاى بيتم الاعتراف بإيرادات ومصروفات اى عقد مقاولات وازاى يتم تسجيلها كقيود يوميه فى نظام محاسبة شركات المقاولات المتكامله

خلينا نبدأ من نقطة اننا كشركة مقاولات دخلنا مناقصه وكسبناها واتعاقدنا فعليا مع العميل وبيانات العقد بالشكل ده:

قيمة العقد: 1000000 جنيه

التكاليف المقدرة: 800000 جنيه

مدة العقد: سنتين

وقبل مانبدأ فى المعالجة المحاسبية  فى محاسبة المقاولات وتطبيقها فى برنامج محاسبة وادارة شركات المقاولات لازم نعرف انه بعد ما يتم رسم المناقصة على الشركة لازم نبدأ فى تكويد المشاريع بتاعتنا وتوصيفها على السيستم.

والتكويد يعنى ترميز المشروعات بإعطاء كل مشروع الشركة مسكاه رقم معين مميز ليها، وتوصيف المشاريع يعنى كتابة وصف تفصيلي  لبنود المشاريع (الشغل اللى هتقوم بيه فى المشروع) وفى محاسبين كتير بيفضلوا تكويد البنود كمان، وتوصيف المشاريع يتم بناءا على كراسة الشروط اللى كنت اشتريتها من العميل 

دى صورة  شاشة المشروعات فى برنامج محاسبة المقاولات أكفليكس: 

ودا كمان تقرير مهم جدا بيوضح عرض تفصيلى سريع للمشروعات اللى بدخل فيها بتفاصيل كل بند فى برنامج حسابات مقاولات أكفليكس:

مراحل الاعتراف بالايراد فى محاسبة شركات المقاولات ؟ 

المرحلة الأولى: استلام دفعة مقدمة 

ودى المرحلة اللى بنبدأ فيها ناخد دفعة مقدمة من العميل بتاعنا او مالك المشروع عشان نبدأ ننفذ شغلنا، والدفعه المقدمه دى هتكون بمثابة التزام علينا لحد ما نثبت استحقاق معين على المالك.

قيد الدفعة المقدمة

100000 من ح / النقدية (البنك)

100000 الى ح / عملاء عقود تحت الانشاء (العميل)

(قيد إثبات تحصيل دفعة مقدمة من العميل مالك المشروع )

وطبعا من خلال منظومة أكفليكس بيتم تسجيل عملية التحصيل من خلال برنامج الخزينة والبنوك  والسيستم اوتماتيك بيترجم حركة القبض اللى قيد يوميه في برنامج الحسابات العامة وكل ده فى إطار منظومة محاسبة شركات المقاولات المتكامله بالشكل ده 

وفى الغالب تحصيل الدفعة المقدمة بيتم من خلال شيكات وعشان كدا احنا خصصنا مقال كامل بنشرح فيه دورة الشيكات بشكل مفصل وتقدر تدخل تقرأ المقال من هنا .. مقال دورة الشيكات 

وسواء كان الاستلام نقدا أو بشيكات في ايصال الاستلام هو مستند إثبات القيد ودا شكل إيصال الاستلام

المرحلة الثانية مرحلة التنفيذ الفعلية 

 من مراحل دورة محاسبة المقاولات وتطبيقها على برنامج محاسبة شركات المقاولات ودى مرحلة التنفيذ الفعلية وهنا بنبدأ نشتغل وتتكبد تكاليف فعلية وقبل مانبدأ فى تسجيل التكاليف دى لازم نعرف اننا كمحاسبين بنتكبد نوعين من التكاليف:

النوع الاول: التكاليف المباشرة 

ودى التكاليف المباشرة اللى بننفقها على المشروعات اللى ماسكينها ودول شوية بنود منهم واللى لازم نكون عارفين التوجيه المحاسبي السليم لبنود التكاليف دى فى إطار محاسبة شركات المقاولات :

1- المواد والخامات المستخدمة مباشرة فى المشروع زى الطوب والاسمنت الرمل وممكن المواد دى اكون بشتريها بشكل مباشر من الموردين ويوزعها على المشروعات او انى بشتريها وخزنها وبعد كدا اوزعها على المشروعات وعشان كدا خصصنا مقال عن انك ازاى تبنى نظام مخزني متكامل.

2- اجور العمال اللى شغالين على المشروعات اللى انا ماسكها ودى بردو خصصنا لها مقال بعنوان قيد الأجور والرواتب.

3-  ونقدر نضيف على البندين دول مصروفات استئجار الآلات مستخدمه فى المشاريع ومصروفات ومصروفات التصميمات الهندسية وغيرها من التكاليف المتعلقة مباشرة بالمشروع.

 النوع الثاني: التكاليف الغير مباشرة 

ودى عبارة عن التكاليف الغير المباشرة زى أجور الإدارة والمصروفات الإدارية ودى تكاليف فترة بتتحمل على قائمة الدخل فى سنة تكبدها وكنظام محاسبة شركات المقاولات مش باعتبارها من ضمن تكاليف المشروعات.

ازاى اسجل التكاليف اللى بتحملها فى محاسبة شركات المقاولات

مبدئيا عشان نقدر نقول ان التوجيه المحاسبي بتاعنا سليم لازم يكون عندنا حساب فى شجرة الحسابات فى الاصول المتداوله  اسمه عقود تحت التنفيذ ( تحت الانشاء ) ودا الحساب اللى بتثبت بيه جميع التكاليف المتكبدة على المشاريع عشان نقدر نعرف احنا وصلنا لحد فين فى المشروعات بتاعتنا واتكلفنا فى كل مشروع اد ايه بالظبط من كل بند من بنود التكاليف المختلفة .

ولنفترض اننا  اننا تكلفنا مواد بمبلغ 2000000 ج واجور بمبلغ 100000ج ومصروفات مباشرة (زى التصميمات ) بمبلغ 100000 ج.

فى الحاله دى هانثبت القيد بتاعنا  بالشكل ده :

400000 من ح / عقود تحت الإنشاء ( مشروع العميل ...)

       200000 ج مواد ومستلزمات

         100000 ج اجور ورواتب

        100000 ت . مباشرة وتصميمات

       إلى مذكورين

200000 ح / مخزن الخامات ( أو الموردين )

100000 ح/ اجور مستحقة للعاملين .

100000 ح / حسابات دائنة اخرى.

صورة حركة صرف الخامات من المخازن  وربطها بمراكز تكلفه مختلفه (مشاريع) من برنامج ادارة المخازن.

المرحله الثالثة: حساب الايراد العام 

وهى الاعتراف بالايراد اللى بيخص العام ودى اهم مرحلة على الاطلاق اللى بقول فيها انا الدخل بتاعى اد ايه والتكاليف بتاعى اد ايه.

فى الاول بيتم حساب الإيراد اللى بيخص السنة وفقا لنسبة الانجاز، وبنحسب  نسبة الانجاز بالمعادلة البسيطة دى.

نسبة الانجاز = التكاليف الفعلية ÷إجمالى التكاليف المقدرة حتى إتمام العقد

وفى السنة الاولى هتكون نسبة الانجاز بالشكل ده : 400000 اجمالى المنفق فعليا  ÷ 800000 اجمالى المقدر = 50 %

 وبكدا الإيراد اللى يخص السنة هيكون بالشكل ده : 1000000 اجمالى قيمة التعاقد 50 % نسبة الإتمام = 500000 .

بعد كدا بنثبت قيد الاعتراف بإيرادات وتكاليف العقد  فى محاسبة شركات المقاولات واللى هنقرر عنها فى قائمة الدخل بالشكل ده:

400000 ج من ح / تكاليف عقود تحت التنفيذ

100000 من ح / عقود تحت التنفيذ (بالفرق)

                                                        500000 الى ح / ايرادات عقود تحت التنفيذ.

(قيد إثبات ما يخص الفترة من ايراد وتكلفه للمشروعات)

المرحله الرابعة وهى اثبات المطالبات (المستخلصات) 

هى إثبات المطالبات (المستخلصات) اللى بنطليها من العميل عشان نحصل جزء من المبلغ وكنا خصصنا مقال كامل مفصل عن مستخلصات المالكين.

وممكن طبعا قيمة المطالبه او المستخلص ده تكون اكبر او اقل من نسبة الانجاز  ولنفترض انها ب 600000 ج هانثبتها بالقيد ده:

600000 من ح / عملاء عقود تحت الانشاء (العميل ...)

600000 ج الى ح / مطليات عملاء تحت الانشاء.(مستخلصات رقم..)

(قيد اثبات مستخلص رقم ..)

شكل المستخلص فى برنامج محاسبة المقاولات

وقيد التحصيل طبعا معروف وسهل للناس نتيجة لقيود السنه الثانية ولنفرض انها نفس التكاليف وفى الحاله دى هانثبت نفس القيود فى جميع المراحل وهانزود مرحلة خامسة 

المرحلة الخامسة اقفال المشروع واستخراج حساب العقود 

اقفال المشروع وبكدا اكون خلصت المشروع بتاعى وسلمته تسليم نهائي وبقفل حساب عقود تحت التنفيذ مع حساب عقود مطالبات عقود تحت التنفيذ بالقيد ده:

1000000 من ح مطالبات عقود تحت الانشاء

                                                        1000000 الى ح  عقود تحت الانشاء

(إثبات اقفال المشروع فى نهاية السنه الثانيه )

يمكن التعرف على افضل برامج محاسبة فى مصر والشرق الأوسط من خلال منظومة أكفليكس 

طلب عرض سعر
أضف تعليقاً

تعليق بواسطة خالد عبد اللطيف | 2018 March 25

ممتاز جزاك الله خير

تعليق بواسطة احمد عبيدات | 2018 August 26

ما الفرق بين عقود تحت التنفيذ وعقود تحت الانشاء , وهل تعتبر العقود تحت التنفيذ ايضا اصول متداولة , وماذا عن مطالبات عقود تحت الانشاء هل تعتبر هل تعتبر اصول ايضا

تعليق بواسطة | 2019 July 01

شرح لدورة المحاسبية في شركة المقاولات